1 JOHAN 2:28 - PATHIEN LEKHABU THIENGTHO (BSI)

²⁸ Khutichun, naute, amah ah um zing un; tichun, amah a hung kilak tieng leh, hangsan tak leh, zakcha lo a, a hungna Ni a chuh na um theihna dingun.

1 JOHAN 2:28 ပူးပေါင်းရင်းမြစ်များ

ISAI 25:9

Chun, zie ni chuleh, “Entiem u, zie hi I Pathien uh ahi! Amah chuh ka na ngak uh a, ei hukdawk theih na dingin. Amah chuh Lalpa chuh ahi! Amah chuh ka taksang uh a, ei hukdam tâk ziekin, a hukdamna ahin tuhin kipâk in lawp hitiu,” ti’n au.

ISAI 45:17

Himahleh, Israel chuh Lalpa’n a hukdam a, a zawhna chuh kumlekhuo’n um in tin; a mite chuh muolpho in um ngei puo’n au,” ti’n.

MALAKI 3:2

Himahleh, a hung ni chuh kuo a thuok zo ding? A hung kilat tieng leh kuo a ding thei ding? Amah chuh hâltuina mei tawbang leh puon sawpte sahbawn tawbang ahi ngâla.

MALAKI 4:5

“Ngaitiem u, Lalpa ni lopi tak leh lauh-um tak chuh a hungtun masang in, thiemgau Elijah chuh na kawm u ah hun sawl ing ka.

MATTHAI 16:27

Mihiem Chapa hi a vânsâwlchâkte tawh, a pa lopina a kivan a hung ding ahi ngâl a. Zie tieng chuleh vang, mitin a thilhih bang zel un din chiet ina.

MATTHAI 16:28

Tihtakzet a ka hilh na hiu hi, taka ding khenkhat haw hi, mihiem Chapa lenga hung a muh masangsieh uh thihna tep lo ding a um ui,” a ti a.

MARK 8:38

Kuole tulai khang zawlsaih hatte leh thilhih gilo nuomte lak ah keimah leh ka thu zahpih ta chuh, Mihiem Chapa hin, vânsâwlchâk thiengthote tawh, a Pa lopina a kivana a hung tieng leh, zie mihiem chuh hun zahpih thuk ina,” a ti a.

LUKE 17:30

Khutibang mah chun, Mihiem Chapa a hung kilak ni chu leh um ina.

ROME 9:33

Pathien Lehkhathu’n, “Ngaitie, Zion achun pukna suong leh Dalna suongpi ka kawih a; Kuole, amah gingcha ta chuh Muolpho puo’n au,” ti a a gen guol khan.

1 KORINTH 1:7

I Lalpau Isu Krista hung kilâkna ding na ngaknau ahin, vangsakna na muhna dingu ah na lawhsam kha himhim puou hi.

1 KORINTH 15:23

Himahlele, mitin, amah hun chiet zel ah hi’n tin; Krista chuh thawh mapuipa ahi a; zie nunga a hung kitna achun, amah a te chuh hung hi’n a.

EPHESI 3:12

Krista tawh pumkhata um in, amah I taksanna ziek u chun, nelna leh ngam tak a Pathien kawma lut theihna chuh I nei tau hi.

KOLOSSA 3:4

Krista a na hinnau tak tak chuh a hung kiphuon tieng leh, nanguh le amah kawmah lopi takin kiphuong ta’n lau.

1 THESSALONIKA 2:19

Lalpa Isu a hung tienga, zawhna ka kisuonpih ding u chuh, thil dang bangmah ahi puoh a, nang haw mawng hi, ka kinepnau, ka kipahnau chuh na hi ngâl u a.

1 THESSALONIKA 3:13

Khutichun, I Lalpau Isu chuh, a mi thiengthote chengcheng tawh a hung tieng leh, I Pathien u leh I Pau masang achun, na lunggil hawu thiengtho leh paulap bei in hun sudet thei ina.

1 THESSALONIKA 5:23

Chun, chamna Pathien mawng chun, lam tin ah hun hih thiengtho hen la; chun, na thagau u leh, na lungthim uh leh, na sapum uh chuh I Lalpau Isu Krista hung tieng leh, paulap bei in a pum in humbit in um hen.

1 TIMOTHE 6:14

I Lal Isu Krista hung kilak kit masang sieh chuh, thute kha zawp a, ginum taka vawp zing dingin.

2 TIMOTHE 4:8

Tuhin chuh diktatna Lallukhuk chuh kei dingin kawih in a um ta a, zie chuh Lalpa a ngaihtuohpa diktat chun zie Ni chu leh ei pie’n a; kei kawm mah ah hilo in, a kilâkna ngai ta chengte kawma le hi’n a.

TITA 2:13

Pathien khawksaklohna leh, khawvel thil utchakna haw chuh haihsan in, tulai khang ahin pilkieu leh, diktat leh Pathien khawksa a I um dinguh ahi, tih zie hehpihna chun ei hilh ta ngâl a.

HEBRAI 9:28

Zie guol mah chun, Krista chu le, mi tamtak gitloh lâkmangna dingin, khatvei kithawihna’n a kipie ta ngâl a. Zieziekchun, a nih veina achun, gitloh thu ngaihtuoh ding hilo in, amah a na ngakte hukdam dingin a nih veina ah hung kilak kit ina.

1 PETER 1:7

Na taksannau patepna, sana, meia etchien a hih nunga mangthai sek sanga le lul zaw chun, Isu Krista hung kilak tieng leh, pahchakna leh, limbawlna leh, lopina ding a hung hih theihna dingin.

1 PETER 5:4

Tichun, Belam Chingpa Lalpen chuh a hung kilak tieng leh, lopina lallukhuk, tuoi theilo chuh mu’n lau.

1 JOHAN 2:1

Ka naute, thil na sukkhelh lohna dinguh a zie thu hi na kawmuh a ka hun zik ahi. Chun kuo’n le thil a sukkhelh chun, Pa kawma ei nget sakpa, Isu Krista mi diktat chuh I nei ui.

1 JOHAN 3:2

Deihtakte, tuhin Pathien chate I hiu a, bangti’n a I um dinguh tih vang a kichien tadih puoi; amah a hung kilak tieng le vang, amah bangin ki-um ina tih vang I heu hi, amah chuh a um ngei bang banga mu ding I hi ngâl uh a.

1 JOHAN 3:21

Deihtakte, I sielephahetnau in mawh ei chansak loh chun, Pathien lam ah I hangsan uh ahi.

1 JOHAN 4:17

Vaihawmna Ni a dinga chuh lau lo a I um theihna dingun, hehpihna chuh eimau ah sukbukim in a um tai; zie chuh, zie khawvel a I hinnau hi, Krista a tawh kibang a hih tak zieka I neih dinguh ahi.

1 JOHAN 5:14

Ziehi Pathien lama I hansan nau chuh ahii, bang hitaleh, a deih lama I nget takphawt uh, ei na zak sak sek hih.

THUPHUON 1:7

Ngaitiem u, amah chuh meipi haw chunga hung ding ahi ie! Mit tin chengin amah muu un tin uh, amah sunte mawng khan tawh; khawvel a nam chengcheng in le amah kahcham un au. A hi. Amen!