1 JOHAN 2:15 - PATHIEN LEKHABU THIENGTHO (BSI)

¹⁵ Khawvel hi hehpih kiu inla, khawvel a thil umte hile hehpih diek kiu un. Mi kuo’nle, khawvel a hehpih chun, Pa a hehpihna amah ah a um puoi.

1 JOHAN 2:15 ပူးပေါင်းရင်းမြစ်များ

JAKOB 4:4

Nanguh, mi ginumlote haw! Khawvel tawh kiguolchanna hi, Pathien melma hihna ahi tih helo na hiu hi? Zieziekchun, kuole, khawvel guol hih nuom ta chuh, Pathien melma a kisiem sek ahi.

ROME 12:2

Zie vannuoi dân guol hin um kiu unla, Pathien deihlam, a pha leh, pawm tâk leh, phat bukim chuh na hetchil theihna dingun, na lungthim uh a thak a um in, lamdang zaw tau u.n.

MATTHAI 6:24

“Kuoma’n to nih na a sem kawp thei puoi; khat chuh mudah in, khat chuh deihchuom in ahim, a hihloh leh khat chuh limbawl in khat chuh simmawh ding ahi ngâl a. Pathien leh sum na na sem kawp thei puou hi.

LUKE 16:13

“Suok kuoma’n, pu nih na a sem kawp thei puoi; khat mudah in, khat deihchuom ding ahi ngâl a; a hihloh leh khata dingin ginum intin, khat musit ina. Pathien leh sum na na sem kawp thei puou hi,” a ti a.

JOHAN 15:19

Nang haw khawvel mi hi leu chin, khawvel in amah mite a hehpih ding a hii; khawvel a mi na hi ngâl puou a, khawvel a um, ka teldawk na hih zawk ziekun, khawvel in a hun hawt na hiu hi.

1 JOHAN 3:17

Kuole, mi hausa khatin, a suohpih tasam in mu hen la; a suohpih chuh lainat ta kileh, bangti’n Pathien ka hehpih hi a ti thei die?

1 TIMOTHE 6:10

Dangka sum ngaihnat hi gitloh tincheng bul ahi ngâl a; ziehaw chuh a bangin a awtchau a, taksanna chuh a kiheimangsan u a, amau leh amau lungkhamna tamtakin a kisun khum zaw sek ui.

GALATI 1:10

Ahih leh, tuhin, mihiem sukkipah guo ka him, Pathien sukkipah guo? Mihiemte kawma challat ut ka hi leh? Khutibanga hih ka na guot zing chun, Krista suok hilo ding ka hi.

1 JOHAN 4:5

Thiemgau lêmte chuh khawvel a um ahiu a, khawvel a um bangin a pau sek uh a, khawvel in a thuu a ngaitha sek uh ahi.

EPHESI 2:2

Zie hun lai khan khawvel gitlohna lampite hawh in; vanthamzawl a thuneihna leng, tu a Pathien thu awilo chate chunga vaihawmpa thagau chuh na zawp zawu hi.

1 JOHAN 5:10

Khutichun, kuole Pathien Chapa gingcha ta chun, amah lunggil mawng ah, zie hetpihna chuh a nei hi; kuole, Pathien gingcha lo chun, amah chuh lepchieh a hih sak ahii, Pathien in a Chapa chanchin a hetpih chuh a ginchak loh ziekin.

MATTHAI 4:8

Chun, Diabol chun tâng sang tak ah a puikit a, khawvel gam chengcheng leh a lopina haw chuh a etsak a.

JAKOB 1:27

I Pathien uh leh, Pa mitmuha sakhuo ho dân thieng leh kisubuoklo chuh ziehi ahi: nauchagah leh meithai a liengvaih lai uh a veh a, amah ngêi zie khawvel sietna lak apat a kisubuok lo a kikiengkawih hi ahi.