1 JOHAN 5:6 - PATHIEN LEKHABU THIENGTHO (BSI)

⁶ Ziehi ahi tui leh thisana hung chuh, Isu Krista ngêi chuh, tui mai in ahi puoh a, tui leh thisan in ahi zawi; hetpihtu chuh Thagau ahi.

1 JOHAN 5:6 ပူးပေါင်းရင်းမြစ်များ

EZEKIEL 36:25

Chun, na chung u ah tui chîm theh ing ka ting, hung thiengtho in na tin un, na buokna teu chengcheng leh na milim hawu lak apat chun hun hih thieng ing ka.

THIEMPUDANTE 17:11

Phehlevo nei hinna chuh thisan a um ahi ngâla, na hinnau a dinga kichamna siemna chuh thisan ngêi chuh ahi ngâla.

ZEKARIA 9:11

“Nangmah thu a le, na thugawlh thisan ziek chun; kawkhuk tui um lohna apat chun na suongkul tângte chuh hun thahdawk ing ka.

MATTHAI 26:28

Ziehi ka thisana thugawlh thak, mi tamtak gitloh ngaihdamna dinga pawt chuh ahi.

MATTHAI 3:16

Tichun, Isu chuh baptistma a chan zawh zawh chun tui apat in a pawtdawk zieng a, chun, ngaitie, amah dingin van a hung kihawng a, Pathien Thagau chuh vakhu banga hung kum in a chunga hung chuh a mu a.

MARK 14:24

Chun, a kawm u ah, “Ziehi ka thisana thugawlh thak, mi tamtak a ding a pawt ding, etsakna chuh ahi.

LUKE 22:20

Chun, khutibang mah in, nitâk an nek zawhin khawn chuh a la a, “Ziehi ka thisana thugawlh thak, na sik u a pawt ding melchikna chuh ahi.

JOHAN 14:17

Zie chuh Pathien chanchin diktak phuongdawk sek Thagau chuh ahi. Vannuoi in zie chuh a nei thei puou hi, amah a muh loh u a, het le a het loh ziekun. Nang haw’n vang, na kawm u a a um zing ziek leh, nangmau a a um ziekin, amah chuh na heu hi.

JOHAN 14:6

Isu’n a kawmah, “Keimah hi lampi leh Thutak leh Hinna ka hii; keimah a chieh lo chuh, kuomah Pa kawm a tung ngei puou.

JOHAN 15:26

“Chun, Pa kawm apat Lungmuonpa na kawm u a ka hun sawl ding chuh, Pathien chanchin diktak phuongdawk sek, Thagau chuh a hii. Amah chuh Pa kawm apat ka hun sawl ahi a, amah chun ka chanchin hun hetsak ina.

JOHAN 16:13

Amahvang chuh, Pathien chanchin diktak phuongdawkpa Thagau chuh a hung tieng leh, thudik cheng chengah hun puilut ina. Amah phuok kawmin thu gen ding a hi puoh a, a thu zakte chauh gen intin; thil hungtung dingte le hun hetsak in a.

JOHAN 3:5

Isu’n a dâwng a, “Tihtakzet, tihtakzet in ka hilh na hii, mi kuole, tui leh Thagau a a pien loh chun Pathien gam lut thei puo’n au.

JOHAN 4:10

Isu’n a dâwng a, a kawmah, “Pathien thilpiek leh dâwn ding nei pie’n ti a na kawma ngên pa hi he leh chin, nangin a kawma ngên zaw ding na hi a, tichun, ama’n hin tui hun pie zaw ding hi a,” a ti a.

JOHAN 4:14

kuole, a kawma tui ka piek ding dâwn ta chuh, kumkhuo’n a dang uh châk kit ta puo’n a, ken tui a kawm u a ka piek ding chuh a sung u ah tuinak hung um intin, kumkhuo tuonga hinna dingin kichik to ina,” a ti a.

JOHAN 6:55

Ka phehlevo hi an tak ahi a, ka thisan hi dâwn ding tak ahi ngâl a.

NASEPTE 8:36

Chun, lampi a a chieh lai u chun, tui umna mun khat hi a tung u a, chun, mitilgeh chun, “Entie! taka hin tui a um, baptistma channa ding bangin ei dal hi?” a ti a.

ROME 3:25

Pathien thuokhatna zâla malaia a gitlohna teu kihetloh sak a a um ziekin a diktatna etsakna dingin Krista Isu chuh a thisana ginna zieka suol thuphachawih na hiding in Pathien in a guot a.

