1 JOHAN 4:9 - PATHIEN LEKHABU THIENGTHO (BSI)

⁹ Zie taka hin Pathien in a hehpihna chuh I chungu ah a hun sulang tai, amah vanga I hin theihna dinguh a, a Chapa neihsun khawvel a a hun sawl ahin.

1 JOHAN 4:9 ပူးပေါင်းရင်းမြစ်များ

THILSIEMBUL 22:2

Chun, Pathien in “Na chapa, na chapa neihsun, na lungsiet tak, Isak ngêi kha pui inla, Moriah gam ah chieh in. Zie taka ka hun hilh ding tâng khat achun hâlmang thilpiek in pien,” a ti a.

SAM LEHKHABU THE PSALMS 2:7

Lalpa thutanna chuh gendawk ing ka: Lalpa’n, “Nang chuh ka chapa na hi ie; Tuni hin ka hun hinthak na hi.

MARK 12:6

Chun, chapa khat, a deih tak chuh a nei na lai a, ‘Ka chapa hiel hi chuh a na zah un au,’ ti’n amah chuh a nunung pên in a kawm u ah a sawl a.

LUKE 4:18

“Liengvaite kawma Chanchin Pha gen dinga nei guot ziekin, Lalpa Thagau chuh ka chungah a um; Amah chun salte kawma pawtna thu leh, Mitdûkte kawma mit vak neih kitna thu gen ding leh, Sukgimtheih thuokte pawtdawk sakna ding leh,

JOHAN 10:10

Gucha chuh, gu ding leh, that ding leh susie ding ngâllo chun a hung sek puoi. Kei vang, hin na neihna ding u leh, tamtak a na neih na ding u a hung ka hi zawi.

JOHAN 14:6

Isu’n a kawmah, “Keimah hi lampi leh Thutak leh Hinna ka hii; keimah a chieh lo chuh, kuomah Pa kawm a tung ngei puou.

JOHAN 3:16

Pathien in khawvel a hehpih mah mah ziekin, a Chapa changkhat neih sun a pie a, kuole, amah gingcha taphawt chuh mangthai puou un tin; himahleh, kumkhuo hinna nei zawn au.

JOHAN 3:18

Kuole, amah gingcha chuh mawh changin um puo’n au, himahleh, a gingcha lo chuh, tu akipat zieng hin le mawhchang in a um ui; Pathien Chapa changkhat a ginchak loh ziekun.

JOHAN 5:23

Tia chuh mi cheng chengin Pa a zah guol u a, Chapa le a zahna dingun. Kuole, Chapa zahlo chuh. Pa, a sawlpa chule zahlo ahi.

JOHAN 6:29

Isu’n a kawm u ah, “Pathien nasep chuh ziehi ahi: a mi sawl hi gingchau in,” a ti a.

JOHAN 6:51

Kei hi, van apana chângthâk hing hung suk chuh ka hi, kuo’n le zie chângthâk hi a nek chun, kumsawt in hing zing in a, khawvel hinna dinga chângthâk ka piek ding chuh, ka phehlevo hih ahi.” a ti a.

JOHAN 6:57

Pa hing chun ei sawl a, Pa vanga hing ka hih guol mah hin. Zieziekchun, kuole, kei ei ne chuh keimah vangin amah le hing ina.

JOHAN 8:29

Ei sawlpa chuh ka kawmah a um a, ei thahtham puoi; a thil kipahlam tak ka hih zing sek ziekin,” a ti a.

JOHAN 8:42

Isu’n a kawm u ah, “Pathien na pau a hih chun, nangun ei hehpih ta’n lau; Pathien kawma pawt leh, a kawm apat hung ka hi ngâl a. Keimah thu a hung ka hi puoh a, ama’n ei sawl zawk ka hi.

JOHAN 9:3

Isu’n a dâwng a, “Zie pa hin la a hih gilo puo’n, a nu leh a pa’n la a hih gilo diek puou hi; Pathien thilhih-theihna’n amah chunga a sep ngêi kilatna ding a hi zawi.

ROME 8:32

Amah chapa ngêi le sit lo a I bawn u a sika piepa chun. thil chengcheng le a thawn in ei pie tello ding ahi a ahim?

HEBRAI 1:5

Vânsâwlchâkte lak ah, kuo kawmah e, zie thu haw hi a gen khâk sek? “Nang vang ka Chapa na hi ie, Tunia ka hun hin na hi tai,” tih leh, “A dingun Pa hi’ng ka ting, Amah chuh kei dingin Chapa hi’n a,” tih hi.

1 JOHAN 3:16

Zie ahin hehpihna chuh bang a hih I heu hi; Krista chun ei uh dinga a hinna a piek tâk ziekin: ei un le suohpihte dingin I hinnau I piek thuk dinguh ahi.

1 JOHAN 4:10

Ziehi ahi hehpihna chuh; eimau in Pathien I hehpih ui ti ka hi puoh a, ama’n ei uh ei hehpih a, I gitloh uh lutchamna hi dingin, a Chapa a hun sawl hi ti ka hi zaw ie.

1 JOHAN 4:16

Pathien in hehpihna eihaw a dinga a neih chuh I heu a, gin le I ginchak uh ahi. Pathien chuh hehpihna ahi a, hehpihna a um zing chuh, Pathien ah a um zing a, Pathien le amah a um zing ahi.

1 JOHAN 5:11

Hetpihna chuh ziehi a hii, Pathien in ei uh kumsawt hinna ei pie a, zie hinna chuh a Chapa a um ahi.

1 JOHAN 5:13

Pathien Chapa min na ginchak u a, kumsawt a hinna na nei ui tih na het theihna dingun, zie thu hi na kawm u a ka hun zik ahi.