1 JOHAN 2:7 - PATHIEN LEKHABU THIENGTHO (BSI)

⁷ Deihtakte, thupiek thak vang na kawm u ah ka hun zik puoh a. Thupiek lui, atûng apat na neihsau khah ka hun zik zawk a hii. Zie thupiek lui chuh, atûng apat na thu zaksau khah ahi.

1 JOHAN 2:7 ပူးပေါင်းရင်းမြစ်များ

THIEMPUDANTE 19:18

Phuba na lak dinguh ahi puoh a, na chipihte hawtna lungthim le na vawp ding ahi puoi. Nang mah na kihehpih guolin na invengte na hehpih ding ahi zawi. Kei hi Lalpa chuh ka hi.

1 JOHAN 3:11

Ziehi atûng apat a thu na zak uh khah ahi; I kihehpih tuoh chiet dinguh ahi tih hi.

1 JOHAN 3:23

Chun, a thupiek chuh ziehi ahi, a Chapa Isu Krista ginchak a, Krista thu ei piek banga kihehpih tuoh hih.

DAN NIHNA 6:5

Lalpa na Pathien u chuh na lungthim chengcheng u a, na lunggil chengcheng u a, na hatna chengcheng u a na hehpih dinguh ahi.

THIEMPUDANTE 19:34

Gamdang mi na lak u a chêngte chuh nanguh dingin na gam u a mi him ahih dinguh ahi; nangmah na kihehpih bang taka na hehpih ding ahi. Nang haw le Aigupta gama khan gamdang mi na hiu kha. Kei hi Lalpa na Pathien uh ka hi ngâl a.

1 JOHAN 2:24

Nanguh vangin, atûng apat na thu zak uh khah, na lunggil u ah vawp pha zing un. Zie atûng apat na zak uh khah na vawp zing uh chun, nanguh le, Chapa leh Pa achun um zing unlau.

MATTHAI 5:43

“Na vengte hehpih in la, na melma muhdah ah; a tih uh na za tau hi.

NASEPTE 17:19

Khutichun, amah chuh a pui u a, Areopagi ah a dinsak u a, a kawmah, “Zie sinsakna thak na gen sek hi nei hetsak thei dem?

JOHAN 13:34

“Thutiem Thak ka nun piek na hiu hi, kihehpih unla; ken nanguh ka hun hehpih guol hin, nang haw le kihehpih tuoh chiet un.

HEBRAI 6:9

Himahlele, suohpihte haw, khutibang thil chuh gen mahleng, nanguh vangin chuh zie sanga hamphatna phazaw, na hukdamnau tel ngêi chuh na nei ui tih ka hun ginchak uh na hiu hi.

1 JOHAN 3:2

Deihtakte, tuhin Pathien chate I hiu a, bangti’n a I um dinguh tih vang a kichien tadih puoi; amah a hung kilak tieng le vang, amah bangin ki-um ina tih vang I heu hi, amah chuh a um ngei bang banga mu ding I hi ngâl uh a.

1 JOHAN 3:21

Deihtakte, I sielephahetnau in mawh ei chansak loh chun, Pathien lam ah I hangsan uh ahi.

1 JOHAN 4:1

Deihtakte, thagau tapoh gingcha kiu, amahvang chuh, thagau chuh, Pathien apat a hih leh, hih loh khuoltuok masa’n, patep un. Thiemgau lêm tamtak khawvel ahin a hung pawt tâk ziekun.

1 JOHAN 4:7

Deihtakte, kihehpih tuoh chiet hitiu; hehpihna hi Pathien a hung kipan ahi ngâl a. Kuole, hehpihna nei ta chuh, Pathien hin ahi tau a, Pathien le a heu hi.

1 JOHAN 4:11

Deihtakte, Pathien in khuti lâwm lâwma ei uh ei hehpih chun, eimau haw le I kihehpih tuoh chiet dinguh ahi.

1 JOHAN 4:21

Krista kawm apat, zie thupiek hi I nei ui, “Kuo’n le, Pathien a hehpih chun, a suohpih le a hehpih ding ahii,” tih hi.