EPHESI 1:7

Krista thisan ziekin amah achun I kitatnau I nei tau a, a lungsietna hauh dungzuia I sukkhelhnau ngaihdamna chuh.

KOLOSSA 1:4

Krista Isu na taksan zieu leh, mithiengtho cheng chengte chunga hehpihna na neih zieu ka na zak uh apat, nang haw dinga paucham zingin, Pathien, I Lalpau Isu Krista Pa kawm achun kipahthu ka gen zing sek ui.

1 TIMOTHE 3:16

Chun, I Pathien ngaihsakna thuguk chuh, niel guol loh a lopi ahi ngâl a: “Phehlevo a hung kiphuong a, Thagau a thiem chang a; Vânsâwlchâkte’n le a muh uh, Jentel te laka tângsappih a, Khawvel pumpi a mite ginchak a, Lopina a puih toh takpa chuh.”

TITA 3:5

ei uh ei hukdam ta a. Zie chuh eimau mawng in thil I hih phat ziekuh hilo in, himahleh, amah mawng hehpihna chun, Thagau Thiengtho a pienthakna leh hinna thak a chuh ei sil in, ei hukdam I hi tau hi.

HEBRAI 10:29

Pathien Chapa tawhden a, thugawlh thisan, amah sukthienna chuh musit a, lungsietna Thagau sumuolpho chuh, zie sanga bangti tienga na zaw a thuok taka ngaih hi dingin a na ginchak?

HEBRAI 12:24

Isu, thugawlh thak palai kawm leh, thisan theh, Abel thisan sanga thu phazaw gen kawma hung na hi zawu hi.

HEBRAI 13:20

Chun, Chamna Pathien, I Lalpau Isu Krista mithi lak apat kaithopa, kumsawt thugawlhna thisan zâla belam Chingpa Lien chun,

HEBRAI 9:14

Krista, kumsawt a Thagau zâla melhemlo a Pathien kawma kithawihna thisan chun, Pathien hing zenviel dingin, na sielephahetnau chuh thilhih thite lak achun a hah hihthien na mai zên ding e!

HEBRAI 9:7

Himahleh, puonzak nihna dân sung achun, Thiempu Lienpen chuh, kum cheng leh khatvei chauh, amah gitlohna leh mipite gitloh thawihna ding a lat ding thisan chawi in amah chauh a lut sek hi.

1 PETER 1:2

Isu Krista thisan theh khum zâla thu zawp ding leh Thagau Thiengtho a sukthientho, Pa Pathien hetlawk dungzuia teldawkte kawmah, Hehpihna leh thamuonna na kawm u ah sukpun in um hen.

1 PETER 3:21

Zie chuh, baptistma, tu a nanguh hukdama na umnau etsakna chuh ahi. Zie chuh taksapum nin sawp thienna hilo in, sielepha hetna thieng taka, Pathien kawma thutiem neihna chuh ahi. Isu Krista thawhkitna vangin tuhin a hun hukdam na hiu hi;

1 JOHAN 1:7

Himahlele, amah chuh vaka a um banga, ei uh le vaka um I hih uh chun chuh, amah tawh kivawp khawm I hiu a; chun. a Chapa Isu thisan in I gitloh cheng chenguh ei tauh ngim sak ahi.

1 JOHAN 4:10

Ziehi ahi hehpihna chuh; eimau in Pathien I hehpih ui ti ka hi puoh a, ama’n ei uh ei hehpih a, I gitloh uh lutchamna hi dingin, a Chapa a hun sawl hi ti ka hi zaw ie.

THUPHUON 1:5

Isu Krista, thu hetpih taksanum tak, mithi lak apat a kaihthawh a um masapen ding pa leh, leia lengte vaihawmpa kawm apan chun A lungsietna leh chamna na kawm u ah um hen. Ama’n ei hehpih a, a thisan in I gitlohnau apat ei tandawk a,

THUPHUON 5:9

Chun, amau haw chun, “Nang, lehkhabu chuh laa, A tiemtehna te phel tâk na hi ie; Thah in na um ta a, Chitin a mite, namtin a mite, Pathien dingin na thisan in na chaw a,

THUPHUON 7:14

Kei chun a kawmah, “Hepu, ka he puoi, nangin na he’i” ka ti a. Amah chun ka kawmah, “Ziehaw hi, gimtheihna nasatak apat a pawtte khah ahiu a, Belamno thisana a puon uh sawp vamte ahiu hi.