1 JOHAN 3:13 - PATHIEN LEKHABU THIENGTHO (BSI)

¹³ Suohpihte, khawvel in a hun hawt uh leh, maksa ki’n.

1 JOHAN 3:13 ပူးပေါင်းရင်းမြစ်များ

JOHAN 17:14

Na thu a kawm u ah ka pie tai; khawvel in amau haw chuh a hawu a, khawvel a a hih loh ziekun leh, kei khawvel a ka hih loh guol mah hin.

LUKE 21:17

Chun, kei ziekin mi chengcheng muhdah in um un lau.

JAKOB 4:4

Nanguh, mi ginumlote haw! Khawvel tawh kiguolchanna hi, Pathien melma hihna ahi tih helo na hiu hi? Zieziekchun, kuole, khawvel guol hih nuom ta chuh, Pathien melma a kisiem sek ahi.

2 TIMOTHE 3:12

Ahi, kuole, Krista Isu tawh kipumkhata, Pathien khawksak a um guo chun, sukgimtheihna haw chuh thuok ina.

MARK 13:13

Kei ziekin mi chengcheng muhdah hi’n lau; himahleh, a tâwp chana thuok ngâp chuh, zie ngêi chuh hukdam in um ina.

ROME 8:7

Phehlevo lunggulh lam chuh Pathien dona ahi a, zie chuh Pathien dân ah a um puoh ngâl a, um le a um thei lo him ahi.

JOHAN 16:33

Zie thu haw hi na kawm u ah ka gen ta hi, keimah a na um ziek u a lungmuonna na neih theihna dingun. Khawvela hin dahum thuok in na um sek ui. Himahlele, kipâk takin um un, ken khawvel ka zo tai,” a ti a.

JOHAN 7:7

Khawvel in nanguh a hun haw thei puou hi, kei vang chuh ei haw sek ui, a thilhih hawu a gilo ahi tih ka hilhchet sek ziekin.

LUKE 6:22

“Mihiem Chapa zieka mi’n a hun hawt u a, a hun deihloh u a, a hun gaih u a, mi phalo na hi ti a a hun gen tieng u leh mi hampha hung hi ding na hiu ui.

MATTHAI 24:9

“Zie tieng chu leh gawtna thuok dingin hun matsak untin; hun that un tin uh ka min ziekin nam chengcheng muhdah hi’n lau.

MATTHAI 10:22

Ka min ziekin mi chengcheng muhdah in um un na tin uh, himahlele a tâwp tienga thuok ngâp ta chuh, zie ngêi chuh hukdam in um ina.

THUGENPA 5:8

Mi gimtheite nuoisieha um leh, gamsung vaihawmnate a dikna a um loh inle maksa diek ki’n. Dinmun sangzaw a dingte chun le, amau haw sanga sangzaw mitmei ven ding a nei ui;

NASEPTE 3:12

Chun, Peter in mipite chuh a muh phetin, a kawm u ah, “Nang haw Israel mite haw, ziehaw hi bangati a mak sa? Keimauhaw thilhih theihna leh, Pathien ka ngaihsak ziek u a, zie pa hi ka chieh sak uh hi’n na ngai u ahim?

JOHAN 16:2

Kikhawpna In apat a nawhdawkin um un na tin uh, chuleh, Pathien chunga thilpha bawla kingai a, nang haw a hun thah hun uh hung tung ding a hi.

JOHAN 3:7

Na pienthak ding ka hun tih hi maksa kih.

THUPHUON 17:7

Vânsâwlchâk chun ka kawmah, “Bang zieka maksa na him? Numei leh amahnu puo sahang, luchang sagih leh ki sawm nei thuguk chuh nang hun hilh ding ka hi.

THUCHINGTE 29:27

Mi diktatlo chuh mi diktatte ngaih in kihdak-um ahi a; himahleh, dik taka hih chuh migilote ngaih in kihdak-um ahi.