1 KHANGTHUBU 10:4 - PATHIEN LEKHABU THIENGTHO (BSI)

⁴ Ziephet chun, Saul chun, a gâlvan chawipa kawm achun, “Na chemzâm kha bawt dawk inla, ei hun sunlet in; khutilochun, zie zektan loh te hi hung untin kichiemna’n ei mang kha’n au,” a ti a. Himahleh, a gâlvan puopa tangval chun a sun nuom puoh a, a lau mah mah ngâl a. Ziephet chun, Saul chun a chemzâm chuh a la a, a bawh ta a.

1 KHANGTHUBU 10:4 ပူးပေါင်းရင်းမြစ်များ

1 SAMUEL 31:4

Ziephet chun Saul chun a gâlvan puo-pa kawm achun, “Na chemzâm satdawk inla, ei sun let zieng ah; khutilochun zie zektan loh te hi hung untin un, ei sunlet untin un, nunsie taka kichepna’n ei nei kha’n au,” a ti a. Himahlele a gâlvan puo-pa chun a hih nuom puoh a; a lauh mah mah ziekin. Khutichun, Saul chun amah chemzâm ngêi chu a kilak a, a bawh ta a.

NASEPTE 16:27

Chun, a chingpa ipmu chuh a hung khanglo a, suongkul kawtkhak haw kihawngsa a um chuh a mu a, suongkul lut haw chuh a tai mang ahiu em a ti a, a chemzâm a zuk dawk a, a kisutlup guo ta a.

NASEPTE 1:18

(Zie Juda chun a gitloh hih zieka a dangka muh chun mun khat a chaw a, a bungbu’n a kie a, a lai ah a puokkek a; a gil chengcheng a pawt vek ta a.

1 KHANGTHUBU 10:5

A gâlvan puopa chun Saul chu a thi tai tih a het phet chun, amah chun le a chemzâm chu a bawh a, a thi ta a.

1 LENGTE 16:18

Chun, hiti hi ahi a, Zimri’n khawpi chuh a la tai hi tih a het phatin, leng in a kulh sung ah a tai lut a, leng In a chun mei a kihal khum a, a thi ta a.

2 SAMUEL 17:23

Chun, Ahithophel in a lemguot bang chu a zawp puou hi tih a het in a sabiltung chu a guonggalh a, a kipan a, a khuo lam ah a chieh a, a inkawte khawsak dân ding a hihtup sak diem a, a kikhailum ta a; tichun a thi a, a pa thân ah a vui tau hi.

2 SAMUEL 1:20

Gath achun gen kiu inla, Ashkelon kawtthêlhaw achun puong kiu in; Khutilochun Philistia chanute kipâk untin, zektan loh chanute nuomsa’n kiko kha’n au.

1 SAMUEL 17:36

Na suok hin sakeibaknei leh savawm a that kha gêl gêl ta a: chun, zie zektan loh Philistia pa hi le amau chu bang zieng lo ding ahim, Pathien hing sepaihte a cho ngâla,” a ti a.

1 SAMUEL 17:26

Chun, David chun a kienga dingte kawm achun, “Zie Philistia pa that a Israel te minsietna lamang pa ding chun bang hihsak ahi dem? Zie zektan loh Philistia pa hi kuo ahim, hingzing Pathien sepaihte a vak cho viel a?” a ti a.

1 SAMUEL 14:6

Chun, Jonathan chun a gâlvan chawipa kawm achun, “Hung tie, zektan loh haw sepaihte umna akhun va chieh dii ti; Lalpa’n ei dingin thil a hih mawh die; atam ahim atawm ahim manga hukdam dingin Lalpa chu bangmah cha’n a dal thei puoh ngâla,” a ti a.

VAIHAWMTE 16:21

Tichun, Philistia te chun a man tau a, a mit a kheuhdawk u a, tichun Gaza khawpi achun a pui tau a, sumeng hâtkawl a buhsak u a; suongkul achun buh gawigawp in a mang tau hi.

VAIHAWMTE 15:18

Chun, Samson chuh a dang a hung châk mah mah a, Lalpa a sama, “Nangin na suok khut hi mang in lopi takin nei na hukdawk ta a; tuhin, dangchâk a thi a, zektan loh te khuta puklut mai ding ka him?” a ti a.

VAIHAWMTE 9:54

Ziephet chun gâlvan chawi tangval chuh kintak in a vak sama, a kawmah “Na chemzâm khah zûk dawk inla ei sunlum tie, mite’n numei thah ahi ei tih loh na dingun,” a ti a. Tichun, tangval chun a sunlet zawt a, a thi ta a.

2 SAMUEL 1:6

Amah chun, “Bangti ahim in Gilboa tâng achun ka na um kha khelkhel a, chun, ngaitie, Saul chu a chemzâm chunga kingaia ding ka mu a, chun, kangtalaite leh sakawl chung chuong mite chun a hun delh sausau u a.

1 KHANGTHUBU 10:3

Saul kimvel achun kidona chu a nasa ta mah mah a, melmate thal kap mite thalchang chun a kap kha ta a, a hihliem tau a.