1 JOHAN 1:5 - PATHIEN LEKHABU THIENGTHO (BSI)

⁵ Chun, a chapa apat a thu ka zak uh, nanguh ka hun hilh sawn dinguh chuh ziehi ahi: Pathien chuh Vak ahi a, amah achun thimna himhim a um puoi.

1 JOHAN 1:5 ပူးပေါင်းရင်းမြစ်များ

JOHAN 8:12

Chun, Isu’n Pharisaite kawmah thu a gen kit a, “Kei khawvel salh vak chuh ka hii; kuole, ei zui chuh thim lak ah leng puo’n tin, hinna vak nei zaw’na,” a ti a.

JAKOB 1:17

Thilpiek pha leh bukim chengcheng chuh, chunglam apat ahi. Pa vaka hung tha suk ahi a, amah achun lamdanna leh kiheina lim himhim a um thei puoi.

ISAI 60:19

“Sun laia na vak ding chuh nisa hita puo’n tin; zan a hun salhvak ding le thapi hita puo’n a; himahleh, kei, Lalpa hi kumlekhuo a dingin na vak hi tâng ka ting; chun, na Pathien u chuh na lopi nau hita’n a.

SAM LEHKHABU THE PSALMS 27:1

Lalpa chuh ka vak leh ka hukdamna ahi; kuo ahi ka kihchak ding? Lalpa chuh ka hinna insang ahi; kuo ahi ka lauh ding?

JOHAN 1:9

Zie chuh vak diktak khawvela hunga, mitin salh vak chuh ahi.

JOHAN 1:4

Amah achun hinna a um, zie hinna chuh mihiemte vak ahi.

JOHAN 9:5

Van nuoia ka um sung hin, vannuoi salhvak pa ka hi,” a ti a.

THUPHUON 22:5

Zie tak achun zan um ta puo’n tin, thaumei vak leh nisa ngai ta puo’n tin uh; Lalpa Pathien chun amau salhvak ding ahi ngâla; tichun, kumkhuotuong in vaihawm ta’n au.

THUPHUON 21:23

Zie khawpi chun, a salhvak dingin nisa a ngai puoh a, tha le a ngai diek puoi; Pathien lopina chun a salhvak a, a thaumei uh chuh Belamno ahi ngâl a.

SAM LEHKHABU THE PSALMS 36:9

Hinna tuikhuk chuh na kieng ah a um ngâla: Na vak achun vak mu’ng ka tin uh.

1 TIMOTHE 6:16

Amah chauh chuh thi thei lo, kuoma’n naih theih loh hiel vak achun a cheng a. Kuoma’n a mah chuh a mu kha puoh a; muh le a mu thei lo ahiu hi. Amah kawm achun kumsawt a limbawlna leh thilhih theihna chuh um hen! Amen.

SAM LEHKHABU THE PSALMS 84:11

Lalpa Pathien chuh nisa leh phaw ahi ngâla: Amah chun deihsakna leh zahna pien tin: Diktaka umte kawm a chun thilpha mawng mawng it hiel puo’n a.

1 JOHAN 3:11

Ziehi atûng apat a thu na zak uh khah ahi; I kihehpih tuoh chiet dinguh ahi tih hi.

1 KORINTH 11:23

Nanguh thu ka hun hilh sawn khah, Lalpa kawm apat ka muh a puo: khati a, Lalpa Isu matsak a a um zan a, chângthâk a lak a; kipahthu a gen zawh a, a phelsuoh a,

SAM LEHKHABU THE PSALMS 139:12

Thim nasan inle nang apat chuh bangmah a lieh puoh a, Mahleh zan hi sun tawbang in a vak zawi: Nang ding chun thim le vak hi kibang ahi.

ISAI 2:5

Aw Jakob suonte haw, hung un la, Lalpa vak achun leng hitiu.

DANIEL 2:22

Thil thuk leh thil kiselte a sulang a; thima umte le a he a, amah chuh vak chun a ûmkimvel ahi.

JOHAN 1:19

Chun, Judate’n, “Kuo na hi?” ti a dawng dinga, Jerusalem khuo apat a thiempute leh Levi chi laka mi a sawl lai u khan ziehaw hi Johan thu na hetsak chuh ahi: