1 JOHAN 2:25 - PATHIEN LEKHABU THIENGTHO (BSI)

²⁵ Chun, ziehi ahi, Krista mawng in thu ei tiem khah, kumsawt a hinna hih.

1 JOHAN 2:25 ပူးပေါင်းရင်းမြစ်များ

JOHAN 10:28

Amau haw chuh kumkhuo a hinna ka pie a, thi ngei ta puo’n au. Kuoma’n ka khut apat ei chuhthâk sak ta puo’n au.

TITA 3:7

Khutichun, a lungsietna zieka thiemchan saka na um in; kumsawt a hin kinepna dungzuia goluoh dinga siem in um thei hitiu.

JUDA 1:21

Thagau Thiengtho thilhih theihna a paucham in, Kumsawt hinna, a hun piek ding, I Lalpau Isu Krista khuotuohna ngak kawmin, Pathien hehpihna achun kivawp phau un.

1 TIMOTHE 6:12

Taksanna kitaihsiekna pha chuh bawl inla, kumsawt hinna chuh changin, zie chang dinga chuh sap na hi a, hetpih tamtak te mitmuh achun dettak in na phuong ta kha.

1 JOHAN 1:2

Zie Vak chuh muh theih a a hung kiphuon phetin ka mu tau a, ka phuong dawk uh a, zie chuh Pa kawma um, keihaw kawma phuon dawka um a chanchin ka hun hilh uh khah ahi.

TITA 1:2

Zie chuh kumsawt a hinna kinepna thu a kinga ahi. Zie hinna chuh leisiet kisiem ma pek a Pathien lepchieh ngei lo pa chun ei tiem a,

ROME 5:21

Gitlohna’n thihna a vai a hawm guol mah in, lungsietna chun diktatna’n, kumkhuo hinna chan theihna khawp in I Lalpau Isu Krista zal chun vai a hawm tai.

ROME 2:7

Thilpha bawl hâmhâm a, lopina leh limbawlna leh, manthai theih lohna hawlte kawm achun Pathien in kumsawt hinna pie’n tin,

JOHAN 12:50

Amah thupiek chuh kumkhuo hinna a hi tih ka hêi; zieziekchun, thu ka gen hi, Pa ei hilh bang zel a ka gen a hi,” a ti a.

JOHAN 6:68

Simon Peter in a kawmah, “Lalpa, kuo kawma e ka chieh dinguh? Nangin kumsawt hinna na nei a puo!

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.

1 TIMOTHE 6:19

Khutibanga hih chun, amau ding ngêi in, tunung thila dingin suongphum dettak, go phum gûk chuh kikhawlkhawm hi’nau. Khutichun, hinna, hinna diktak chuh chang thei un au.

JOHAN 6:54

Kuole, ka phehlevo ne a, ka thisan dâwn chun, kumkhuo a hinna a nei tai; chun, ni tâwp ni chuleh amah chuh kaitho ing ka.

JOHAN 6:47

Tihtakzet a ka hilh na hiu, kuole, a gingcha chun, kumsawt a hinna a nei hi.

JOHAN 6:27

An khadang a mang mai ding delh in phe phe kiu in, himahleh kumkhuo a hin chana um ding an, Mihiem Chapa’n a hun piek ding chuh delh in phe zawu un: Pa Pathien chun amah chuh a melchik ta ngâl a,” a ti a.

JOHAN 5:39

Pathien Lehkha thu na sim gunchuh sek ui. A sung ah kumkhuo hinna um ina tih na ginchak ziekun. Zie lehkha thu haw chuh ka chanchin hetsak pên chuh a hi ngâl a.

LUKE 18:30

tu damsung zieng hin le, a sanga tamzaw mu lo ding kuomah a um puou hi, hun hungtung kit dinga kumkhuo a hinna tawh,” a ti a.

DANIEL 12:2

Chun, a lak uh a mi tamtak leivui a ipmusate chuh hung khanglo un tin, khenkhat chuh kumsawt hinna chang dingin, khenkhat chuh zahchâkna leh kumsawt muhsitna chang dingin hung tho kit un au.

1 TIMOTHE 1:16

Himahlele, Pathien chuh ka chunga zahngai in, kei, migilo pente laka gilopen chunga hi, Krista Isu thuokhhatna bukim chuh suklat ahi a; tunung a amah hun gingcha a, kumsawt hinna hung chang dingte etsakna dingin ei hun mang ta a.

GALATI 6:8

Amah phehlevo deihlam a thehpa chun, phehlevo a um sietna chuh ât intin; Thagau lama thehpa chun chuh, thagau lama um, kumsawt hinna ât ding ahi.

ROME 6:23

Gitloh man chuh thihna ahi ngâl a, Pathien thil thawnpiek vang chuh, I Lalpau Isu Krista zal chun kumsawt a hinna ahi.

JOHAN 3:15

Kuole, a gingcha ta chuh mangthai lo a, amah vanga kumkhuo hinna a neihna dingun.

JOHAN 6:40

Chun, ziehi ka Pa deih bang ahi: kuole, Cha mu a gingcha ta’n kumsawt hinna nei a, chun, ken ni tawp ni leh hinna a ka kaih thawh ding chuh,” a ti a.