1 JOHAN 4:1 - PATHIEN LEKHABU THIENGTHO (BSI)

¹ Deihtakte, thagau tapoh gingcha kiu, amahvang chuh, thagau chuh, Pathien apat a hih leh, hih loh khuoltuok masa’n, patep un. Thiemgau lêm tamtak khawvel ahin a hung pawt tâk ziekun.

1 JOHAN 4:1 ပူးပေါင်းရင်းမြစ်များ

1 LENGTE 13:18

Chun, amah chun a kawmah, “Kei le nangmah banga thiemgau ka hi; chun, Lalpa thu’n vânsâwlchâk in, ‘Chângthâk a-nek a, tui a dâwn theihna dingin va sam kit in,’ ei tih ahi,” a ti a. Tichun a kawmah lepchieh thu chu a gen ta a.

THUCHINGTE 14:15

Mimawl chun thil cheng a gingcha a, himahleh, mipil chun a chiehna ding phatak in a en sek hi.

JEREMIA 14:14

Chun, Lalpa chun ka kawmah, “Thiemgaute chun ka min in lepchieh a genlawk sek uh ahi chu; amau chuh ka sawl puoh a, thu ka pie puoh a, amau chuh ka hopih puoi. Kilâkna diklo haw, phunsân mantakloh haw leh a lungthim uh a lepbawlna chuh a genlawk uh ahi chu,” a ti a.

JEREMIA 23:16

Sepaihte Lalpa chun hiti hin a tii: “Thiemgau, na kawm uh a thugente chuh ngaitha kiu in, amau haw chun thil thâwn maimai a hun sinsak uh ahi! Lalpa kawm apat hilo in, amau haw lungthim suongtuoh a gen sek ui.

JEREMIA 5:31

Thiemgaute chun lepchieh thu ngen a genlawk u a; thiempute chun la a thu thuu in vai a hawm u a; ka mite chun khutibang hih chuh a nawp lam uh ahi. Himahleh, a tâwp a hung tun tieng bangti’n na hih ta ding u le?

MARK 13:21

“Zie phat chu leh, mi kuo’n le na kawm u a, ‘En tiem u, zie hin Krista a um hi’ ahim, ‘En tiem u, zie khun a um hi’; a tih u chun, taksang kiu.

LUKE 12:57

“Bang zieka nangun thil dik chuh bang ahi tih ngaihtuoh lo?

LUKE 21:8

Isu chun, “Chingthei unla, thep in um kiu un. Mi tamtakin, ‘Krista chuh ka hi, a hun tung ding ei tai,’ ti’n ka min in hung un au! Himahlele, amau haw chuh zui kiu in.

NASEPTE 17:11

Zie taka mihaw chuh Thessalonika khuo a mite sang chun a na pha zawu a. Khutichun, lungthim kipâk takin thu chuh a pawm u a, a thugen u chuh a dik leh dikloh hetna’n, ni chengin Pathien Lehkhabu ah a hawl sek u a.

NASEPTE 20:29

Ka chieh nung leh, ngei hâng haw na laku ah hung lut untin, belam hawn chuh sit puo’n au tih ka hêi.

1 KORINTH 12:10

Midang kawmah, thilmak hih theihna piek ahi a, midang kawmah; Pathien thugen theihna piek ahi a; chun midang kawm achun, Thagau apat a thilpiek hungte het dik theihna piek ahi a; midang kawm achun, pauchuom chuom a thugen theihna piek ahi kit zela; midang kawm achun, pauchuom chuom hilhchet theihna piek ahi.

1 KORINTH 14:29

Thugente’n le, nih ahim, thum a him in gen u hen la, mi dangte chun gunchuh takin ngaihtuoh u hen.

1 THESSALONIKA 5:20

Thu kigenhaw chule musit diek kiu in.

1 THESSALONIKA 5:21

Thil bang cheng chuh phawchien zawu inla, a phata pawm det un la;

2 THESSALONIKA 2:2

a hihloh leh, hilhlawkna ahim, ka thugenteu ahim leh, ka lehkhathâk hawu akhan keihaw mawng in le gen khak in a um hi tihna ziek ahim a na lungthim uh a lînglau pai zen lohna ding leh, buoi le a buoi lohna dingin, ka hun nget uh na hiu hi.

1 TIMOTHE 4:1

Himahlele, hun nunung achun, mi khenkhatte chuh, mi lepchiehte gukhahna zieka puihmang a um in, thagau haw leh thithate sinsakna thu lunggulh in, taksanna chuh hun haihsan un au tih, Thagau chun kichien takin a gen a.

2 TIMOTHE 3:13

Migilo leh mi thep hatte vang chuh, mi thep bawl leh thepthak a um in, hung sie zaw deuh deuh un au.

2 PETER 2:1

Malai khan le, mite lak achun thiemgau lêmte a um sek uh kha, zie tawbang mah chun, nang haw lak ah le, sinsaktu diklote hung pawt ding ahiu hi. Khutichun, sietna, thugin diklo hun puo lut un tin; amau haw hukdampa Lalpa ngêi chuh kizuksan in, amau haw chung ngêi ah, kintaka manthaina hun tunsak un au.

1 JOHAN 2:18

Naute, hun nunung pên chuh a nai tai! Krista dodilpa hung ina tih, na zak uh khah, tuhin le Krista dodilte tamtak a hung pawt tau hi; zieziekchun, hun nunung pên a nai tai tih I heu ie!

1 JOHAN 2:7

Deihtakte, thupiek thak vang na kawm u ah ka hun zik puoh a. Thupiek lui, atûng apat na neihsau khah ka hun zik zawk a hii. Zie thupiek lui chuh, atûng apat na thu zaksau khah ahi.

2 JOHAN 1:7

Themtu tamtak, Isu Krista chuh taksa pu’n a hung hi, tih panpih lote khah, khawvel ahin a hung suok dawk ta ngâl uh a. Khutibang mi chuh ahi, milem leh Krista dodilpa chuh.

3 JOHAN 1:11

Deihtak, asie chuh sin ki’n la, apha chuh sin zaw ta’n. Thilpha hih ta chuh Pathien a kuon dawk ahi a, thilsie hih ta chun Pathien a mu kha puoi.

THUPHUON 2:2

Na sep zie te, na gim ziete leh, na thuokhat ziete, migilo na ngaih theih loh ziete ka hêi. Sawlchak hisâm lo a, sawlchak kitite chule na patepa, lepchieh ahiu ui tih le na he ta a.