1 KHANGTHUBU 10:9 - PATHIEN LEKHABU THIENGTHO (BSI)

⁹ A van a sut sak u a, a luchang a tan u a, a gâlvan chu a lau a, a pathien limteu leh a miteu kawma chanchin-phuon dingin, Philistia te gam achun a thak viel tau a.

1 KHANGTHUBU 10:9 ပူးပေါင်းရင်းမြစ်များ

MATTHAI 14:11

Tichun, a luchang chuh kuong in a hun chawi u a, numei chapangnu kawm achun a pieu a, amah chun a nu kawma chun a chieh pih ta a.

DANIEL 5:23

Van Lalpa chung achun na kikawihsang zaw ta a; a Ho-In a umlebelte chuh na masangah a hun chawi u a, zie chuh nang leh na miliente leh na ziteu leh na meiteu tawh uain dawnna’n na mang u a, dangkaguote, sanate, sumeng te, thikte, thingte, leh suonghaw a siem pathien, mu theilo, za theilo leh ngaitha thei lote chuh na limbawl zaw tau a. Pathien, na hin leh thih ding hun guonggalh sakpa leh na thilhih chengchenga hun enkawlpa chuh na zah ta puoh a.

1 KHANGTHUBU 10:4

Ziephet chun, Saul chun, a gâlvan chawipa kawm achun, “Na chemzâm kha bawt dawk inla, ei hun sunlet in; khutilochun, zie zektan loh te hi hung untin kichiemna’n ei mang kha’n au,” a ti a. Himahleh, a gâlvan puopa tangval chun a sun nuom puoh a, a lau mah mah ngâl a. Ziephet chun, Saul chun a chemzâm chuh a la a, a bawh ta a.

2 SAMUEL 1:20

Gath achun gen kiu inla, Ashkelon kawtthêlhaw achun puong kiu in; Khutilochun Philistia chanute kipâk untin, zektan loh chanute nuomsa’n kiko kha’n au.

1 KHANGTHUBU 10:8

Kido zawh a zing chun, Philistia te chu, a gâl thahteu van haw suoh sak dinga a va chieh u chun, Gilboa tânga Saul leh a chapate thi chu a va muu a.

1 KHANGTHUBU 10:10

A gâlvan chu, a pathienteu In ah a kawih u a, a lu chu Dagon In ah a tâk u a.