1 JOHAN 5:9 - PATHIEN LEKHABU THIENGTHO (BSI)

⁹ Mihiem hetpihna bawn I ginchak uh chun, Pathien hetpihna chuh a hatzaw ngâl a; Pathien hetpihna chuh ziehi a hii, “Ka chapa chanchin ka hetpih tai,” tih hi.

1 JOHAN 5:9 ပူးပေါင်းရင်းမြစ်များ

MATTHAI 17:5

A gen lai takin, ngaitie, meitang vam takin amau haw chuh a hun lieh ta a, chun, ngaitie, meitang apat chun aw gi khatin, “Ziehi ka chapa deih tak, ka lungkimna mah mah chuh ahi; amah thu ngai un,” a ti a.

JOHAN 10:38

Amahvang chuh, sem ka hih chun, kei ei gingcha kileu chin le, nasephaw bêk hi gingchau in; Pa, keimah ah a um hi tih leh, Kei, Pa ah ka um hi tih na het u a, na ginchak theih na dingun,” ti’n a dâwng a.

JOHAN 5:39

Pathien Lehkha thu na sim gunchuh sek ui. A sung ah kumkhuo hinna um ina tih na ginchak ziekun. Zie lehkha thu haw chuh ka chanchin hetsak pên chuh a hi ngâl a.

NASEPTE 17:31

Khutichun, khawvel pumpi, a mitelte manga vaihawmna dika thu a tan khumna ding chuh a guot ta a. Zie chuh, Pathien in, amah chuh mithi lak apat kaitho in, mi chengcheng kawmah a hetsak tai,” ti’n.

NASEPTE 5:32

Zie thu haw hetpihte chuh ka hiu a keihaw leh Thagau Thiengtho, Pathien in a thu zawp ta chengte kawma a piek ngêi chu tawh,” a tiu a.

HEBRAI 2:4

Chun, Pathien ngêi inle, melchikna leh thilmak tamtak te hihin, amah deih dungzuia Thagau Thiengtho thilpiek tawh amau haw chuh a hetpih a.

HEBRAI 6:18

Zie chun then kit theih loh thil nih a um ta a, zie thu achun le Pathien chuh a lepchieh ngeilo ahi. Khutichun, eihaw, amah a kihumbitna mute hin, I masang uh a kinepna um chuh tuchak dingin, nasa taka sukhat in I um tau hi.

1 JOHAN 5:10

Khutichun, kuole Pathien Chapa gingcha ta chun, amah lunggil mawng ah, zie hetpihna chuh a nei hi; kuole, Pathien gingcha lo chun, amah chuh lepchieh a hih sak ahii, Pathien in a Chapa chanchin a hetpih chuh a ginchak loh ziekin.

1 JOHAN 5:8

Chuleh, leichung ah hetpih thum a um a, Thagau tawh, tui tawh, thisan ahi. Zie thum te hi khata um ahiu hi.