1 JOHAN 4:17 - PATHIEN LEKHABU THIENGTHO (BSI)

¹⁷ Vaihawmna Ni a dinga chuh lau lo a I um theihna dingun, hehpihna chuh eimau ah sukbukim in a um tai; zie chuh, zie khawvel a I hinnau hi, Krista a tawh kibang a hih tak zieka I neih dinguh ahi.

1 JOHAN 4:17 ပူးပေါင်းရင်းမြစ်များ

1 JOHAN 4:12

Kuoma’n, bangtik lai inle Pathien a mu kha puou hi. Himahlele, I kihehpih tuoh uh chun, Pathien eimau ah um zing intin, a hehpihna le eimau ah bukim ta’n a.

1 JOHAN 2:28

Khutichun, naute, amah ah um zing un; tichun, amah a hung kilak tieng leh, hangsan tak leh, zakcha lo a, a hungna Ni a chuh na um theihna dingun.

1 JOHAN 3:3

Kuole, Krista chunga zie kinepna nei ta chuh, amah a thien guolin a kisuthiengtho sek hi.

1 JOHAN 2:5

Himahlele, kuole a thu zawp vang chuh. amah achun Pathien a hehpihna a bukim takzet ahi tai. Pathien tawh pumkhat in I um ui tih zie ahin I heu hi;

ROME 8:29

Pathien in a telte chuh amah Chapa bang taka um dingin a guotlawk a, a Chapa chuh suohpih tamtak te laka Cha masapen a hung hih theihna dingin.

JOHAN 15:20

‘Suok, a pu sangin a lopi puoi’ tih ka hun hilh na hi tau kha, hezing un. Amau in kei ei bawlsiet tâk u chun, nang haw le hun bawlsie’n au; ka thu a zawp tak u chun nang haw thu le zawp un au.

1 JOHAN 3:1

Ngaitiem u, Pa’n ei hehpihna a nasa na e! “Pathien chate,” ti a, ei minvawh tak uh hi; khutibang chuh I hi him ui. Zieziek hin khawvel in ei uh ei het loh uh ahi, amah chuh a het loh ziekun.

2 PETER 3:7

Himahlele, tu a van leh leisiet umte hi, zie Pathien thupiek mah chun, meia sukmangthai dinga sit a hi tai. Pathien khawksalo mite chunga vaihawmna ni leh, sukmangthai ni a dinga sît a um a hi tai.

2 PETER 2:9

Khutichun, Lalpa chun amah khawksakte chuh thepna apat hukdawk dân leh, mi nunsiete chuh Vaihawm Ni a ding chun gawt kawma sit dân a hêi;

JAKOB 2:22

Taksanna chun a thilhih tawh a sem khawm a, chun, thilhih ziekin, a taksanna chuh a bukim tai tih na hêi.

MATTHAI 12:36

“Chun, ka hilh na hiu hi, Min, thumanloh a gen chun, ziete chanchin mah chuh thupi kitan ni leh gen un au.

MATTHAI 11:24

Himahlele, ka hilh na hiu hi, thupi tan ni leh nang thuok sang chun Sodom gam thuok ding chuh a dân um zaw’n a,” a ti a.

MATTHAI 11:22

Himahlele, ka hilh na hiu hi, thupi tan ni leh Tura leh Sidon khuo thuok ding chuh a dân um zaw’n a.

MATTHAI 10:25

Sinsak, a sinsakpa guola hung um leh, suok, a pu guola hung um chuh a hun set hi. In nei pên pa bawn ‘Beelzebul’ a tih u chun, a inkuonpihte chuh a hah tih na ding u e!

MATTHAI 10:15

Tihtakzet a ka hilh na hiu hi, thutan ni leh zie khuote sang chun Sodom leh Gomorra gam thuok ding chuh a dân um zaw’n a!

JAKOB 2:13

Mi chunga zahngaihna tel lo a hihte chuh, zahngaihna tel lo a vaihawm sak in um ina; himahleh, zahngaihna chuh vaihawmna chung achun a guolzo sek hi.

JOHAN 17:22

Nangin lopina kei nei piek kha a kawm u ah ka pie tai, nang leh kei pumkhat I hih guola, amau haw le pumkhat a hih theihna dingun:

HEBRAI 9:27

Chun, mihiem a dingin khatvei thih guot ahi a, zie nung chuleh vaihawm na um ding ahi.

1 JOHAN 2:6

“Pathien tawh pumkhat in ka um hi,” ti pên chuh, Krista um bang bangin a um ding ahi.

1 JOHAN 3:7

Naute, kuomah lepbawl in um kiu; diktatna hihpa chuh diktat ahi, amah a diktat bangin.