ሶፎናሳ ቲንቢቴ 3:19 - ጋሞ ማጻፋ

¹⁹ ሄ ዎዴ ኔና ኡንኤዳይታ ታ ቃጻያና። ዎቤታ ታ ኣሻና፤ ላሌቲዳይታካ ታ ሺሻና። ኢስቲ ካዉዪዳ ዴሬ ኡባን ታ ኢስታ ቦንቾሲኔ ሳባስ ጋና።

Geeshsha Maxaafa

¹⁹ He wode nena un7eththidayta ta qaxxayana. Wobbeta ta ashshana; laalettidaytakka ta shiishshana. Istti kawuyida dere ubbaan ta istta bonchchosinne sabas gaththana.

ሶፎናሳ ቲንቢቴ 3:19 ပူးပေါင်းရင်းမြစ်များ

ኢሳያሳ ቲንቢቴ 26:11

ኣቤት ጎዳዉ! ኔ ቄሴይ ቁ ቁ ጊዴስ። ኢስቲ ጊዲኮ ቤኤቴና፤ ኔ ኣሳስ ኔ ሚሼቲዛይሳ ቤኤቶኔ ዬላቴቶ፤ ኔ ሞርኬታስ ጊጊዳ ታማይ ኢስታ ሞ።

ኢሳያሳ ቲንቢቴ 33:1

ኔስ ዮንታ ዳሼ ሃራ ይሲዛይሶ! ኔስ ኣዬ ኣና! ኔና ኣ ኢሞንታ ዲሺን ሃራ ኣ ኢሚዛይሶ! ኔስ ኣዬ ኣና! ኔኒ ይሶ ኣጊዳ ዎዴ ኔ ያና፤ ኔኒ ኣ ኢሞ ኣጊዳ ዎዴ ኔና ኣ ኢማና።

ኢሳያሳ ቲንቢቴ 60:14

ኔና ኡንኤዳይታ ኣቱማ ናይቲ ዚጊሼ ኔኮ ያና፤ ኔና ካዳ ኡባቲ ኔ ቶሆ ቦላ ኩንዳና፤ ‹ሃኔ ጎዳ ካታማዬ! ኢስራኤሌስ ጌሻ ሚሽ ጊዲዳ ጺዮኔ› ጊ ጼይጋና።

ኢሳያሳ ቲንቢቴ 60:18

ሃይሳፌ ጉዬ ኔ ቢታን ሺሮይ፥ ኔ ዛዋንካ ላሌቴኔ ባሺ ሲዬቴና። ጊዶ ኣቲን ኔ ዲርሳ ጊምቤ ኣቶቴ፥ ኔ ፔንጌታካ ጋላታ ጋዳ ኔ ጼይጋና።

ኢሳያሳ ቲንቢቴ 61:7

ታ ዴሬይ ዬላቲዳይሳ ቆ ናምኡ ኩሼ ኤካና፤ ካዉዪዳይሳ ቆ ባንታ ጺንጾን ኡፋዬታና፤ ባንታ ቢታስ ናምኡ ኩሼ ላታና፤ ሜርና ኡፋይሲ ኢስታስ ጊዳና።

ኢሳያሳ ቲንቢቴ 62:7

ኢዚ ዬሩሳላሜ ሚንና ጋካናሲኔ ቢታ ኡባ ቦላ ኤሬቲዳ ካታማ ኦና ጋካናስ ኢዛስ ሼምፖ ኢሞፍቴ።

ኤርማሳ ቲንቢቴ 30:16

«ጊዶ ኣቲን ኢንቴና ዲፒ ሂስቲ ሚዳ ኡባቲ ሄሳ ሜቴታና፤ ኢንቴ ሞርኬ ኡባቲካ ዲኤቲ ባና፤ ኢንቴና ቦንቂዳይቲ ቦንቄታና፤ ኢንቴና ቦጊዛይቲ ቦጌታና።

ኤርማሳ ቲንቢቴ 30:19

ኢስታፌ ጋላታ ዬይኔ ኢሊሊሳ ጬንጉርሲ ሲዬታና፤ ታኒ ኢስታ ዳርሳና፤ ኢስታ ቆዳይካ ፓጬና፤ ታኒ ኢስታ ቦንቼቲዳ ዴሬ ኦና፤ ኢስቲ ካቲዳይታ ጊዴቴና።

ኤርማሳ ቲንቢቴ 31:8

ቤኢቴ ታኒ ኢስታ ፑዴሃ ባጋፌ ኤሃና፤ ቢታ ጋጻፔካ ታኒ ሺሻና፤ ኢስታ ጊዶን ቆቄቲኔ ዎቤቲ፥ ኣቤይ ባይንዳ ማጫሳቲኔ ሚጻቲዛይቲ ዳና፤ ኬሂ ዳሪዲ ባንታ ዴሬ ሲማና።

ኤርማሳ ቲንቢቴ 33:9

ሄሳፌ ጉዬ ሃና ሃ ካታማያ ታ ኢዚስ ኦዳ ሎኦ ሚሽ ኡባ ሲዪዛ ካዎቴታ ኡባ ሲንን ሳባስ፥ ኡፋይሳስ፥ ጋላታሲኔ ቦንቾስ ጊዳና፤ ታ ኢዚስ ኢሚዛ ዳሮ ዱሬቴፌኔ ሳሮቴፌ ዴንዲዳይሳን ኣሳይ ኢዚስ ያሻን ኮኮራና» ጌስ።

