1 JOHAN 2:27 - PATHIEN LEKHABU THIENGTHO (BSI)

²⁷ Nanguh vangin, Krista kawm apat thau nuhna chang na hiu kha. Zie Thagau Thiengtho chuh nangmau a a um sung cheng, kuomah hun sinsak ngai puon lau. Thagau Thiengtho chun bang cheng a hun sinsak a, thu dik lo hilo in, thudik tak a hun sinsak sek ziekin. Khutichun, Thagau hun sinsaknate chuh zawp unla, amah tawh pumkhat a um hiding na hiu hi.

1 JOHAN 2:27 ပူးပေါင်းရင်းမြစ်များ

THUCHINGTE 28:5

Migilo chun thudik chuh a hethiem sek puoh a; himahleh, Lalpa hawlte vang chun thil cheng a hethiem vek sek ui.

THIEMPUDANTE 7:35

Zie hi Lalpa a dinga thiempu na sem ding Aron leh a chapate thau nuh ahih niu akipat Lalpa a dinga mei thillat apat a chanvo dinguh chuh ahi.

KISIMNA 7:43

A thillat chuh dangkathîk kuong khat, a giklam sekel za leh sawmthum, mun thiengtho a sekel sawm sagih tuk a gik tangka thik belhbu khat, changbuong thillat dinga thau a chawhhel changbuong nêl tak adim gêl gêl;

MATTHAI 13:11

Isu’n kawm u ah, “Van gam thuguk chuh nang haw het vang phal a hi a, himahleh, amau haw het vang chuh phal ahi puoi.

JOHAN 14:16

Tichun, Pa kawmah ngên ing ka ting, ama’n Lungmuonpa dang nanguh hun pie’n a, kumkhuo a na kawm u a um dingin.

JOHAN 14:17

Zie chuh Pathien chanchin diktak phuongdawk sek Thagau chuh ahi. Vannuoi in zie chuh a nei thei puou hi, amah a muh loh u a, het le a het loh ziekun. Nang haw’n vang, na kawm u a a um zing ziek leh, nangmau a a um ziekin, amah chuh na heu hi.

JOHAN 14:26

Chun, Lungmuonpa Thagau Thiengtho, Pa’n, ka min a a hun sawl ding khan, zie chun bangakai nanguh hun sinsak intin, na kawm u a ka gen chengcheng kha hun het dawk sak kit ina.

JOHAN 16:13

Amahvang chuh, Pathien chanchin diktak phuongdawkpa Thagau chuh a hung tieng leh, thudik cheng chengah hun puilut ina. Amah phuok kawmin thu gen ding a hi puoh a, a thu zakte chauh gen intin; thil hungtung dingte le hun hetsak in a.

JOHAN 4:14

kuole, a kawma tui ka piek ding dâwn ta chuh, kumkhuo’n a dang uh châk kit ta puo’n a, ken tui a kawm u a ka piek ding chuh a sung u ah tuinak hung um intin, kumkhuo tuonga hinna dingin kichik to ina,” a ti a.

JOHAN 6:45

Thiemgaute’n, ‘Mi tin chuh, Pathien sinsak in um vek un au,’ ti’n a zikuh ahi. Kuole, Pa thu he a, sin ta chuh, ka kawmah a hung sek ui.

1 KORINTH 2:12

Khutichun, Pathien in a thawna ei piek haw chuh I het theihna dingun, eihaw vangin chuh, zie van nuoia thagau hi hilo in, Thagau. Pathien in ei piek chuh I muh zawk uh ahi.

1 KORINTH 2:13

Zie thil haw chuh mihiemte chitna thu a gen lo in, Thagau sinsak thu a gen zawk in, thagau lam thu haw chuh thagau lam mite kawma hilhchien in I gen sek ui.

2 KORINTH 1:21

Chun, nangmau haw tawh Krista a pumkhata ei siempa leh, kei uh thau ei nuh pa chuh Pathien ahi.

EPHESI 4:21

A chanchin na za ta ngêi u a, chun a nungzuite na hih tâk ziek u khan, Isu a thudik um kha sinsak in na um uh ahi.

KOLOSSA 2:6

Krista Isu chuh Lalpa a na pawm tâk ziekun, amah tawh kipumkhat in hing tau un.

1 THESSALONIKA 2:13

Chun, zieziek hin Pathien kawmah kipahthu ka gen zing sek uh ahi: keihaw apat a Pathien thu na zak uh, na pawm lai u khan, mihiem thu pawm in na pawm puou a, Pathien thu pawm a na pawm zawk ziekun; zie chuh a dik him ngâl a. Nanguh, a gingchate chunga sempa chuh Pathien ahi.

1 THESSALONIKA 4:9

Taksanna lama na unauteu hehpihna lam thu chuh na kawm u a hun zik a ngai puoi; kihehpih tuoh dingin, nangmau haw mawng, Pathien sinsak in na um ta ngâl u a.

1 TIMOTHE 2:7

Zie taksanna thu leh thudik chuh, Jentel te kawma phuong dinga sawlchak leh sinsak dinga guot ka hi. Lepchieh thu gen ka hi puoh a, thudik ka gen zawk ahi.

1 PETER 1:23

Chi siethei lak ah hilo in, Pathien thu hing leh, um zing achun, chi siethei lo laka piengthak na hi zaw ngâl u a,

1 JOHAN 2:28

Khutichun, naute, amah ah um zing un; tichun, amah a hung kilak tieng leh, hangsan tak leh, zakcha lo a, a hungna Ni a chuh na um theihna dingun.

1 JOHAN 3:24

Kuole, Pathien thupiek zawp chuh, Pathien tawh pumkhat in a um uh a, Pathien le amah tawh pumkhat in a um hi. Pathien in a Thagau ei piek a hin, Pathien tawh I kipumkhat ui tih I heu hi.

2 JOHAN 1:2

thutak chuh keimau a a um zing ziekin leh, kumlekhuo a le a um zing ding ziekin.