1 JOHAN 4:8 - PATHIEN LEKHABU THIENGTHO (BSI)

⁸ Kuole, hehpihna neilo chun Pathien a he puou hi; Pathien chuh hehpihna ahi ngâl a.

1 JOHAN 4:8 ပူးပေါင်းရင်းမြစ်များ

1 JOHAN 4:16

Pathien in hehpihna eihaw a dinga a neih chuh I heu a, gin le I ginchak uh ahi. Pathien chuh hehpihna ahi a, hehpihna a um zing chuh, Pathien ah a um zing a, Pathien le amah a um zing ahi.

SAM LEHKHABU THE PSALMS 86:15

Himahlele, Aw Lalpa, nang chuh lainatna a dim Pathien, mi lungsiet thei, Lungnieng, chitna leh thutak a dim na hi.

1 JOHAN 4:7

Deihtakte, kihehpih tuoh chiet hitiu; hehpihna hi Pathien a hung kipan ahi ngâl a. Kuole, hehpihna nei ta chuh, Pathien hin ahi tau a, Pathien le a heu hi.

2 KORINTH 13:11

A tawpna dingin, suohpihte, chibai! ka hun ngetna hi ngaithau unla; Pha bukim in um guou in, kituok takin um unla; thamuong takin um un. Hehpihna leh, chamna Pathien chuh na kawm u a um ding ahi.

SAM LEHKHABU THE PSALMS 86:5

Aw Lalpa nang chuh na pha a, na ngaidam seka, A hun sam tapoh chungah zahngaihna na hau ngâla:

EPHESI 2:4

Himahlele. Pathien chun khuotuohna a hau a, a mi hehpihna nasatak ziek khan,

1 JOHAN 1:5

Chun, a chapa apat a thu ka zak uh, nanguh ka hun hilh sawn dinguh chuh ziehi ahi: Pathien chuh Vak ahi a, amah achun thimna himhim a um puoi.

1 JOHAN 3:6

Khutichun, kuole, amah a um zing chun gitlohna a hih zingzing ta puoi; kuole, gitloh hih zingzing sekte chun amah chuh a mu puoh a. het le a he puoi.

1 JOHAN 2:9

Amah suohpih haw ngâla, “Khawvak ah ka um hi,” ti pên chuh, tutieng hin le khuothim a um ahi zing hi.

1 JOHAN 2:4

A thupiekte zawp sam lo in. “Amah ka hêi,” ti chuh mi lepchieh ahi a, amah achun thutak a um puoi.

HEBRAI 12:29

Aziek chuh, I Pathien uh hi mi kâktum nuom mei ahi ngâl a.

1 JOHAN 3:10

Zie ahin Pathien chate leh Diabol chate a kihechien thei hi; kuole. diktatna hih lo chuh Pathien a pawt ei puoi; a suohpih hehpih lo pa chule Pathien a pawt ei diek puoi.