1 JOHAN 2:8 - PATHIEN LEKHABU THIENGTHO (BSI)

⁸ Amahvang chuh, thupiek thak hun zik le hita veng ka ti, a ziek chuh, thudik chuh Krista leh nangmau haw a muh a a um tâk ziekin. Thimna chuh a bei ta a, chun, vak tak chuh a hung vak tâk ziekin.

1 JOHAN 2:8 ပူးပေါင်းရင်းမြစ်များ

SAM LEHKHABU THE PSALMS 27:1

Lalpa chuh ka vak leh ka hukdamna ahi; kuo ahi ka kihchak ding? Lalpa chuh ka hinna insang ahi; kuo ahi ka lauh ding?

SAM LEHKHABU THE PSALMS 36:9

Hinna tuikhuk chuh na kieng ah a um ngâla: Na vak achun vak mu’ng ka tin uh.

SAM LEHKHABU THE PSALMS 84:11

Lalpa Pathien chuh nisa leh phaw ahi ngâla: Amah chun deihsakna leh zahna pien tin: Diktaka umte kawm a chun thilpha mawng mawng it hiel puo’n a.

ISAI 9:2

Thim nuoia chute chun vak lopitak a muu a. Thihna thim sah tak nuoia chêngte chunga chun vak lopitak a hung êng tai.

MALAKI 4:2

Himahleh, nang haw ka thupiek zawpte ding chun, Dikna ni hung suok in tin, a thate a sukdamna tawh. Tichun, chieh dawk in na tin un, bâwngno a a kul a kithahdawk bang in khanglien un lau.

MATTHAI 4:16

Thim nuoia chute chun vak lopitak a muu a; Thihna mun leh a lîma chute chunga chun vak a hung pawt tai!” ti a a gen kha a hung tun theihna dingin ahi.

LUKE 1:79

Thimnuoi leh thihna lima chute salhvak ding leh, Lungmuonna lampi a kal ei suon sak dingin.” ti’n.

JOHAN 1:9

Zie chuh vak diktak khawvela hunga, mitin salh vak chuh ahi.

JOHAN 12:35

Chun, Isu’n a kawm u ah, “Vak hi chawmkhat na kawm u ah um tadih ina. Vak na neih sung u hin na thilhih teu hih zawm zel un, thim in a hun dal lohna dingin; kuole thima leng chun a chiehna chin a he sek puoi.

JOHAN 12:46

Kei hi khawvel salhvak dinga hung ka hi, kuole ei gingcha ta chuh thima a um zing lohna dingun.

JOHAN 13:34

“Thutiem Thak ka nun piek na hiu hi, kihehpih unla; ken nanguh ka hun hehpih guol hin, nang haw le kihehpih tuoh chiet un.

JOHAN 8:12

Chun, Isu’n Pharisaite kawmah thu a gen kit a, “Kei khawvel salh vak chuh ka hii; kuole, ei zui chuh thim lak ah leng puo’n tin, hinna vak nei zaw’na,” a ti a.

NASEPTE 17:30

Pathien in, mihingte’n amah a het loh lai hunteu chuh kihetmawh sak in, namtin cheng chuh, tuhin, a gitlohnateu apat kihei kitna ding thu a pie tai.

NASEPTE 26:18

A mit uh hihvak ding leh, thimna apat a vak lama kiheisak kit ding leh, Setan thilhih theihna apat a Pathien lama kihei kit a, kei ei taksan ziek u a, a gitlohnau ngaihdama um a, Pathien mite laka go chan a neihna dingun,’ a ti a.

ROME 13:12

Zan hi a bei vangvang ta a, khuo vak ding ei ta ie; zieziekchun, thim laka thilhih chuh paih hi tingun eng thuom in kithuom hitiu.

2 KORINTH 8:9

I Lalpau Isu Krista hehpihna chuh, a chatgahna zieka na hung neih zawh theihna dingun, neizo mahlele, nang haw zieka, a hung chatgah tâk khah na he ngâl u a.

EPHESI 5:8

Ma khan khawthim na hiu a, tuhin vang chuh Lalpa achun khawvak na hung hi tau hi. Khutichun, khawvak chate banga na um dinguh ahi;

2 TIMOTHE 1:10

Himahlele, tuhin, I Hukdampau, Krista Isu hungna ahin, I kawm u ah suklatin a um tai. Amah chun thihna thilhih theihna chuh sumangthai in, Chanchin Pha chun, thi theilo hinna chuh a sulang tai.

1 PETER 1:21

Amah vanga, thihna apat kaithopa leh, lopina a puilutpa Pathien taksangte na hiu a; khutichun, na taksannau leh kinepnau chuh Pathien ah, sukdet a um ahi tai.

1 JOHAN 3:23

Chun, a thupiek chuh ziehi ahi, a Chapa Isu Krista ginchak a, Krista thu ei piek banga kihehpih tuoh hih.

1 JOHAN 4:11

Deihtakte, Pathien in khuti lâwm lâwma ei uh ei hehpih chun, eimau haw le I kihehpih tuoh chiet dinguh ahi.

1 JOHAN 4:21

Krista kawm apat, zie thupiek hi I nei ui, “Kuo’n le, Pathien a hehpih chun, a suohpih le a hehpih ding ahii,” tih hi.