ኤርማሳ ቲንቢቴ 46:28

ታ ኔናራ ዲዛ ጊሻስ ታ ኦሳንቻ ያቆቤ ባቦፋ። ታ ኔና ኢዛን ላሊዳ ካዎቴ ኡባ ሙሌራ ይሲኮካ ኔና ጊዲኮ ሙሌራ ይሲኬ። ታ ኔስ ቤሲዛ ቂጻቴ ቃጻያና ኣቲን ሜላ ኣጊኬ» ጌስ ጎዳይ።

ሂዚቄላ ቲንቢቴ 16:27

ሄሳ ጊሻስ ታኒ ታ ቄሴ ኔ ቦላ ዴንዳ ኔስ ኢሚዛ ጎኣታፔ ፓጪንቻዲስ፤ ኔ ኢታ ሃኖታፔ ዴንዲዳይሳን፥ ኔ ፖኮ ኦሶን ዬላቲዛ ኔ ሞርኬ ፊሊስጼሜ ማጫ ናይታ ኣሞስ ኣ ኢማዲስ።

ሂዚቄላ ቲንቢቴ 16:57

ሄሲ ኔ ናጋራይ ቆንጫናፔ ሲንን ሃኒዴስ፤ ሃኢ ጊዲኮ ኔ ዩሾን ዲሼ ኔና ካዛ ኤዶሜ ማጫ ናይታሲኔ ኢዚ ሾሮታ ኡባስ፥ ቃሴ ፊሊስጼሜ ማጫ ናይታስ ቂስ ኣታዳሳ።

ሂዚቄላ ቲንቢቴ 34:16

ታኒ ይዳይሳ ኮያና፤ ቶይላቲዳይሳካ ዛራና፤ ሜቂዳይሳ ኮላና፤ ዳቡርዳይሳካ ሚንና። ጊዶ ኣቲን ታኒ ሞዳይታኔ ሚኒዳይታ ይሳና፤ ዉዴዛ ዎጋራ ሄማና።

ሂዚቄላ ቲንቢቴ 39:13

ሄ ቢታ ኣሳይ ኡባይ ኢስታ ሞጋና፤ ታኒ ታ ቦንቾ ቤሲዛ ዎዴ ኢስታስ ቦንቾ ጊዳና፤ ታኒ ኡባ ሃሪዛ ጎዳይ ሃይሳ ዮታይስ።

ሂዚቄላ ቲንቢቴ 39:26

ኢስታ ባቢሲዛ ኦኒካ ባይንዳ ዲሺን ኢስቲ ባንታ ቢታን ሳሮን ዲዛ ዎዴ ባንታ ካዉሻቴኔ ካሴ ታስ ኣማኔቶንታ ኢስቲ ዴኢዳ ዎዴታ ዶጋና።

ሚኪያሳ ቲንቢቴ 7:10

ታ ሞርኬዛካ ሄሳ ቤያንዱስ፤ ኢዛ ዬላታና። ታና፥ «ጎዳ ኔ ጾሳይ ኣዋን ዲዜ?» ጊዳሪ ኩንዴ ታ ኣይፌቲ ቤያና፤ ኦጌ ኡርቃ ማላ ኢዛ ዬታና።

ሶፎናሳ ቲንቢቴ 3:15

ጎዳይ ኔ ቦላ ዪዛ ቂጻቴዛ ዲጊዴስ፤ ኔ ሞርኬታካ ኔፔ ዛሪዴስ። ጎዳይ ኢስራኤሌ ካዎይ ኔናራ ዴስ፤ ሃይሳፌ ጉዬ ኣይ ኢታሲካ ባባካ።

ዛካራሳ ቲንቢቴ 8:23

«ሄ ጋላሳታን ዱማ ዱማ ዴሬፔ ዱማ ዱማ ቃላን ሃሳይዛ ታሙ ኣሳቲ ኢሲ ኣይሁዳ ኣሳ ማይኦ ማጫራ ኦይኪዲ፥ ‹ኢንቴናራ ጾሲ ዲዛይሳ ኑ ሲዪዳ ጊሻስ ኑ ኢንቴናራ ኢሲፌ ባና› ጋና» ጊዴስ።

ዛሬ ማጻፋ 26:19

ኔኒ ሄሳ ኦኮ ኢዚ ሜዳ ኣሳ ኡባፌ ቦላራ ጋላታን፥ ሱንኒኔ ቦንቾን ጊታ ካዎቴ ኦና፤ ኢዚ ጌሊዳ ጫቆ ቃላ ማላ ኢዛስ ዱማ ዴሬ ኦናይሳ ኔስ ኤሪሲዴስ።

Ibirawe 12:13

ዎቤይ ፓጻና ማላ ኣቲን ካሴፔ ኣ ዎቦንታ ማላ ኢንቴ ቶሆስ ሎኦ ኦጌ ጊግሲቴ።

ዮሃኒሳ ኣጁታ 20:9

ኢስቲ ኩሜ ቢታ ቦላ ላሌቲዲ ጌሻቲ ዲዛሶዮ ዶሴቲዳ ካታማዮ ጊዶዳ ሺን ሳሎፔ ዎዳ ታማይ ኢስታ ዲፒ ሂስቲ ጹጊዴስ።

ዳናታ ማጻፋ 1:7

ሂስቲን ኣዶኒ-ቤዜቄይ፥ «ኩሼ ማን ቢራታኔ ቶሆ ማን ቢራታ ታኒ ቃንጻ ቃንጻ ዬጊዳ ላፑን ታሙ ካዎቲ ታ ማዳፌ ዎዳ ሱፓ ማጺ ሺሺዲ ሜቴስ። ካሴ ኢስታ ቦላ ታ ኦዳ ጌኔ ማላ ጾሲ ታ ቦላ ኦዴስ» ጊዴስ። ኢዛ ዬሩሳላሜ ኤሂን ሄን ሃይቂዴስ።