1 JOHAN 1:9 - PATHIEN LEKHABU THIENGTHO (BSI)

⁹ I gitlohnau I phuon uh chun chuh, eihaw gitlohna ngaidam ding leh, I diktat lohnau chengcheng tauh ngim dingin, amah chuh a taksanum in, a diktat ahi.

1 JOHAN 1:9 ပူးပေါင်းရင်းမြစ်များ

1 LENGTE 8:30

Chun, na suok leh na mi Israel te hin zie mun lam hi ngaa a paucham tieng u leh a ngetna hawu a na ngaihthak sak sek in; na umna mun van apat in a na ngaitha’n la, ngaidam in.

1 LENGTE 8:47

Sala a umna gam u a a kingaihtuoh dawk u a, a kisik u a, thil ka na hihkhiel u a, diklo takin leh gilo takin ka na hih tau, ti a sala puite haw gama a hun nget u chun,

NEHEMIA 1:6

kei lam ah na bil hun dawh inla, na mi Israel chate a ding a sun leh zan a paucham zing na suok hi ei hun ngaitha’n. Na chungah ka na gilo tau hi tih ka phuong a, ka pileputeu leh kei mau ngêi hi ka na gilo tau hi; ahi, kei leh ka pa inkuon te’n thil ka na hihkhiel tau hi.

SAM LEHKHABU THE PSALMS 19:12

Himahleh, kuo a amau thil hihkhelh he thei ding? Gitlohna kisel haw lak ahin ei thielngim in.

SAM LEHKHABU THE PSALMS 32:5

Ka gitlohna chuh na kieng ah ka phuong a, Ka thulimlohna ka îm puoh a; Ka sukkhelhna chuh Lalpa kawmah thupha chawi ta’ng ka, ka ti a; Khutichun ka gitlohna-gitlohnate chuh na ngaidam ta kha. Selah

PAWTDAWKNA 34:7

sang tamtak chunga lungsietna latsak sek, manlohna haw, sukkhelhna haw, gitlohna haw ngaidam sek; himahleh, diklo a mawhchangte bangti ale pawtsak lo; pate manlohna zieka chate, cha sawn te, suon thumna leh suon lina chana gawt sek chuh ka hi,” ti’n a phuong ta a.

THUCHINGTE 28:13

Gitlohna selgute chuh lawhting ngei puo’n tin uh; himahleh kuole, kiphuonga haihsante vang chun zahngaihna mun au.

ISAI 45:21

Hung u henla, a chanchin uh hung gen u hen, a panpihteu chule kidawng tuoh uh hen la; Kuoa tumasang a thil hungtung ding genlawk sek? A mite hukdawk sek chuh Kei Lalpa Pathien hi hilo ka him? pathien dang himhim a um puoh ngâl a.

JEREMIA 3:13

Lalpa na Pathien chunga na kiphin nate, thingbawk nuoi tin chenga gamdang mite a dinga na kiphal nate leh ka kamsuok na zawp loh na haw chuh thupha chawiin Lalpa’n a tii.

JEREMIA 33:8

Ka chunga a thilhih khelhnau leh a gitlohnau haw cheng ngaidam ing ka ting, chuleh, a gitlohnau leh ka chunga a thil hihkhelh nau leh a manlohna teu apat in hih thiengtho ing ka.

SUNNA LA 3:23

Zing tin in a thak zel ui, na ginum zie chu a lopi hi.

EZEKIEL 36:25

Chun, na chung u ah tui chîm theh ing ka ting, hung thiengtho in na tin un, na buokna teu chengcheng leh na milim hawu lak apat chun hun hih thieng ing ka.

EZEKIEL 37:23

A milimteu, a thil tenumteu, a bawhsietna teu in kisubuok khata puo’n au: gitlohna a hihnau a chênna mun teu chengcheng apat chun hukdawk zaw’ng ka ting, silthieng ing ka: khutichun, amau chuh ka mite hi’n tin un, chun, kei a Pathien uh hing ka.

