1 KHANGTHUBU 12:40 - PATHIEN LEKHABU THIENGTHO (BSI)

⁴⁰ Chun, mâllam gamla taka cheng, Issakar gam apat te, Zebulun gam apat te, Naphtali gamte apat chun le sabiltungte, sangawngsaute, sakawlte, bâwngchalte chun, nek ding, chângthâk te, theipi te, grep gah phogawt te, uain te, sathaute a hun puou a, chun, bâwngchalte, belamte tamtak a hun pui u a; tichun, Israel gam chu kipahna’n a dim ta a.

1 KHANGTHUBU 12:40 ပူးပေါင်းရင်းမြစ်များ

1 SAMUEL 25:18

Ziephet chun, Abigail chun kintak in chângthâk tang za nih tawh, uain um nih tawh belam nga huon zieng theih a sem zawhsa tawh, chângpêl tehna dim nga tawh, grep gah kiphogaw bawk zakhat tawh, theigah chângthâk tang zanih a lakhawm a, sabiltung a puok saka.

2 SAMUEL 16:1

Chun, David chun tângsip kaltohna neukhat a vak khel chun, ngaitie, Mephiboseth suokpa Ziba chun a na muok a, sabiltung nih, chângthâk tang zanih leh grep phogawt bawk zakhat leh theipi gah zakhat leh uain bûk khat a puok sak a.

THUCHINGTE 29:2

Mi diktat in thuneihna a chan tieng leh mipite a kipâk sek u a, mi gilo in vai a hawm phat leh mipite a lungkham sek ui.

THUCHINGTE 11:10

Mifel te’n vangphatna a chan niu chun khawpi chuh a kipâk a; himahleh, mi gilo a thih tieng chuleh kipahna thawm a um sek.

2 LENGTE 11:20

Khutichun, zie gama mi chengcheng chuh a kipâk u a, chun, khawpi chu buoi lo in a um ta a; Athalia chu leng In achun chemzâm in a that tau a.

1 LENGTE 1:40

Chun, mipi chengcheng chun amah chu a zui to u a, mipite chun châmngaite a mût u a, nasatak in a kipâk u a, a thawm giu chun lei a kithing hiel ta a.

1 KHANGTHUBU 12:39

Amau haw chu ni thum sung David kawm achun ne leh dâwn in a um u a; ziehaw chu a unauteu in a hun tuok khawm uh ahi.

1 KHANGTHUBU 13:1

Tichun, leng David chun lawiupa chengcheng, sang chunga lawiupate, leh za chunga lawiupate chu a dawng a.

HOSEA 3:1

Chun, Lalpa’n ka kawmah, “Chieh kit inla, numei mi dangin a deih lai, zawlsainu chuh va deihchah. Israel chate’n pathien dangte lama ei kiheisan u a, milim pathiente kawma grep pho gawt te a lat nawp zing sau a le ka hehpih tei tei guola hi na lungsiet ding ahi,” tin.

1 KHANGTHUBU 29:22

Zie ni chun, Lalpa masang achun kipâk takin a neu in a dâwn u a. A nih vei na ding chun “Solomon chu leng ahi,” ti’n a phuong kit u a, a leng dingun Lalpa min in sathau a nuh u a; Zadok chu a thiempu dingun a siem tau a.