1 JOHAN 3:21 - PATHIEN LEKHABU THIENGTHO (BSI)

²¹ Deihtakte, I sielephahetnau in mawh ei chansak loh chun, Pathien lam ah I hangsan uh ahi.

1 JOHAN 3:21 ပူးပေါင်းရင်းမြစ်များ

JOB LEHKHABU THE BOOK OF JOB 22:26

Tichun, Bangakai hihtheipa achun kipâk ta’n na tin, Pathien lam chuh nga ta’n la.

JOB LEHKHABU THE BOOK OF JOB 27:6

Ka dikna chuh tudet ing ka ting, thah suok ngeilo ding ka hi, Ka lungthim in kithiemmawhna nei puo’ng ka.

SAM LEHKHABU THE PSALMS 101:2

Lampi phabukim ah chun ching takin um ing ka ting: Aw bangtik leh ka kieng ah na hung dem: Ka insung ah lunggil phabukim pu’n um ing ka.

ROME 14:22

Taksanna na neih chuh, Pathien ma ah nangmah chauh het in nei mai ah. Eimah sie leh pha hetna lama mawh kichansak loh chuh hamphat-um ahi.

1 KORINTH 4:4

Ka sie leh pha hetna chuh a thieng a, himahlele, zie chuh, thiemmawhna neilo ka hi tihna ei diek puoi. Ka chung thu tan ding chuh Lalpa ahi zaw ngâl a.

2 KORINTH 1:12

Ka kipahna pên u chuh, zie khawvel a ka hindan u leh, nang haw tawh I kizawpnau hi, Pathien apat a, thieng tak leh dikna leh; mihing chitna hilo in, Pathien hehpihna thilhih theihna ahi tih, ka sie leh pha hetnau hin ei hetpihna hi ahi.

EPHESI 3:12

Krista tawh pumkhata um in, amah I taksanna ziek u chun, nelna leh ngam tak a Pathien kawma lut theihna chuh I nei tau hi.

1 TIMOTHE 2:8

Khutichun, pasal haw’n, sapchuom nasepna achun, khut thiengtho tungin, lungna lo leh kiniel lo in paucham leu ka deih ahi.

HEBRAI 10:22

Zieziekchun, I lunggil uh a sielephahetna a thiemmawh kichansakna chuh sukthien saka um in, I sapum hawu le tui thieng a silngim a um in, taksanna bukim leh lunggil tak takin Pathien kawm lam naih hitiu.

HEBRAI 4:16

Khutichun, zahngaihna I muh theihna ding u leh, panpih I ngaih nau a a hun taka lungsietna panpihna I muh theihna dingun, lungsietna lalchutphah chuh hâng takin naih hitiu.

1 JOHAN 2:28

Khutichun, naute, amah ah um zing un; tichun, amah a hung kilak tieng leh, hangsan tak leh, zakcha lo a, a hungna Ni a chuh na um theihna dingun.

1 JOHAN 2:7

Deihtakte, thupiek thak vang na kawm u ah ka hun zik puoh a. Thupiek lui, atûng apat na neihsau khah ka hun zik zawk a hii. Zie thupiek lui chuh, atûng apat na thu zaksau khah ahi.

1 JOHAN 3:2

Deihtakte, tuhin Pathien chate I hiu a, bangti’n a I um dinguh tih vang a kichien tadih puoi; amah a hung kilak tieng le vang, amah bangin ki-um ina tih vang I heu hi, amah chuh a um ngei bang banga mu ding I hi ngâl uh a.

1 JOHAN 3:20

I sielepha hetnau chun thiemmawh ei chan sak chun, Pathien chuh I sielepha hetnau sang chun a lopi zawi tih I heu a, amah chun thil chengcheng a he suok ngâl a.

1 JOHAN 4:17

Vaihawmna Ni a dinga chuh lau lo a I um theihna dingun, hehpihna chuh eimau ah sukbukim in a um tai; zie chuh, zie khawvel a I hinnau hi, Krista a tawh kibang a hih tak zieka I neih dinguh ahi.

1 JOHAN 5:14

Ziehi Pathien lama I hansan nau chuh ahii, bang hitaleh, a deih lama I nget takphawt uh, ei na zak sak sek hih.