1 JOHAN 1:4 - PATHIEN LEKHABU THIENGTHO (BSI)

⁴ Ka lawp uh a bukim theihna dingin, zie thu haw hi na kawm u ah ka hun zikuh ahi.

1 JOHAN 1:4 ပူးပေါင်းရင်းမြစ်များ

ISAI 61:10

Lalpa achun nasa takin kipâk ing ka ting, ka lungthim le ka Pathien chung ah kipâk in a; amah chun hukdamna puon ei silh saka, diktatna puonâk chuol in ei thuom ta ngâla. moneipa chuh pakchavui a a kithuom a, mo chuh sana khite a a kichei bangin.

JOHAN 15:11

“Ka kipahna nangmau a a um zing na’n leh, na kipah uh a bukimna’n zie thu haw hi na kawm u a ka gen ahi.

JOHAN 16:24

Tuchan hin, ka min in bangmah na ngên ngâl puou a; ngên un, tichun, hun pie’n a, na kipâk uh a bukim na dingin.

JOHAN 3:29

Moneipa chuh a pasal chuh ahi a, himahlele, pasalpa guolpa, din sa a a thu ngaitha pa chuh, pasal aw a het phat leh, a kipâk mah mah sek hi. Zie chuh ahi, keimah kipahna ngêi le, sukbukim a a um dân sek chuh.

2 KORINTH 1:24

Na taksan tei dinguh ahi ti a, na chung u a hun hih ka hi puou a; taksanna achun na ding det ui tih ka heu a. Nangmau mawng kipahna dingin. nang haw tawh sem khawm ka hi zawu hi.

EPHESI 3:19

Ahi, a bukima het zawh sen hilo mahleh, a lungsietna na hung chan u a, Pathien lunglam bang pua na hung dim theihna dingun ka tih ahi.

1 JOHAN 2:1

Ka naute, thil na sukkhelh lohna dinguh a zie thu hi na kawmuh a ka hun zik ahi. Chun kuo’n le thil a sukkhelh chun, Pa kawma ei nget sakpa, Isu Krista mi diktat chuh I nei ui.

2 JOHAN 1:12

Na kawm u ah thu tamtak gen ding ka neih ziekin, lehkha leh lehkhatui maia zik ka nuom puoi; ka lawp uh a bukim theihna dingin, na kawmuh a hung a, kimaichangtuoh a holim ka kinep zawk ahi.