1 KHANGTHUBU 11:3 - PATHIEN LEKHABU THIENGTHO (BSI)

³ Tichun, Israel upa chengcheng chu Hebron a leng kawm achun a chieh u a; chun, David in, Hebron a chun Lalpa masangah, a kawm u ah thu a gawlh a; tichun, Lalpa’n Samuel manga a gen bang khan, David chu Israel te leng dingin sathau a nuh tau a.

1 KHANGTHUBU 11:3 ပူးပေါင်းရင်းမြစ်များ

1 SAMUEL 16:1

Khutichun, Lalpa chun Samuel kawmah, “Israel te leng dinga ka deih tâk loh Saul ziek hin bang chana na lungkham ding? Na saki chu thau thun dim inla, chieh in, Bethlehem mi Jessai kawma hun sawl ding ka hi; a chapate laka khat leng dinga ka tel tâk ziekin,” a ti a.

2 SAMUEL 5:3

Khutichun Israel upa chengcheng chu Hebron ah David kawm achun a chieh u a; chun leng David chun Hebron achun Lalpa masangah a kawm u ah thu a gawlh a: tichun David chu Israel te chunga leng hi dingin sathau a nuh tau a.

2 SAMUEL 2:4

Chun, Juda gama umte Hebron a chun a va chieh u a, Juda mite chunga leng hi dingin David chu sathau a nuh tau a. Khutichun, “Saul vuite chu Jabesh-gilead mite ahiu hi,” ti’n David chu a hilh u a.

1 SAMUEL 16:3

Chun, kithawihna achun Jessai chu chiel inla, na hih ding chu hun hilh ing ka ting; chun a min ka hun hilh ding pên chu thau ei nuh sak in,” a ti a.

2 KHANGTHUBU 23:3

Ho-In ah a chieh khawm u a, tak achun leng chapa Joash chu tawh thugawlh a siem tau a. Jehoiada chun a kawm u ah, “Leng a na thi ta pa chapa chu ziehi a hi a! Lalpa’n leng David kawm a a suonteu chu leng a um ding ahiu a na tih bang khan tuhin leng a a pan ding ahi.

2 LENGTE 23:30

Chun, a mite chun Migiddo apat chun a luong chuh kangtalai in a puou a, Jerusalem ah a puo lut u a, a pilepute thân ah a vui tau a. Tichun, Juda mite chun Josia chapa, Jehoahaz a pui u a, thau a nuh u a, a pa thasang in leng in a siem tau a.

2 LENGTE 11:17

Chun, Jehoiada chun leng Joash leh mipite chu Lalpa mite a hih theihna dingun, Lalpa tawh a kal u ah thugawlh a siem sak a. Leng leh mipite kal achun le a siem sak a.

1 SAMUEL 28:17

Kei ei manga a gen guol khan Lalpa’n na chunga a hih a hita chu: Lalpa chun na khuta leng gam chu a hun lâksak ta a, na invengpa David ngêi chu a piek ahi tai.

1 SAMUEL 23:18

Khutichun, a nih u chun Lalpa ma ah thugawlh a siem u a. David chu Horesh ah a um zing ta a, Jonathan chu In lam ah a chieh kit ta a.

1 SAMUEL 15:28

Chun, Samuel chun a kawmah, “Tuni apat hin Lalpa’n Israel gam hi ahun lâksak ta a, nang sanga phazaw na invengpa a pie tai.

1 SAMUEL 11:15

Khutichun mipi chengcheng chu Gilgal achun a chieh tau a; Saul chu Gilgal achun Lalpa ma ah leng in a siem: tau a; zie tak achun Lalpa ma ah chamna kithawihnate a pieu a; tichun zie chun Saul leh Israel mite chengcheng chu a kipâk mah mah mai tau hi.

VAIHAWMTE 11:11

Khutichun, Jeptha chuh Gilead upate kawm achun a chieh ta a. Gilead mipite chun a luchang ding u leh a lawiupa dingun a na siem tau a. Chun, Jeptha chun Mizpah khuo a Lalpa masang ah a thu chengcheng chuh a gen dawk ta a.

2 SAMUEL 5:5

Hebron achun Judate chungah kum sagih leh tha gup vai a hawm a; Jerusalem ah Israel leh Judate chengcheng chungah kum sawmthum leh kum thum vai a hawm a.

1 KHANGTHUBU 11:10

Ziehaw hi David sepaih hangsan, Israel te chengcheng tawh panga, Israel te chungchâng thu a Lalpa’n a gen banga, lenga siemna dinga a ainahphah pih, mi hangsan tak takte chu ahiu hi: