1 JOHAN 3:10 - PATHIEN LEKHABU THIENGTHO (BSI)

¹⁰ Zie ahin Pathien chate leh Diabol chate a kihechien thei hi; kuole. diktatna hih lo chuh Pathien a pawt ei puoi; a suohpih hehpih lo pa chule Pathien a pawt ei diek puoi.

1 JOHAN 3:10 ပူးပေါင်းရင်းမြစ်များ

2 SAMUEL 13:22

Chun, Absalom chun Amnon chu a suohpihnu a kuolpih ziek chun a mudah mah mah ta a, ho le a hopih nuom ta puoh a.

MATTHAI 13:38

lo chuh khawvel hi ahi a, chi pha haw chuh gam chate ahiu a; buh lêm haw chuh migilo chate ahiu a.

LUKE 6:35

Khutichu hilo in, na melmateu hehpih unla, a phatna dinguh hih unla, bangmah muh kit kinepna hilo in palâk sak un. Khutichun, kipahman tampi nei un na tin, Chungnung pên pa chate hin lau. Amah chuh mi kipahna zie helote chung leh mi gilote chuh a hehpih sek ngâla.

JOHAN 1:12

Himahlele, amah lawp ta chuh, a kawm u ah Pathien chate hih theihna ding thu a piei, a min gingchate chuh.

JOHAN 11:52

Amau haw a ding mai a hi puoh a, Pathien mite, van nuoia dalh zakte cheng cheng, sapum khata a puih khawm theihna dingin le ahi.

JOHAN 8:44

Nang u chuh na pau Diabol chate na hiu a, na pau deih guol zuih na nuom uh ahi. A tunga kipatin tuolthat a hi a, thudik lam ah a pang ngei puoi, thudik amah a a um loh ziekin. Lepchieh thu a gen tieng leh, amah ngeina mawng hih a hi a, amah chuh lepchieh a hi a, lepchieh pa le ahi.

JOHAN 8:47

Pathien kawma pawt chun, Pathien thu a ngaitha sek hi. Zieziek taka chuh na ngaihnawp loh uh ahi, Pathien kawma pawt na hih loh ziekun,” a ti a.

NASEPTE 13:10

“Nang, mi lepbawlna diklo leh zakdah-um tin chenga dim pa! nang Diabol chapa! nang diktat tin cheng ma chuom pa, Lalpa lampi diktak haw hi suksiet hai lo ding maw?

ROME 13:8

Kihehpih tuohna ngâllo chuh kuomah bangmah ba kiu; eimah mihing chanpih hehpih chun, dân chuh a hawh bukim ta ngâl a.

EPHESI 5:1

Khutichun, a cha deihtakte bangin, Pathien umdan, late hiu in.

KOLOSSA 3:14

Chun, ziehaw chengcheng chung achun hehpihna behlap un, zie chuh thil chengcheng kankhawmna bukim chuh a hi ngâla.

1 TIMOTHE 1:5

Ka hilh lawhna pên chuh, lunggil thiengtho leh, sie le pha hetna thieng tak leh, taksanna taktak apat a hung pawt, hehpihna chuh a neih theihna dinguh ahi.

1 JOHAN 2:29

Amah chuh mi diktat a hii tih, na hetuh chun, kuole, thil dik hih chuh, Pathien cha a hii tih na het dinguh ahi.

1 JOHAN 3:1

Ngaitiem u, Pa’n ei hehpihna a nasa na e! “Pathien chate,” ti a, ei minvawh tak uh hi; khutibang chuh I hi him ui. Zieziek hin khawvel in ei uh ei het loh uh ahi, amah chuh a het loh ziekun.

1 JOHAN 3:2

Deihtakte, tuhin Pathien chate I hiu a, bangti’n a I um dinguh tih vang a kichien tadih puoi; amah a hung kilak tieng le vang, amah bangin ki-um ina tih vang I heu hi, amah chuh a um ngei bang banga mu ding I hi ngâl uh a.

1 JOHAN 4:21

Krista kawm apat, zie thupiek hi I nei ui, “Kuo’n le, Pathien a hehpih chun, a suohpih le a hehpih ding ahii,” tih hi.

1 JOHAN 4:6

Himahlele, eihaw Pathien a I hiu a, Pathien hete chun I thuu a ngaitha sek ui; Pathien a te lo chun I thuu a ngaitha sek puou hi. Ziehaw achun, thagau dik leh diklo I hekal uh ahi.

1 JOHAN 4:8

Kuole, hehpihna neilo chun Pathien a he puou hi; Pathien chuh hehpihna ahi ngâl a.

1 JOHAN 5:19

Khawvel pumpi hi zie Migilo vaihawmna nuoi a chuh um hi himahleh, Pathien a I hiu hi tih I he ngâl uh a.

1 JOHAN 5:2

Zie ahin Pathien chate I hehpih ui tih I heu hi, Pathien I hehpih uh a, a thupiek haw I zawp uh a hin.

3 JOHAN 1:11

Deihtak, asie chuh sin ki’n la, apha chuh sin zaw ta’n. Thilpha hih ta chuh Pathien a kuon dawk ahi a, thilsie hih ta chun Pathien a mu kha puoi.