1 JOHAN 4:4 - PATHIEN LEKHABU THIENGTHO (BSI)

⁴ Naute, Pathien a na hiu a, ziehaw chuh na zo tau hi, nangmau a Thagau um chuh, khawvel a thagau um sanga chuh a hatzawk ziekin.

1 JOHAN 4:4 ပူးပေါင်းရင်းမြစ်များ

JOHAN 12:31

Tu’n zie khawvel hi a chung thu ngaihtuoh hun a hi ta a; zie khawvel vaihawmtu hi paihthak a um ding ahi.

JOHAN 14:30

Na kawm u ah thu gen kit man ta puo’ng ka, zie khawvel vaihawmpa hi hung ding ahi ta ngâl a; amah chun ka chungah bangmah hih theih him a nei puoi,

JOHAN 16:11

Pathien thutanna ale thiemmawh changin um un au, zie khawvel vaihawmpa chuh thiemmawh changa thutan khum a hih tâk ziekin.

JOHAN 17:23

Khawvel in, kei nei sawl a hii tih leh, kei nei lungsiet guolin amau haw na lungsiet hi tih a hetna ding u a, kei a mau a ka um a, nang keimah a na um a, pumkhat a hih bukim theihna dingun.

ROME 8:31

Zie thu haw achun banga I gen tâk ding u leh? Pathien ei u lama a pan chun kuo a ei do thei ding?

ROME 8:37

Khen lo e! ziehaw chengcheng achun, ei hehpihpa vang chun, lopi taka zote I hiu hi.

1 KORINTH 2:12

Khutichun, Pathien in a thawna ei piek haw chuh I het theihna dingun, eihaw vangin chuh, zie van nuoia thagau hi hilo in, Thagau. Pathien in ei piek chuh I muh zawk uh ahi.

1 KORINTH 6:13

Nek ding haw chuh gilpi a ding ahi a, gilpi chuh nek ding haw a ahi kit hi; himahlele, Pathien in sumang gêl gêl ding ahi. Sapum hi kipawl thanghuoina a mat ding ahi puoh a, Lalpa nasepna dinga mat ding ahi zawi; taksa a ding chule Lalpa piek ahi ngâl a.

2 KORINTH 4:4

Zie khawvel pathien hin a lungthim teu a sukdûk ziekin, a gingcha puou hi. Krista lopina, Pathien batpih ngêi, Chanchin Pha eng chun amau haw a salh theih lohna dingin a siem sek hi.

2 KORINTH 6:16

Milim haw leh Pathien Ho-In inle banga kituokna a neih uh? Eihaw vang, Pathien hing Ho-In I ngâl u a: Pathien in, “Kei, amau lak ah cheng ing ka ting, Amau tawh kitawn ing ka: Chun, a Pathien uh hi’ng ka ting, Amau haw le ka mite hi’n au,” a tih bang khan.

EPHESI 2:2

Zie hun lai khan khawvel gitlohna lampite hawh in; vanthamzawl a thuneihna leng, tu a Pathien thu awilo chate chunga vaihawmpa thagau chuh na zawp zawu hi.

EPHESI 3:17

chun, Krista chuh taksanna zieka na lunggil u a a chen theihna dingin le, ka ngên sek hi. Chun, hehpihna a zung khawh leh bul nei a um a,

EPHESI 6:10

A chaihna kêi in, Lalpa leh a thahatna thagui a chun, thilhih theihna nei in a na um un.

1 JOHAN 2:1

Ka naute, thil na sukkhelh lohna dinguh a zie thu hi na kawmuh a ka hun zik ahi. Chun kuo’n le thil a sukkhelh chun, Pa kawma ei nget sakpa, Isu Krista mi diktat chuh I nei ui.

1 JOHAN 2:13

Pate, amah, atûng apat um zing khah na het ziekun na kawmuh a ka hun zik a hi hi. Tanglakte haw, migilo chuh na zawh tâk ziekun, na kawm u ah ka hun zik ahi hi.

1 JOHAN 3:20

I sielepha hetnau chun thiemmawh ei chan sak chun, Pathien chuh I sielepha hetnau sang chun a lopi zawi tih I heu a, amah chun thil chengcheng a he suok ngâl a.

1 JOHAN 3:24

Kuole, Pathien thupiek zawp chuh, Pathien tawh pumkhat in a um uh a, Pathien le amah tawh pumkhat in a um hi. Pathien in a Thagau ei piek a hin, Pathien tawh I kipumkhat ui tih I heu hi.

1 JOHAN 4:13

Amah ah I um zing ui tih leh, amah chuh eimau ah a um zing hi tih, zie hin I heu hi, a Thagau ei uh ei piek tâk ziek hin.

1 JOHAN 4:16

Pathien in hehpihna eihaw a dinga a neih chuh I heu a, gin le I ginchak uh ahi. Pathien chuh hehpihna ahi a, hehpihna a um zing chuh, Pathien ah a um zing a, Pathien le amah a um zing ahi.

1 JOHAN 4:6

Himahlele, eihaw Pathien a I hiu a, Pathien hete chun I thuu a ngaitha sek ui; Pathien a te lo chun I thuu a ngaitha sek puou hi. Ziehaw achun, thagau dik leh diklo I hekal uh ahi.

1 JOHAN 5:19

Khawvel pumpi hi zie Migilo vaihawmna nuoi a chuh um hi himahleh, Pathien a I hiu hi tih I he ngâl uh a.

1 JOHAN 5:4

Pathien chate taphawt chun, khawvel a zo zel ngâl a, ziehi ahi, khawvel zawh a muolsuohna chuh, I taksannau hih.

THUPHUON 12:11

Belamno thisan vang leh, thudik a hettuoksak thuu vanga guolzote a hiu a, a hinnau chan khawp leh thih ngama pang te a hi ngâl uh a.