1 KHANGTHUBU 13:10 - PATHIEN LEKHABU THIENGTHO (BSI)

¹⁰ Tichun, Lalpa lungnat na chu Uzzah chung achun a puokzak ta a, Pathien Bawm a tuk ziek chun a sulum ta a; zie taka Pathien masang achun a thi ta a.

1 KHANGTHUBU 13:10 ပူးပေါင်းရင်းမြစ်များ

1 KHANGTHUBU 15:15

Chun, Lalpa’n Mosi manga thu a piek bang khan Levi suonte chun a zawnna mawlh chun a liengko u ah a pu tau a.

1 KHANGTHUBU 15:13

A masa tum khan le, nang haw’n na zawn loh ziek u leh a thupiek banga I hih loh ziek u a Lalpa I Pathien uh lungnatna chu I chung u a puokzak ahi kha!” a ti a.

KISIMNA 4:15

Chun, Aron leh a chapate’n mun thiengtho matchâk chengcheng a khuh zawh u a, giehbuk chawn ding tieng leh; Kohath chapate chuh a zawn dingin hung kipan sek untin, himahleh thil thiengtho haw chuh a khawih dinguh ahi puoi, a khawih khâk u chun thi’n au, Zie chuh puon-In chawn ding chenga Kohath chapate mawhpuokna chuh ahi.

1 SAMUEL 6:19

Chun, Pathien bawm sung a et ziekun Bethsemesh khuo a mite chu a gawt lum a, alak uh a mi singnga leh sawmsagih hiel a gawt lum hi: Lalpa’n mipite chu a hah gawt bêk ziekin mite chu a kap u a.

JOSHUA 6:6

Chun, Joshua chun thiempute chuh a sama, a kawm u ah, “Thugawlh bawm hi zawn unla, thiempu sagih in Lalpa bawm masang lam a chun belamchal ki pengkun sagih chawi u hen,” a ti a.

KISIMNA 16:35

Zie chun Lalpa’n mei a sawl a a kuong zak a, gimlim hâlte mi zanih leh sawmnga te chuh a kang lum ta a.

1 KHANGTHUBU 13:11

Zie a kipat chun, zie mun min ding chun, “Perez Uzzah,” a sa tau a. Lalpa’n lungna a, Uzzah a gawt ziek chun, David chu a lungna mah mah ta a.