Lau kiu unla, na kawm u ah ka um zing hi! Na Pathien uh ka hi a, lungkie kiu inla, bangmân hun hihlau kihe’n. Hun suhat ing ka ting, ahi hun panpih ing ka.
Nang tangtel tawbang chauh Jakob, nang ganhing neu tawbang Israel, himahleh, lau kiu inla, hun panpih ding ka hi. Kei, Israel Pathien Thiengtho, a hun hukdawktu chuh ka hi ngâl a.
A gam lien zel intin, a vaihawmna leh chamna chun tâwp tik ni nei puo’n a. David lalchutphah leh a lalgam ah chu’n tin, bawt dawk ding leh sudet dingin diktak leh kitûp takin vaihawm ina, tu apat kumlekhuo’n, Sepaihte Lalpa phatchuomngaihna chun zie chuh hih ina.