1 KHANGTHUBU 12:18 - PATHIEN LEKHABU THIENGTHO (BSI)

¹⁸ Khutichun, sawmthum chunga lawiupa Amasai chunga chun thagau a hungtung a, “Jessai chapa David, nang lama pang ka hiu hi, na chungah lungmuonna um hen, nangmah hun panpihte chunga le lungmuonna um hen; na Pathien chun a hun panpih sek ngâl a,” a ti a. Ziephet chun, David chun, amau haw chu a lawp a, sepaih hawn lawiupa dingin a siem ta a.

1 KHANGTHUBU 12:18 ပူးပေါင်းရင်းမြစ်များ

2 SAMUEL 15:21

Chun, Itai chun leng chu a dâwng a, “Lalpa hinna leh leng, ka pu hinna sâlin ka gen hi, leng, ka pu hi na umna tâk achun, thih leh thih hi’n tin, dam le dam hi’n tin, na suok hi le um zel ina” a ti a.

2 SAMUEL 17:25

Chun, Absalom chun Amasa chu Joab thasang in sepaih lawiupa dingin a kawih a. Amasa chu Israel mi Ithra chapa ahi a, a nu chu Nahash chanu Abigail ahi a, Joab nu Jeruiah suohpih ahi.

2 SAMUEL 19:13

Chun, Amasa kawmah, “Ka guh leh ka phehlevo hilo na him? Joab thasanga sepaihte lawiupa a ka hun pansak loh chun Pathien in a nawp nawp ei lawh hen, zie sanga nasa zaw chun le, a tii, va tiu,” ti’n mi a sawl a.

2 SAMUEL 5:2

Tuma a Saul ka chungu a a lal lai a Israel te puidawk leh puilutpa na na hi sek a: chun Lalpa chun na kawmah, ‘Ka mi Israel te chu vak-in na tin, Israel te chunga lawiupa’n um inla,’ a ti a,” a tiu a.

1 LENGTE 9:22

Israel suonte vang chuh Solomon in suok in a siem puoh a; kido mite, a na semte, a miliente, a sepaih lawiupate, a kangtalai leh a sakawl chung chuong mi lawiupate ahi zawu hi.

2 LENGTE 10:15

Chun, zie apat chuh a pawt nung chun, Rekab chapa Jehonadab, amah muok dinga hung chu a va mu a; tichun, chibai a bûk a, a kawmah, “Na chunga lunggil dik ka put bang hin, lunggil dik, nangin ka chungah na pu die aw!” a ti a. Jehonadab chun, “Pu e!” ti’n a dâwng a. “A hih leh, na khut ei hun pie tie,” a ti a. Tichun, a khut chu a vak pie a, tichun, amah chun a kangtalai chungah a kailut a.

2 LENGTE 10:5

Tichun, leng insung lawiupa pente, khawpi vaihawmte, upate haw leh, leng suonte a na enkawlte chu tawh Jehu kawmah, “Na suokte ka hiu hi, hih dinga nei hilh takphawt chu hih zel ung kau, kuomah leng in siem puo’ng kau; nangin pha na sak bang bangin hihin,” ti’n mi a sawl u a.

2 LENGTE 9:32

Chun, amah chu tukvan lam achun a vak dâk to a, “Kuo a kei lama pang, kuote a?” a ti a. Mi tilgeh nih ahim, thum ahim hi, amah lam nga’n a hung dâk suk u a.

1 KHANGTHUBU 11:11

A khatna chu Hakmon chapa laka Jeshobeam chuh sepaih hangsan thum laka lawiupa, (sawmthum laka lawiupa), zathumte chunga a tiengcha dawmsang a, tumkhata thatpa kha ahi.

1 KHANGTHUBU 12:17

Tichun, David chu, amau haw muok dingin a chieh a, “Thu pha lama ei panpih dinga ka kawma hung na hih u chun, ka lunggil in hun kizawppih ina; himahlele, ka khut in thil gilo a hih puoi, tih hezing kawma, ka melmate ei matsak guoa hung na hih u chun, ka pileputeu Pathien chun hun mu henla hun gawt he’n,” a va ti a.

