1 JOHAN 1:3 - PATHIEN LEKHABU THIENGTHO (BSI)

³ Chun, ka muh u leh ka zakteu chuh nang haw kawmah ka phuong uh a, khutia chuh. Pa leh a chapa Isu Krista tawh ka kivawpkhawmnau chuh nei kikawppih theihna dingun.

1 JOHAN 1:3 ပူးပေါင်းရင်းမြစ်များ

JOB LEHKHABU THE BOOK OF JOB 13:1

Ngaitie, ziehaw chengcheng hi ka mit in a mu a, Ka bil in a za a, a hethiem suok kêi hi.

SAM LEHKHABU THE PSALMS 2:7

Lalpa thutanna chuh gendawk ing ka: Lalpa’n, “Nang chuh ka chapa na hi ie; Tuni hin ka hun hinthak na hi.

SAM LEHKHABU THE PSALMS 22:22

Ka suohpihte kawm achun na min gen ing ka ting: Kikhawmhaw lak achun hun chawiân ka.

ISAI 66:19

Chun, a lak u ah tiemtehna siem ing ka ting, tichun, a lak u a gawtna a suokcha namte Tarshis te, Pul te, thalpi luoi zing Lud namte kawmah Tubal leh Javan te ka minthan dân za khalo leh ka lopina mu khalo tuikuol gamla taka umte kawmah sawl ing ka ting; amau chun Jentel te kawmah ka lopina phuongzak un au.

KISIMNA 10:32

Kei u kawma na hung chun, Lalpa’n thilpha ei hihsak bang zelin hun hihsak ung kau,” a ti a.

JOHAN 17:11

Tu’n, kei na kawma hung ding ka hi a, khawvel ah um ta puo’ng ka; amau haw vang hi khawvel ah um un au. He Pa, Thiengtho, nangin kei nei piekte hi na min in hum ah; pumkhat a hih theihna dingun, nang leh kei pumkhat I hih guol mah bang hin.

JOHAN 17:21

A bawn u a pumkhat a hih theihna dingun ka ngetsak ahi. He Pa, nang keimah a na um leh, kei nangmah a ka um mah bang hin, amau haw le eimah a a umna dingun. Pumkhat a hih u a, ti a chuh khawvel in kei nei sawl ngêi ahi tih a ginchak theihna dingun.

JOHAN 17:25

Aw he Pa diktat! khawvel in vang a hun he puou a, ken vang ka hun hêi; te haw hin le, nangin kei nei sawl a hii tih a heu hi.

JOHAN 17:3

Ziehi kumkhuo hinna a hii, Nang Pathien tak tak leh, na sawl Isu Krista het hi.

JOHAN 19:35

Zie thil mu pa chun a gen tai; nangun le na ginchak theihna dingun. A thugen chuh a dik a, chuleh, thudik a gen hi tih le a kihei.

NASEPTE 13:32

Kei un le ei suonteu kawma thutiem khah a chanchin kipah-um ka hun tut na hiu hi:

NASEPTE 13:41

‘Mi musitte haw, en un, Mak sau inla, beimang un; Na damsung un thil khat ka hih a, Zie chuh mi’n hun hilh mahleu le, Gingcha hiel puo’n lau, tih khah!’” a ti a.

NASEPTE 2:42

Amau haw chun a hunteu chuh, sawlchakte kawma thu zilna’n a mang u a, kivawp khawm in, chângthâk phelsuoh in, paucham in, phachuomngai takin a um zing u a.

NASEPTE 20:27

Pathien thiltup chengcheng a bawnin, na kawm u a suklat ka kitim puoh kha.

NASEPTE 4:20

Kei un vang, thil ka muh u leh ka zak teu chuh gen lo in ka um thei puou hi,” a tiu a.

ROME 15:27

Zie chuh, amau haw utna ngeia a hih uh ahi a; zie lo chun le, a panpih ding him uh le ahi: Jentel te’n thagau lam thu dawl a a kikawppih ngâl u chun lei vangsakna thila amau haw kikawppih chuh a kûl him ahi.

1 KORINTH 1:30

Himahlele, nang haw vang chuh, amah zalin Krista tawh pumkhat in a hun siem a, amah chuh Pathien apat ei uh a ding a chitna, diktatna, thienthona leh tatdawkna dinga siem ahi.

