1 JOHAN 2:24 - PATHIEN LEKHABU THIENGTHO (BSI)

²⁴ Nanguh vangin, atûng apat na thu zak uh khah, na lunggil u ah vawp pha zing un. Zie atûng apat na zak uh khah na vawp zing uh chun, nanguh le, Chapa leh Pa achun um zing unlau.

1 JOHAN 2:24 ပူးပေါင်းရင်းမြစ်များ

SAM LEHKHABU THE PSALMS 119:11

Na chunga thil ka hih khelh lohna dingin, Na thu chuh ka lunggil ah ka khawlkhawm a.

THUCHINGTE 23:23

Thudik chuh chawn la, zuok kit ki’n, Ahi, pilna te, sinsakna leh hetthiem nate le kichâwk in.

LUKE 1:2

Zie thil haw a tûng apat phuongte leh mute chun, ei hilh tâk guol u khan a zikuh a.

LUKE 9:44

“Tu a ka thu hun hilh ding hi hengilh hiel kiu in! Mihiem Chapa hi mihiemte khuta matsak a um ding ahi,” a ti a.

JOHAN 14:23

Isu’n a dâwng a, “Mi’n ei hehpih chun, ka thu zawp intin, ka Pa’n amah chuh hehpih ina, tichun, a kawmah hung ing ka ting un, a kawmah um zing ung kau.

JOHAN 15:7

Nanguh keimah a na um zing u a, ka thu le nangmau a a um zing chun, na deih chenguh ngên un, nang u dingin hihin um ina.

JOHAN 6:56

Kuole, ka phehlevo ne a, ka thisan dâwn chun kei ei kipapvaipih zing sek a, ken le amah ka kipapvaipih zing sek hi.

JOHAN 8:25

Amau chun a kawmah, “Kuo hile ba na hi a ahim?” a tiu a. Isu’n a kawm u ah, “Atûng apat na kawm u a ka gen sek khah.

PHILIPPI 4:15

Chun, nanguh, Philippi mite haw Chanchin Pha tun tûng laia, Makedonia gam apat ka pawtdawk lai khan, nang haw ngâllo chun, sapchuom lawikhat cha’n le, thilpiek leh muh lam achun ei panpih puou hi tih nang haw mawng le a hete na hiu hi.

KOLOSSA 3:16

Krista thu chuh a hauhsakna chengcheng tawh na lunggil u ah cheng zing he’n. Mitin chuh chitna tin cheng in sinsak in hilh un. Pahchakna la haw, Pathien la haw, leh thagau lam la sau in la; lunggil a kipahthu gen kawmin Pathien chuh na lunggil u ah lasak sak un.

HEBRAI 2:1

Zieziekchun, nakhanga I zak hawu kha phachuomngai taka I khawksak zawksem dinguh ahi, khutilochun kithawlh mang khâi tiu.

HEBRAI 3:14

Krista tawh pang khawmte I hi ta ngâl u a, a tûng pên a I kimuonpih u khah, a tâwp tienga dettaka I tukchak phawt u chun.

1 JOHAN 1:3

Chun, ka muh u leh ka zakteu chuh nang haw kawmah ka phuong uh a, khutia chuh. Pa leh a chapa Isu Krista tawh ka kivawpkhawmnau chuh nei kikawppih theihna dingun.

1 JOHAN 1:7

Himahlele, amah chuh vaka a um banga, ei uh le vaka um I hih uh chun chuh, amah tawh kivawp khawm I hiu a; chun. a Chapa Isu thisan in I gitloh cheng chenguh ei tauh ngim sak ahi.

1 JOHAN 2:7

Deihtakte, thupiek thak vang na kawm u ah ka hun zik puoh a. Thupiek lui, atûng apat na neihsau khah ka hun zik zawk a hii. Zie thupiek lui chuh, atûng apat na thu zaksau khah ahi.

1 JOHAN 3:24

Kuole, Pathien thupiek zawp chuh, Pathien tawh pumkhat in a um uh a, Pathien le amah tawh pumkhat in a um hi. Pathien in a Thagau ei piek a hin, Pathien tawh I kipumkhat ui tih I heu hi.

1 JOHAN 4:13

Amah ah I um zing ui tih leh, amah chuh eimau ah a um zing hi tih, zie hin I heu hi, a Thagau ei uh ei piek tâk ziek hin.

1 JOHAN 4:15

Kuole, “Isu chuh Pathien Chapa a hii,” ti a pang ta chuh, amah achun Pathien a um zing a, Pathien le amah ah a um zing ahi.

1 JOHAN 4:16

Pathien in hehpihna eihaw a dinga a neih chuh I heu a, gin le I ginchak uh ahi. Pathien chuh hehpihna ahi a, hehpihna a um zing chuh, Pathien ah a um zing a, Pathien le amah a um zing ahi.

2 JOHAN 1:2

thutak chuh keimau a a um zing ziekin leh, kumlekhuo a le a um zing ding ziekin.

2 JOHAN 1:9

Kuole, Krista sinsakna thu a um zing lo a, chieh khel chun, Pathien a nei puoi. Kuole, zie sinsakna thu a um zing vang chun. Pa leh Chapa chuh a neih thuoh ahi tai.

3 JOHAN 1:3

Suohpihte, mi khenkhat a hung u a, thutak thu a na taksanum zieu, malai a thutak a na hin bang u a na umdan teu ei hung hilh phet un ka kipâk mah mah mai hi.

THUPHUON 3:11

Hung vak zieng ding ka hi, kuoma’n na lallukhuk chuh a hun lâksak lohna dingin, na thil neihsa khah vawp bit ah.

THUPHUON 3:3

Khutichun, a tûngin bangti sinsak a um na him, bang na ti zak ahim gel zing ah; zie chuh zawp inla, na gitlohna apat in kihei kit in. Na kiven loh le vang, gucha bangin hung ing ka ting, bangtik phata ka hung ding tih nasan le he puo’n la.