1 KHANGTHUBU 2:17

A chanu khatzaw, Abigail chun Jether a kichênpih a, Ishmael suonte a hi a, chapa a nei u a, a min chu Amasa ahi.

ISAI 59:17

Chun, diktatna chuh awmphaw guolin âk in tin, zawhna chuh hukdamna lukhuk guolin hun khu ding a hi. Thil diklo hihte chunga phuba lâkna chuh silhlechen guola nei in, hachangthakna’n a kithuom a.

ZEKARIA 8:23

Zie nihaw achun hiti hi hung hi’n tin, namtin apat mi sawm te chun Juda mi khat chuh a puonmawng in tuzui un tin, a kawmah, ‘Pathien na kawmah a um hi tih, ka het ziekun, kei un le na chiehna achun hun zui ung kau,’ ti’n au,” a ti a.

MATTHAI 12:30

“Kuole, kei lama pang lo chuh ei do ahi a, kuole ei lakkhawm pin lo chun a thehzak ahi.

GALATI 6:16

Zie tawbang ngaihdan zui ta chengte chunga chun kichamna leh kikhawtuohna um hen la, amau haw leh Pathien mipite chung ngeia tawh um ta hen!

VAIHAWMTE 13:25

Chun, Zorah leh Eshtaol, Mahanehdan kiti mun achun Lalpa thagau in a hun suhalh pan ta a.

VAIHAWMTE 3:10

Chun, Lalpa thagau chuh a chungah a hung tunga, tichun, Israel chate chunga vaihawm in a pang ta a. Othniel chuh galdo dingin a kuon dawk a, Mesopotamia leng Kushan-rishathaim chuh a khut ah a pie a, a zo ta a.

VAIHAWMTE 6:34

Himahleh, Lalpa thagau chuh Gideon chungah a hung tunga, tichun pengkun a mût a, Abiezer te chuh hung pungkhawm in a zui tau a.

RUTH 1:16

Himahleh, Ruth chun, “Nang hun nusieh ding leh hun zui lo a vaikit dingin ei thêm dah hâmhâm in; na chieh na tâkah chieh ing ka ting, na giehna taphawt ah giek ing ka ting, na chite chuh ka chite hiu in tin, na Pathien chuh ka Pathien hi’n a.

1 SAMUEL 16:4

Tichun Samuel chun Lalpa thupiek chu a hih a, Bethlehem achun a chieh ta a. Chun, khuo a upate chun amah chu kilîng kawmin a na muok u a, “Apha lam kawka hung na hi na’m?” a tiu a.

1 SAMUEL 16:5

Chun, amah chun, “Apha lam kawk hi e! Lalpa kawma kithawi dinga hung ka hi; kisuthieng unla kithawihna ah hung un,” a ti a. Chun Jessai leh a chapate chu a suthiengtho a, kithawihna achun a chiela.

1 SAMUEL 22:7

Chun, Saul chun a kimvela ding a suokte kawm achun, “Nang u Benjamin mite haw, ngaiun; Jessai chapa chun lo haw leh grep huon haw hun pie chietin a sepaih sang lawiupa ding bang, a sepaih za lawiupa ding bangin ahun siem suok kêi dinga ahim?

1 SAMUEL 24:12

Lalpa’n kei leh nang kal thu hi vaihawm henla, chun, Lalpa chun na chungah ka phuba la hen; ahihziekin ken vang na chungah ka khut tha himhim puo’ng ka.

1 SAMUEL 24:13

Malai thuching in, ‘Minunsie apat in nunsietna a hung pawt sek a,’ a ti a; himahlele na chungah ka khut tha puo’ng ka.

1 SAMUEL 24:16

Chun, hiti hi ahi a, David in Saul kawma zie thu haw hih a gen zawh phet chun Saul in, “Nang na hi maw, ka chapa David?” a ti a. Chun, Saul chu ngeih tak in a kap ta a.

1 SAMUEL 8:12

chun, a sepaih sang lawiupa dingte, sawmnga lawiupa dingte’n guot intin; chun, khenkhat chu a lokai dingin, a buh ât ding in, a kidona thuomphuo siem ding in, a kangtalai matchâk siem ding in mang in a.