1 JOHAN 2:18 - PATHIEN LEKHABU THIENGTHO (BSI)

¹⁸ Naute, hun nunung pên chuh a nai tai! Krista dodilpa hung ina tih, na zak uh khah, tuhin le Krista dodilte tamtak a hung pawt tau hi; zieziekchun, hun nunung pên a nai tai tih I heu ie!

1 JOHAN 2:18 ပူးပေါင်းရင်းမြစ်များ

1 JOHAN 4:3

Himahlele, thagau tapoh, Isu Krista panpih lo chuh, Pathien a hung kuon ahi puoi; zie chuh Krista dodilpa, thagau hung ding na zak u khah ahi a, tuhin le khawvel a um zingsa ahi tai.

2 JOHAN 1:7

Themtu tamtak, Isu Krista chuh taksa pu’n a hung hi, tih panpih lote khah, khawvel ahin a hung suok dawk ta ngâl uh a. Khutibang mi chuh ahi, milem leh Krista dodilpa chuh.

1 JOHAN 2:22

Isu chuh Krista a hi puoi, tite khela lepchieh kuo a um? Krista dodilte chuh, Pa leh Chapa kilepsan nuomte hi ahiu hi.

MATTHAI 24:24

Krista lêmte leh thiemgau lêmte hung pawt ding ahi ngâl uh a. Ziete chun melchikna nasatak leh, thilmak lopitak hun etsak un au, a hihtheih diek chun, telte nasan le hun dawha bawl ding ahiu hi.

MATTHAI 24:5

Mi tamtakin, ‘Krista chuh ka hii,’ tin ka min in hung untin, mi tamtakin hun dawha bawl ding a hi ngâl uh a.

1 JOHAN 4:1

Deihtakte, thagau tapoh gingcha kiu, amahvang chuh, thagau chuh, Pathien apat a hih leh, hih loh khuoltuok masa’n, patep un. Thiemgau lêm tamtak khawvel ahin a hung pawt tâk ziekun.

MARK 13:6

Mi tamtak, ‘Krista ka hi’ ti’n Ka min in hung un tin; mi tamtak hun dawha bawl ding ahiu hi.

2 PETER 2:1

Malai khan le, mite lak achun thiemgau lêmte a um sek uh kha, zie tawbang mah chun, nang haw lak ah le, sinsaktu diklote hung pawt ding ahiu hi. Khutichun, sietna, thugin diklo hun puo lut un tin; amau haw hukdampa Lalpa ngêi chuh kizuksan in, amau haw chung ngêi ah, kintaka manthaina hun tunsak un au.

MATTHAI 24:11

Chun, thiemgau lêm tamtak hung pawt un tin, mi tamtak hun thêm un au.

JUDA 1:18

“Hun nunung achun, Pathien khawksa lo a, amau utna dungzuia um in, mi nuihsante hung um un au,” ti a, na kawmuh a gen hawu khah.

2 PETER 3:3

A masapen in, ziehi heu in, ni nunung achun, mi, a hinnau amau deih banga puih manga umte hung kilang ding ahiu hi. Ziete haw chun hun nuihsan un tin uh,

HEBRAI 1:2

Himahleh, tuhun tâwp ahin, eihaw kawmah a Chapa achun thu a gen tai. Amah achun Pathien in vannuoi pumpi hi a siem a, amah mawng chuh thil bangakai nei dingin Pathien in a teldawk nawn a.

1 PETER 1:20

Amah chuh, leisiet kisiem masang pek a, Pathien in a na guotsa a hi ta a, himahlele, tuhun nu nunglamhaw ahin, nang haw ziekin a hung kiphuong dawk a hi tai.

1 PETER 1:5

Hun nunung a lang ding ginna a hukdamna chuh mu dingin; taksanna ziekin, Pathien thilhih theihna a ven chuh na hiu hi.

JOHAN 21:5

Chun, Isu’n a kawm u ah, “Naute haw, bangmah man lo na hiu hi?” a ti a. Amau chun a kawmah, “Bangmah cha ka man puou!” a tiu a.

ROME 13:11

Tulai thil umzie na het ziek u leh, ipmu thawh halh a hun tak zet tai tih na het ziekun, zie chuh ka gen ahi; tuhin chuh, I awih tûnglai sang u khan I hukdamnau chuh a nai zaw ta ngâl a.

ROME 13:12

Zan hi a bei vangvang ta a, khuo vak ding ei ta ie; zieziekchun, thim laka thilhih chuh paih hi tingun eng thuom in kithuom hitiu.

1 PETER 4:7

Himahlele, thil chengcheng tawpna ding chuh a nai ta a. Zieziekchun, na paucham theihna dingun, lungthim diktak pu’n, chingkieu in um un.