ZEKARIA 9:9

Aw Zion chanute haw! lawp un, lawp un nang haw, Jerusalem chanute lâwpin kiko dawk un! En un, na leng chuh na kawmah a hung hi! Amah chuh guolzo leh guol chungchuong in! Kingainiem takin sabiltung chungah a chu a, sabiltungno chung ngêi achun.

MATTHAI 3:6

A gitlohnateu kiphuong in Jordan luia chun a khut ah baptistma a chang tau a.

MARK 1:5

Tichun, Judia gama mi chengcheng leh Jerusalem khuo a mi chengcheng a kawmah a chieh uh a, a gitloh hawu thupha chawiin, Jordan lui ah ama’n a bawn un a na baptist a.

LUKE 22:57

Himahleh, Peter chun a niel a, “Numei, amah chuh het le ka he kha puoi,” a ti a.

JOHAN 17:25

Aw he Pa diktat! khawvel in vang a hun he puou a, ken vang ka hun hêi; te haw hin le, nangin kei nei sawl a hii tih a heu hi.

NASEPTE 19:18

Chun, a lak u a gingcha haw, mi tamtak chule a hung u a, a thilhih hawu thupha a chawi u a, a kiphuong tau a.

ROME 3:26

Tuhin chuh amah diktatna etsakna dingin mihiemte gitlohna chungah thu a nei tai. Zie guol chun Pathien in a diktatna etsak in, Isu taksang taphawtte chuh thiemchanna a pie tai.

1 KORINTH 1:9

Pathien, a chapa Isu Krista, I Lalpau tawh pumkhat hi dinga nang haw hun sampa, Pathien ngêi chuh taksan ding ahi.

1 KORINTH 6:11

Na laku a khenkhat chuh khutibang mi na hi sek u kha. Himahlele, gitlohna apat a sukthien na hi tau a; Pathien kawma lat na hiu a; Lalpa Isu Krista leh, Pathien Thagau zâla chuh, Pathien tawh kichama siem na hi tau hi.

EPHESI 5:26

Sapchuomte chuh tuia silthien nunga Pathien kawma a thu a lat thiengtho a hih theihna’n;

DAN NIHNA 7:9

Zieziekchun, Lalpa na Pathien u maicha hi Pathien chuh ahi tih heu in; Pathien ginum, amah hehpih a, a thu zuite chunga khang sang chana thuthun leh lungsietna sulang zing seka,

1 TIMOTHE 1:15

“Krista Isu, mi gilote hukdam dingin, khawvel ahin a hung hi,” tih hi a taksanum in, pawm tâk mawng ahi. A lak uh a mi gilopen ka hi a;

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

HEBRAI 10:23

I taksan kinepnau hi a lawn loh na dingin tuchak zing hitiu, thutiempa Pathien chuh a taksanum ngâl a.

HEBRAI 11:11

Taksanna ziekin Sara’n le, a tiempa chuh taksanum a a seh ziekin, a têk kei nung in nau vawp theihna a mu tai.

HEBRAI 6:10

Na nasep u leh, a min zieka hehpihna na latsak sek uh, mithiengthote na zenvielnau, tu tieng a le na hih zing uh chuh hengilh dingin Pathien chuh mi diktatlo a hi puoh ngâl a.

1 JOHAN 1:7

Himahlele, amah chuh vaka a um banga, ei uh le vaka um I hih uh chun chuh, amah tawh kivawp khawm I hiu a; chun. a Chapa Isu thisan in I gitloh cheng chenguh ei tauh ngim sak ahi.

THUPHUON 15:3

Pathien sawntawlawi Mosi la leh Belamno la: “Aw Lalpa Pathien, Bangkim hihthei, Na thilhihte chuh a lopi in, a mak a; Nang, namtin Lalpen, Na lampi chuh a diktat in, a dik ngâl a!