Themtu tamtak, Isu Krista chuh taksa pu’n a hung hi, tih panpih lote khah, khawvel ahin a hung suok dawk ta ngâl uh a. Khutibang mi chuh ahi, milem leh Krista dodilpa chuh.
Krista lêmte leh thiemgau lêmte hung pawt ding ahi ngâl u a. Tiemtehna haw leh thilmak haw bawl un tin, hihthei vang leh telte nasan le puih mang guo’n au.
Chingthei un! khutilochun, kuo’nle, Krista thu bang hilo in, mihiemte thuguichin leh, vannuoi lehkhabul bangin, a chitgukhahnau leh kithepna maimai in gâl kaih in hun kai kha’n au.
Himahlele, hun nunung achun, mi khenkhatte chuh, mi lepchiehte gukhahna zieka puihmang a um in, thagau haw leh thithate sinsakna thu lunggulh in, taksanna chuh hun haihsan un au tih, Thagau chun kichien takin a gen a.
Kuoma’n kilâkna chuombîk mu a kingai in ahim, a mah kingaihniem lêm thawh in ahim, vânsâwlchâkte ho ka hi ti a a hun demsiet dinguh kiphal kiu in. Zie tawbang mi chuh, a mihiem ngaihtuohnau achun chawmlo kal a mût manga um in;