1 JOHAN 2:29 - PATHIEN LEKHABU THIENGTHO (BSI)

²⁹ Amah chuh mi diktat a hii tih, na hetuh chun, kuole, thil dik hih chuh, Pathien cha a hii tih na het dinguh ahi.

1 JOHAN 2:29 ပူးပေါင်းရင်းမြစ်များ

JEREMIA 13:23

Ethiopia mi vawm in a vun a theng thei em? Gielbem inle a zie a theng thei em? Khutichu ahih theih chun nanguh thil gilo hih sek te hin le thilpha hih thei ven na tiu!

ZEKARIA 9:9

Aw Zion chanute haw! lawp un, lawp un nang haw, Jerusalem chanute lâwpin kiko dawk un! En un, na leng chuh na kawmah a hung hi! Amah chuh guolzo leh guol chungchuong in! Kingainiem takin sabiltung chungah a chu a, sabiltungno chung ngêi achun.

JOHAN 1:13

Ziete haw chuh thisan hin a hi puou a, phehlevo deihlam a hin ahi puou a pasal deihlam a hin le ahi diek puou a, Pathien hin ahi zawu hi.

JOHAN 7:18

Kuole, amah phuok kawm thugen chuh, amah lopina ding kihawl ahiu hi. Himahlele, a sawl pa lopina ding hawlte vang chuh mi diktak ahi a; amah achun diklohna him a um puoi.

NASEPTE 10:35

Chuleh, namtin laka kuole, amah ging a, diktak a hih ta chuh, a kipahlam ahi sek hi.

NASEPTE 22:14

Chun, amah chun, ‘Ei uh ei suonte Pathien in, amah deihlam he ding leh, a Suok Diktat chuh mu ding leh, amah kam ngeia a thugen za dingin a hun tel na hi.

NASEPTE 3:14

Mi thiengtho leh Diktat kha na deih puou a, himahleh, tuolthatpa khah na kawm u a a hun piek dawk na ngên zawu ahi kha.

2 KORINTH 5:21

Amah a chuh, mi diktat I hung hih theihna dingun, gitloh himhim helo hiel pa chuh, Pathien in eimau haw ziekin, gilo in a siem ta ngâl a.

HEBRAI 7:2

Tichun, Abraham chun a gâllâk thilte lak apat chun sawma-khat chuh a pie ta a. (Melkisedek min umzie masapen chuh, “Diktatna Leng,” a hi a, chun, Salem leng a hih ziekin, “Chamna Leng,” le a kitii.)

HEBRAI 7:26

Khutichun, Thiempu Lienpen, mi thiengtho, zumlezuol tuoh lo, nin beklo, mi gilote apat a kikawih chuom; vante haw chunglama um, I mamawhteu cheng ei hihsakpa chuh ahi.

JAKOB 1:18

A thilsiem haw laka gah masa I hung hih theihna dingun, amah deihlam a Thutak a chuh ei hin uh I hiu hi.

1 PETER 1:23

Chi siethei lak ah hilo in, Pathien thu hing leh, um zing achun, chi siethei lo laka piengthak na hi zaw ngâl u a,

1 PETER 1:3

I Lalpau Isu Krista Pathien leh Pa chuh pahchak in um hen. Amah chun a zahngaihna nasatak dungzui zelin, mithi lak apat Isu Krista thawhkitna vangin, kinepna hing mu dingin hinna thak ei pie a.

1 PETER 3:18

Pathien kawma ei uh ei puih theihna dingin, Krista chun gilote ziekin khatvei a thuok ta ngâl a, mi diktat chun mi diktatlo sik in a thuok a; a taksa ngêi chuh thaha um in, thagau vang achun sukhin in a um a;

2 PETER 1:4

Zie tawbang chun, a thutiem lul tak leh lopi nasatak chuh ei piek I hiu a; khutichun, utchakna zieka van nuoia sietna hung um hi I taihdawk san theihna dingun leh, Pathien nunlekhan kikawppihte I hung hih theihna dingun.

1 JOHAN 2:1

Ka naute, thil na sukkhelh lohna dinguh a zie thu hi na kawmuh a ka hun zik ahi. Chun kuo’n le thil a sukkhelh chun, Pa kawma ei nget sakpa, Isu Krista mi diktat chuh I nei ui.

1 JOHAN 3:5

Krista chuh gitloh haw la mang dingin a hung lang tai tih na heu hi; amah achun gitloh bangmah a um puoh ngâl a.

1 JOHAN 3:7

Naute, kuomah lepbawl in um kiu; diktatna hihpa chuh diktat ahi, amah a diktat bangin.

1 JOHAN 4:7

Deihtakte, kihehpih tuoh chiet hitiu; hehpihna hi Pathien a hung kipan ahi ngâl a. Kuole, hehpihna nei ta chuh, Pathien hin ahi tau a, Pathien le a heu hi.

1 JOHAN 5:1

Kuole, Isu hi Krista a hii tih gingcha chuh Pathien cha a hi a, kuole, Pa hehpih chun, cha le a hehpih sek hi.

1 JOHAN 5:18

Kuole, Pathien cha hita chun gitloh a hih zingzing ta puoi; Pathien Chapa chun a hum bit sek ziekin. Migilo chun a suna thei puoi.

1 JOHAN 5:4

Pathien chate taphawt chun, khawvel a zo zel ngâl a, ziehi ahi, khawvel zawh a muolsuohna chuh, I taksannau hih.

3 JOHAN 1:11

Deihtak, asie chuh sin ki’n la, apha chuh sin zaw ta’n. Thilpha hih ta chuh Pathien a kuon dawk ahi a, thilsie hih ta chun Pathien a mu kha puoi.