1 KORINTH 1:9

Pathien, a chapa Isu Krista, I Lalpau tawh pumkhat hi dinga nang haw hun sampa, Pathien ngêi chuh taksan ding ahi.

1 KORINTH 15:1

Chun, suohpihte, tuhin, Chanchin Pha na kawm u a ka gen, zie chuh na na lawp u a; ginna det taka na dinnau ngêi khah hun hetsak kit ka nawp ahi.

2 KORINTH 13:14

Lalpa Isu Krista lungsietna te, Pathien hehpihna te leh, Thagau Thiengtho kivawppihna te chuh na bawn uh a chungah um hen. Amen.

EPHESI 3:6

Zie thuguk chuh ziehi ahi: Chanchin Pha ziekin, Krista achun Jentel te chuh go luohpihte ahiu a; sapum ka pihte leh, thutiem chanpihte ahi tau hi.

PHILIPPI 1:7

Chanchin Pha sukdetna dinga ka dinpihna thu zieka tu a suongkul a ka tan lai leh, zalen taka ka umna haw a le, Pathien in hun khan ei piekte ei kikawppihte na hi ngâl u a.

PHILIPPI 2:1

Khutichun, Krista a na hinnau chun a suhat in, a lungsietna chun a hun thamuon sak na hiu hi. Thagau a kivawp khawm in, kilainat in na kilungsiet tuoh ngâl u a.

PHILIPPI 3:10

Ka nawppen chuh, Krista het a, a thawhkitna thilhih theihna chan a, a thuokna kikawppih a, a thihna kibatpih a um leh,

KOLOSSA 1:13

Amah chun khuothim thilhih theihna apat chun ei hukdawk a, a Chapa deihtak gam ah ei puilut ta a;

1 THESSALONIKA 1:10

A Chapa, mithi lak apat a kaih thawh. Pathien lungnat hungtung ding apat a ei hukdawk pên, a Chapa Isu, van apat a a hung ding na ngak uh a gen sausau uh ahi.

1 TIMOTHE 6:2

Gingcha mi, pu a nei suokte vang chun, suohpih a hih ziekun musit hiel kiu he’n. Khutihnak sangin, a nasepnau a phatchuomna neite chuh, gingcha mi, a lungsietteu mah a hih ziekun, pha zawsem in amau ding a sep sak zawk dinguh a hi.Zie thu haw chuh sinsak in la hilh ah.

HEBRAI 2:12

Amah chun Pathien kawmah: “Na thilhihte chuh ka suohpihte kawmah gen dawk ing ka ting, A kikhawp khawmnau achun hun pakcha ding ka hi,” ti’n.

HEBRAI 3:1

Khutichun, suohpih thiengtho, van sapna chang khate haw, I taksan uh Sawlchak leh Thiempu Lienpen, Isu chuh ngaihtuoh un.

HEBRAI 3:14

Krista tawh pang khawmte I hi ta ngâl u a, a tûng pên a I kimuonpih u khah, a tâwp tienga dettaka I tukchak phawt u chun.

1 PETER 5:1

Khutichun, na lak uh a sapchuom lawiupate chuh, kei, na upatpih uh, Krista thuokna hetpihpa leh, lopina hung kilang ding chanpih ding pa hin ka hun tîl na hiu hi.

2 PETER 1:16

I Lalpau Isu Krista thilhih-theihna leh, a hung kitna ding thu nanguh ka hun hetsak lai khan, lungthim thiem a suktuoh a siemkawm thusim zui ka hi puou a, a lopina chungnung, mit ngeia mu leh hetpihte ka hi zawu a puo!

1 JOHAN 1:1

Hinna Thu, atûng apat umsa, chanchin khah na kawmuh a ka hun zikuh ahi. Zie chuh ka zak uh, ka mit ngei uh a ka muh uh a hii, ka mu ngei uh a; chun, ka khut un le ka khawih ngei uh ahi.

1 JOHAN 1:5

Chun, a chapa apat a thu ka zak uh, nanguh ka hun hilh sawn dinguh chuh ziehi ahi: Pathien chuh Vak ahi a, amah achun thimna himhim a um puoi.

1 JOHAN 1:7

Himahlele, amah chuh vaka a um banga, ei uh le vaka um I hih uh chun chuh, amah tawh kivawp khawm I hiu a; chun. a Chapa Isu thisan in I gitloh cheng chenguh ei tauh ngim sak ahi.