1 JOHAN 3:12 - PATHIEN LEKHABU THIENGTHO (BSI)

¹² Kain, migilo laka um, amah suohpih Abel thatpa guola khah um lo in. Bang zieka a thah ahi ta leh? Amah thil hihte a phatloh ziek leh, a suohpihpa thil hihte a phat ziek ahi.

1 JOHAN 3:12 ပူးပေါင်းရင်းမြစ်များ

HEBRAI 11:4

Taksanna ziekin Abel chun Kain sangin kithawihna phazaw Pathien kawmah a lân a, zieziekchun mi diktat ahii tih hetpihna a lawh a, Pathien in a thilpiek haw chuh a hetpih a, chun, zie taksanna ziek chun amah chun a thih nung in le thu a gen zing ahi.

THUCHINGTE 29:27

Mi diktatlo chuh mi diktatte ngaih in kihdak-um ahi a; himahleh, dik taka hih chuh migilote ngaih in kihdak-um ahi.

THILSIEMBUL 4:25

Chun, Adam in a zi a kuolpih kit a: tichun amah chun chapa a hing kit a, a min dingin Seth a sa a. “Pathien in Abel thasang in chisep ding dang ei guotsak tai, Kain in amah a that ta ngâl a,” a ti a.

JUDA 1:11

A chunguh a gik hi! Kain lampi chuh a hawh uh a. Dangkasum duhchakna ziekin, thil diklo, Balaam in a sukkhelhna mah ah khan, amau leh amau a kibun lut uh a. Korah helna bawl bang khan a hel uh a, amah bang mah khan, sukmangthai in a um tau hi.

LUKE 11:51

Abel thisan kisuoh apat, Mun Thiengtho leh maichâm kikala Zakaria thisan suoh a a um ni tienga, thiemgau thah a umte chengcheng ziek chun gawt in um un au. Ahi, ka hun hilh na hiu hi, tulai khanga mite hi ziehaw ziek chun gawt in um tei un au!

MATTHAI 23:35

Khutichun, mi diktat Abel thisan apat in, Pathien Ho-In leh maichâm kikala Berekiah chapa Zakaria na thah pau thisan ngêi khan, lei chunga mi diktat thisan a suoh teu chengcheng phuba chuh na chungu ah hung tung thei ina.

THUCHINGTE 29:10

Thisan suoh chîng mite chun mi diktat a mudah sek u a; mi diktatte hinna chuh a hawl sek ui.

1 PETER 4:4

Ziehaw achun, amau haw nawpsak bawl takluot banga na bawl lohnau ahin mak a hun sau a, a hun gensiet sek uh ahi.

HEBRAI 12:24

Isu, thugawlh thak palai kawm leh, thisan theh, Abel thisan sanga thu phazaw gen kawma hung na hi zawu hi.

SAM LEHKHABU THE PSALMS 38:20

Thilpha thil gilo a ei dinte chuh ka melma ahiu a, Thilpha ka deih zieka ei do ahiu hi.

SAM LEHKHABU THE PSALMS 37:12

Minunsiete chun mi diktat chuh a do u a, A ha a gawih khum sek ui.

1 JOHAN 3:8

Kuole, thilhih gilo zingzing chuh Diabol a pawt ahi: Diabol chun atûng apat thil a sukhiel ngâl a. Pathien Chapa hung kiphuon lawh pên chuh, Diabol nasep a sukmangthai theihna ding ahi.

NASEPTE 7:52

Nanguh hun suonte’n, thiemgaute laka kuo a, a bawlsiet loh uh um? Mi Diktat hung ding thu hilhlawkte khah a that u a; zie Mi Diktat chuh matsakte leh thatte chuh nangmau hi na hiu apuo!

JOHAN 10:32

Isu’n amau chuh a hopih a, “Pa’n hih dinga ei piek, thilpha tamtak, nang haw ka hun etsak a, ziehaw laka khan, a bang pên ziek khan em, suong a nei seh dinguh?” a ti a.

MATTHAI 27:23

Chun, Pilate chun a kawm u ah, “Bang dingin em? bang ahih khiel hi?” a ti a. Himahlele, amau haw chun, “Kross ah khên den ah,” ti’n a kihah ko zaw diek u a.

MATTHAI 13:38

lo chuh khawvel hi ahi a, chi pha haw chuh gam chate ahiu a; buh lêm haw chuh migilo chate ahiu a.

MATTHAI 13:19

kuon le, gam thu chuh nakhanga za a, a ngaihna a het loh chun, buhchi lam sika kie tawbang chuh ahi. Migilo chuh a hunga a lunggil a thehsa chuh a chuhthâk sak sek hi.

THUPHUON 17:6

Zie numei chuh mi thiengthote thisan leh, Isu min zieka thaha umte thisana kham chun ka mu a. Ka muh phet chun mak ka sa mah mah mai a.

1 THESSALONIKA 2:14

Suohpihte, Judia gama Pathien sapchuom, Krista Isu a umte chunga thiltung kha nang haw chung ale hungtung ahi. Amau haw chun Judate laka a thuok bangun, nangun le, nangmau gama mite lak ah na thuok sek ngâl u a.

2 SAMUEL 13:22

Chun, Absalom chun Amnon chu a suohpihnu a kuolpih ziek chun a mudah mah mah ta a, ho le a hopih nuom ta puoh a.

THUCHINGTE 27:4

Lungnat hi a nunsie a, thangtawm hi sietna ahi a, himahlele itthikna tawh tehkal kham ahi puoi.

MATTHAI 5:37

Na thugen u chuh ahi chuh hi, hi zieng hen la, a hilo chuh a hilo hi zieng hen; a vum a val chuh migilo apat a pawt ahi ngâl a.

JOHAN 8:40

Pathien kawm apat a thudik ka zak chengcheng ka hun hilh a, himahleh, thah nei guo ngâl u a. Abraham in tawbang hin thil a hih ngei dang e!

JOHAN 8:41

Nang haw vangin, na pau thilhihte chuh na hih sek uh ahi,” a ti a. Chun, amau chun a kawmah, “Zawlcha a pieng ka hi puou a, Pa khat mai ka nei ui, Pathien ngêi chuh,” a tiu a.