1 JOHAN 5:10 - PATHIEN LEKHABU THIENGTHO (BSI)

¹⁰ Khutichun, kuole Pathien Chapa gingcha ta chun, amah lunggil mawng ah, zie hetpihna chuh a nei hi; kuole, Pathien gingcha lo chun, amah chuh lepchieh a hih sak ahii, Pathien in a Chapa chanchin a hetpih chuh a ginchak loh ziekin.

1 JOHAN 5:10 ပူးပေါင်းရင်းမြစ်များ

ROME 8:16

Thagau mawng chun, eimau haw thagau tawh, Pathien chate I hiu hi, tih ei hetpih sek hi.

GALATI 4:6

Chun, cha na hih tâk ziekun Pathien in a chapa Thagau chuh, “Abba, He pa!” ti a kiko in, I lunggil u ah a hun sawl ta a.

JOHAN 3:33

Himahleh, kuole, a thugen pawm ta phawtte chun, “Pathien chuh Diktat ahi” ti’n a sudet sek hi.

JOHAN 5:38

A sawlpa hi na ginchak loh ziekun, a thugen le na lungthim u ah na vawp zing puou hi.

HEBRAI 3:12

Suohpihte, chingthei un, khutilochun, Pathien hing chuh puksan dingin, na laku ah khatto chungah ginchak lohna lungthim phalo hung um kha’na,

KISIMNA 23:19

Pathien chuh mite guola lepchieh ahi puoh a; mihing guola lungthim kisang hethut ei puoi. A thutiem chuh a hih zel a, a gentak chuh hih in a um zel ahi.

1 JOHAN 5:1

Kuole, Isu hi Krista a hii tih gingcha chuh Pathien cha a hi a, kuole, Pa hehpih chun, cha le a hehpih sek hi.

1 JOHAN 1:10

“Thil ka sukhiel puoi,” I tih uh chun, amah chuh lepchieh I hih sak uh a, a thu le eimau ah a um lo ahi.

SAM LEHKHABU THE PSALMS 25:14

Lalpa chuh amah kihchate guolpha ahi a A thugawlh chuh amau haw chuh hetsak in a.

THUPHUON 2:17

“Thagau in sapchuom haw lawite kawma thu a gen hi bil nei chun zau hen. A zo tacheng kawm achun, manna selguk khenkhat chuh pie ding ka hi. Chun, a kawmuh achun, suong vam, a chunga min thak kizik, a mute ngâl lo in a het loh uh chuh pie chiet ing ka, ti’n.

KOLOSSA 3:3

Na thi tau a, na hinnau chuh Pathien achun Krista ah selgûk in a um ngâl a.

THUCHINGTE 3:32

Zuou gen hi Lalpa ngaih chun thil kihdak-um ahi a, himahleh, a thuguk chuh mi diktatte kawm achun a kawih sek hi.

THUPHUON 12:17

Khutichun, dragon chuh numei chung achun a lungna mah mah ta a, tichun, a suonte haw, Pathien thupiek haw zawp a, Isu hetpihna thu pawmte chuh do dingin a chiehdawk ta a.

THUPHUON 2:28

Chun, zingsawl aksi chule a kawm u ah pie ding ka hi.

2 PETER 1:19

Zieziekchun, thiemgaute thu genlawk haw akhan muonna det zawsem ka neih uh ahi. Zie chuh, na lunggil uh a Zingsawl aksi a hung vak masang sieh in, khawvak ma a thaumei vak tawbang in zie thu chuh na lungthim uh salhvakna’n mang leu chin pha ding ahi.

JOHAN 3:16

Pathien in khawvel a hehpih mah mah ziekin, a Chapa changkhat neih sun a pie a, kuole, amah gingcha taphawt chuh mangthai puou un tin; himahleh, kumkhuo hinna nei zawn au.

ISAI 53:1

“Ka thugen uh kuo a gingcha? chuleh, Lalpa khut chuh kuo chungah ahim suklata a um?

JOB LEHKHABU THE BOOK OF JOB 24:25

Tuhin khutichu hi kileh, kuo a zuou gen ei ti thei ding, Chuleh ka thugen chuh a dik puoi tih kuo a phawchien thei ding?

JEREMIA 15:18

Bangti dana ka thuokna hi tawp lo a, sukdam ut lo bang mai ahi; ka natna hi sukdam loh ahim? Keia dingin luicha thephat tui kang sek bang na hi,” ti’n.

JOHAN 3:18

Kuole, amah gingcha chuh mawh changin um puo’n au, himahleh, a gingcha lo chuh, tu akipat zieng hin le mawhchang in a um ui; Pathien Chapa changkhat a ginchak loh ziekun.

GALATI 4:1

Himahlele, hiti hin ka tih ahi: Goluoh ding pa chuh, bang cheng chunga lal himahlele, chapang a na hih sung cheng chuh, suok tawh bangmah a kidang chuom diek puoi.

NASEPTE 8:37

Philip in a kawmah, “Na lungthim cheng chenga na ginchak chun, baptistma chang thei inla,” a ti a. Amah chun, “Ka gingchâi, Isu chuh Pathien Chapa ahi tih ka gingchâi” ti’n a dâwng a.