1 JOHAN 3:16 - PATHIEN LEKHABU THIENGTHO (BSI)

¹⁶ Zie ahin hehpihna chuh bang a hih I heu hi; Krista chun ei uh dinga a hinna a piek tâk ziekin: ei un le suohpihte dingin I hinnau I piek thuk dinguh ahi.

1 JOHAN 3:16 ပူးပေါင်းရင်းမြစ်များ

EPHESI 5:2

Chun, Krista’n, a hun hehpih a, gimlim a dingin, Pathien kawma thillat leh kithawihna a I sik uh a a kipiek guol khan, hehpihna ah um un.

JOHAN 13:34

“Thutiem Thak ka nun piek na hiu hi, kihehpih unla; ken nanguh ka hun hehpih guol hin, nang haw le kihehpih tuoh chiet un.

JOHAN 3:16

Pathien in khawvel a hehpih mah mah ziekin, a Chapa changkhat neih sun a pie a, kuole, amah gingcha taphawt chuh mangthai puou un tin; himahleh, kumkhuo hinna nei zawn au.

ROME 5:8

Himahlele, Pathien chun a mi hehpihna chuh pahchak takin ana latsak a, migilo I hih lai u a, Krista I sik u a a thih ziek khan.

THUPHUON 1:5

Isu Krista, thu hetpih taksanum tak, mithi lak apat a kaihthawh a um masapen ding pa leh, leia lengte vaihawmpa kawm apan chun A lungsietna leh chamna na kawm u ah um hen. Ama’n ei hehpih a, a thisan in I gitlohnau apat ei tandawk a,

1 PETER 3:18

Pathien kawma ei uh ei puih theihna dingin, Krista chun gilote ziekin khatvei a thuok ta ngâl a, mi diktat chun mi diktatlo sik in a thuok a; a taksa ngêi chuh thaha um in, thagau vang achun sukhin in a um a;

MATTHAI 20:28

Mihiem Chapa hi zen a um dinga hung ahi puoh a, mi zen ding leh, mi tamtak tatna dinga a hinna pie dinga hung a hih guol hin,” a ti a.

NASEPTE 20:28

Pathien sapchuom haw, amah thisan a a châwkte chuh vak dingin, nangmau haw leh na belam hawnteu chung achun chingthei un, Thagau Thiengtho in amau haw enkawl dinga a hun siem na hiu hi.

EPHESI 5:25

Pasalte haw, na ziteu hehpih un, Krista’n sapchuom haw a hehpih a, a sik uh a amah a kipiek bang khan.

TITA 2:13

Pathien khawksaklohna leh, khawvel thil utchakna haw chuh haihsan in, tulai khang ahin pilkieu leh, diktat leh Pathien khawksa a I um dinguh ahi, tih zie hehpihna chun ei hilh ta ngâl a.

ROME 16:4

Nei hun chibai sak un. Kei mai hilo in, Jentel sapchuom haw lawi chengcheng in le, a kawm u achun kipahthu a gen ui.

1 JOHAN 2:6

“Pathien tawh pumkhat in ka um hi,” ti pên chuh, Krista um bang bangin a um ding ahi.

JOHAN 10:15

Pa’n kei ei het leh, ken Pa ka het guol hin, keia te chuh ka he a, amau inle ei heu hi. Belamte dingin ka hin ka pie sek hi.

PHILIPPI 2:17

Ka hinna thisan chuh, Pathien kawma na taksan kithawihnau thillat chunga chuh sunthak ding hita lele, kipâk ing ka; chun, na bawnchau in ka hun kipahpih na hiu hi.

THUPHUON 5:9

Chun, amau haw chun, “Nang, lehkhabu chuh laa, A tiemtehna te phel tâk na hi ie; Thah in na um ta a, Chitin a mite, namtin a mite, Pathien dingin na thisan in na chaw a,

1 PETER 2:24

Gitloh lama thi a, diktatna lama I hin theihna dingun, Krista mawng chun kross lêk a khan a sapum in I gitlohna hawu a puo a, amah kizêpna kigawlh haw chun sukdam in na um tau hi.

1 PETER 1:18

Na pulepateu hun pieksawn, na nunlekhan uh hawmngawn lak apat chuh, thil sie thei, dangka leh sana te haw a tat na hi puou a,

PHILIPPI 2:30

a ziek chuh, nang haw mawng in na piek theih loh uh, Krista nasepna lama chuh ei panpih in, amah hinna ngêi chuh thi vang hiela lauhthawng um in a um ngâl a.

JOHAN 10:11

“Kei belam chingpa pha ka hi, belam chingpa pha’n belamte dingin a hinna a pie sek hi.

1 THESSALONIKA 2:8

Nanguh ka hun lungsiet bêk ziekun, Pathien apat a Chanchin Pha ka hun hilh mai uh hilo in, keimauhaw hinna ngêi le hun piek ka nuom hiel uh ahi. Ka hun deih mah mah uh na hiu ui!

1 JOHAN 2:9

Amah suohpih haw ngâla, “Khawvak ah ka um hi,” ti pên chuh, tutieng hin le khuothim a um ahi zing hi.

2 KORINTH 4:12

Khutichun, keimau ahin thihna’n a sem sek a, nangmau a chun hinna’n a sem sek ahi.