1 JOHAN 3:3 - PATHIEN LEKHABU THIENGTHO (BSI)

³ Kuole, Krista chunga zie kinepna nei ta chuh, amah a thien guolin a kisuthiengtho sek hi.

1 JOHAN 3:3 ပူးပေါင်းရင်းမြစ်များ

2 KORINTH 7:1

Khutichun, deihtakte haw, zie thutiem haw chuh I neih ziekun, phehlevo leh thagau buokna chengcheng lak apat, kisuthieng hitiu, Pathien lau kawm takin, thienthona bukim in um hitiu.

1 JOHAN 2:6

“Pathien tawh pumkhat in ka um hi,” ti pên chuh, Krista um bang bangin a um ding ahi.

2 PETER 3:14

Zieziekchun, deihtakte haw, khutibang Ni khuo chuh kinem na hih ziekun, buok beklo leh paulap beia, lungmuong taka na um uh a hun muh theihna dingin, thatnawp suoh un.

MATTHAI 5:48

Khutichun, na Pau van a um a phat bukim guolin na phat bukim dinguh ahi.

HEBRAI 12:14

Mi chengcheng tawh kichama umna leh thienthona delh un, zie thienthona lo chun kuoma’n Lalpa mu puo’n au.

HEBRAI 7:26

Khutichun, Thiempu Lienpen, mi thiengtho, zumlezuol tuoh lo, nin beklo, mi gilote apat a kikawih chuom; vante haw chunglama um, I mamawhteu cheng ei hihsakpa chuh ahi.

KOLOSSA 1:5

Chun, thudik, Chanchin Pha ngêi chuh na kawm u a a hungtun tung lai khan, zie kinepna a hun piek thu chuh na za tau kha.

NASEPTE 15:9

Chuleh, ei u leh amau khenchuom neilo in, a taksan ziekun a gitlohnateu a ngaidam a.

TITA 3:7

Khutichun, a lungsietna zieka thiemchan saka na um in; kumsawt a hin kinepna dungzuia goluoh dinga siem in um thei hitiu.

2 PETER 1:4

Zie tawbang chun, a thutiem lul tak leh lopi nasatak chuh ei piek I hiu a; khutichun, utchakna zieka van nuoia sietna hung um hi I taihdawk san theihna dingun leh, Pathien nunlekhan kikawppihte I hung hih theihna dingun.

LUKE 6:36

Zieziekchun, na Pau in mi a lungsiet guolin, mi lungsiet un.

1 JOHAN 4:17

Vaihawmna Ni a dinga chuh lau lo a I um theihna dingun, hehpihna chuh eimau ah sukbukim in a um tai; zie chuh, zie khawvel a I hinnau hi, Krista a tawh kibang a hih tak zieka I neih dinguh ahi.

HEBRAI 6:18

Zie chun then kit theih loh thil nih a um ta a, zie thu achun le Pathien chuh a lepchieh ngeilo ahi. Khutichun, eihaw, amah a kihumbitna mute hin, I masang uh a kinepna um chuh tuchak dingin, nasa taka sukhat in I um tau hi.

2 THESSALONIKA 2:16

Tichun, I Lalpau Isu Krista mawng leh, Pathien I Pau, ei hehpihpa leh, a lungsietna vanga, hansanna thâwn lo leh, kinepna det ei piepa chun,

ROME 15:12

Chun, Isai in, “Jessai zung chuh um intin, Jentel lenga um dingin A hung pawt ding chule um ina; Amah chuh, Jentel te chun kineppih un au,” a ti kit a.

2 SAMUEL 22:27

Mi thiengthote kawm achun thiengtho in kihih lang in na tin; Chun, mi lochal kawm achun lochal in kihihlang inla.

JOHAN 17:19

Amau haw ziekin keimah ngêi nang kawmah ka kilân thiengtho ahi, ti a chuh, amau haw le nangmah kawma dik taka a kilân thiengtho theihna dingun.

JAKOB 4:8

Pathien naih un, tichun ama’n hun naih ina. Mi gilote haw, na khut hawu silngim un la, lungthim mumal neilote haw, na lunggil uh suthieng un!

1 PETER 1:3

I Lalpau Isu Krista Pathien leh Pa chuh pahchak in um hen. Amah chun a zahngaihna nasatak dungzui zelin, mithi lak apat Isu Krista thawhkitna vangin, kinepna hing mu dingin hinna thak ei pie a.

1 PETER 1:15

A hun sampa chuh a thientho bangin, nanguh le, na nunlekhan u ah na thiengtho zaw tau un;