1 KHANGTHUBU 11:23 - PATHIEN LEKHABU THIENGTHO (BSI)

²³ Aigupta mi, mi awmkhauh tak, tawng nga a sang hi a that a; zie Aigupta mi chun tiengcha lien tak, puon-gânte kawlka banga khauh hi a chawi a. Benai-ah chun chun tiengcha pum chun a vak zuon a, Aigupta mi tiengcha chu a zuk thak sak a, amah tiengcha chun a sun lum ta a.

1 KHANGTHUBU 11:23 ပူးပေါင်းရင်းမြစ်များ

1 SAMUEL 17:7

A tiengchalung chu kawlka tawbang ahi a; chun a thik tiengchaphe chu sekel zagup a gik ahi a: chun a phaw puopa chu a masang ah a chieh a.

1 KHANGTHUBU 20:5

Chun, Philistia mite tawh kidona a um kit a; chun, Jair chapa Elhanan, Git-mi Goliath suohpihpa Lahmi kiti chu a that a, a tiengcha lung chu kawlka banga khauh ahi.

1 SAMUEL 17:51

Ziephet chun David chu a tai a, Philistia mipa chung achun a va dinga, a chemzâm a mai viel a, a pai apat chun a satdawk a, zie chun a that a, a lu a tan ta a. Chun, Philistia te’n a mihatpau a thii tih a het phet u chun a taisie tau a.

1 SAMUEL 17:4

Chun, Philistia te panmun apat chun a mihatpau, Gath khuo a cheng, tawng gup leh khâp-a sang amin Goliath kiti hi a hung pawt a.

DAN NIHNA 3:11

(Rephah te laka um nalai sun chuh Bashan lengpa Og chauh hi ahi ta a; ngaitie, a zâlkhun chuh kahpathik ahi; Amon suonte khuo Rabbah achun a um nalai hilo ahim? Mihing teh dana teh in, a dunglam chuh tawng kuo ahi a, a vailam chuh tawng li ahi).

1 KHANGTHUBU 11:24

Ziehaw chu, mi hangsan, Jehoiada chapa Benai thilhihte chu ahi. Sepaih hangsan thum te bana chun minphat a lawh hi.