1 JOHAN 4:14 - PATHIEN LEKHABU THIENGTHO (BSI)

¹⁴ Chun, Pa’n a Chapa chuh khawvel hukdampa dingin a hun sawl hi tih keihaw’n ka mu tau a, mi dangte ka hilh sawn uh ahi.

1 JOHAN 4:14 ပူးပေါင်းရင်းမြစ်များ

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

JOHAN 1:29

Chun, a zing chun, Johan in Isu a kawma hung dingin a mu a, a gen a, “En tiem u, Pathien Belamno, vannuoi gitloh la mang pa khuh!

JOHAN 10:36

Kei ka hih leh, Pa’n ei tel a, khawvel a hin ei sawl ka hi ngâl a. Khutichun, ‘Pathien Chapa ka hi,’ ka tih ziekin bangtia Pathien na gensiei, nei tih uh ahi?

JOHAN 12:47

Mi’n ka thugente a zak a, a zawp diek loh chun, a chung thu ken ka tan puoi; khawvel thutan dinga hung ka hi puoh a, a hukdam dinga hung ka hi zawi.

JOHAN 3:11

Tihtakzet, tihtakzet a ka hilh na hii, kei un ka het u chuh ka gen sek ui, ka muh u chuh ka hetsak sek ui, himahlele, ka thu hetsak u chuh na awi sek puou hi.

JOHAN 3:32

Amah chun, a muh leh a hette chuh a gen sek a, himahleh, kuoma’n a thugen chuh a pawm nuom puou hi.

JOHAN 3:34

Pathien sawl chun, Pathien thu mah a gen sek. Amau chuh Pathien in tehkhel khelin thagau a pie puoh ngala.

JOHAN 4:42

Tichun, numei kawma chun, “Tuzet hin chuh, na thugen vanga gingcha ka hi ta puou; keimau ngêi in a thu ka heu a, zie pa hi khawvel hukdampa a hi tak zet hi, tih ka he tau hi,” a tiu a.

JOHAN 5:39

Pathien Lehkha thu na sim gunchuh sek ui. A sung ah kumkhuo hinna um ina tih na ginchak ziekun. Zie lehkha thu haw chuh ka chanchin hetsak pên chuh a hi ngâl a.

NASEPTE 18:5

Himahlele, Silas leh Timothe chuh Makedonia gam apat a hung suk phet un, Paul chuh thugen mai in a um ta a, “Isu chuh Krista ahi” tih Judate kawmah a hilhchien sek a.

1 PETER 5:12

Ka suohpihpa, taksanum taka ka ngaih, Silvanas kithuohpihna zalin, zie lehkhathawn chawmcha hi na kawmuh a ka hun zik ahi. Nang haw hun tîlkhoh nuom leh, ziehi Pathien hehpihna tak tak chuh a hii tih, ka hetpihna thu hun hilh ka nawp a hii. Ziehaw achun ding det un.

1 JOHAN 4:10

Ziehi ahi hehpihna chuh; eimau in Pathien I hehpih ui ti ka hi puoh a, ama’n ei uh ei hehpih a, I gitloh uh lutchamna hi dingin, a Chapa a hun sawl hi ti ka hi zaw ie.

1 JOHAN 5:9

Mihiem hetpihna bawn I ginchak uh chun, Pathien hetpihna chuh a hatzaw ngâl a; Pathien hetpihna chuh ziehi a hii, “Ka chapa chanchin ka hetpih tai,” tih hi.