ሶፎናሳ ቲንቢቴ 3:14 - ጋሞ ማጻፋ

¹⁴ ሃኔ ጺዮኔ ናዬ ኣኔ ዬጻ! ኢስራኤሌ ኣሳዉ ኣኔ ኢሊሊቴ! ሃኔ ዬሩሳላሜ ናዬ! ኩሜ ዎዚናፔ ኡፋዬታ! ኡፋዬታሼ ሃሹ ጋ!

Geeshsha Maxaafa

¹⁴ Hanne Xiyoone nayee ane yexxa! Isra7eele asawu ane ililite! Hanne Yerusalaame nayee! Kumeththa wozinappe ufayetta! Ufayettashe hashshu ga!

ሶፎናሳ ቲንቢቴ 3:14 ပူးပေါင်းရင်းမြစ်များ

ናሂሚያ ማጻፋ 12:43

ሄ ጋላስ ኣሳይ ዳሮ ያርሾ ሺሺዴስ፤ ጾሳይ ኢዛ ኡፋይሲዳ ጊሻስ ዴሬዚ ኬሂ ኡፋዬቲዴስ፤ ማጫሳይኔ ናይቲካ ኢስታራ ኢሲፌ ኡፋዬቲዳ፤ ዬሩሳላሜን ሃኒዳ ኢሊሊሳ ቃላይ ሃሆን ሲዬቲዴስ።

ዬ ማጻፋ 14:7

ኢስራኤሌስ ኣቶቴ ጺዮኔፔ ዪዳኮ! ጎዳይ ኢስታ ዱሳ ዛሪዛ ዎዴ ያቆቤ ዜሬቲ ኡፋዬታና፤ ኢስራኤሌ ኣሳይ ኡፋይሳን ጋላታና።

ዬ ማጻፋ 149:2

ኢስራኤሌ ኣሳቲ ባና ሜዳይሳን ኡፋዬቴቶ፤ ጺዮኔ ኣሳቲ ባ ካዎዛን ኬሂፔ ኡፋዬቴቶ።

ዬ ማጻፋ 97:8

ኣቤት ጎዳዉ! ጺዮኔ ኣሳይ ኔ ጺሎ ፒርዳ ሲዪዲ ኡፋዬቴስ፤ ዩሁዳ ካታማቲካ፥ «ሃሹ» ጌቴስ።

ኢሳያሳ ቲንቢቴ 12:6

ኢንቴ ጊዶን ዲዛ ኢስራኤሌ ጌሻይ ጊታ ጊዲዳ ጊሻስ ጺዮኔ ኣሳዉ ኢሊሊ ጊቴ፤ ኡፋይሳንካ ዬጺቴ» ጋንዴታ።

ኢሳያሳ ቲንቢቴ 29:19

ኣሽኬቲ ጎዳን፥ ሂዬሳቲ ኢስራኤሌ ጌሻን ዛሪ ዛሪ ኡፋዬታና።

ኢሳያሳ ቲንቢቴ 35:2

ኢዚ ዳሮ ኡፋዬታናኔ ሚጫና፤ ሊባኖሴ ቦንቾይ ኢዛስ ኢሜታና፤ ቃርሜሎሴኔ ላሻሮኔ ቴማ ኢዚ ማይኣና፤ ኑ ጎዳ ቦንቾኔ ጾሳ ጊታቴ ኢስቲ ቤኣና።

ኢሳያሳ ቲንቢቴ 37:22

«ጎዳይ ሴናኪሬሜ ጊሻስ ዮቲዳ ቃላይ፥ «ጌላኦያ ጺዮኔ ናያ ኔና ካዱሲኔ ሌቃዱስ። ዬሩሳላሜ ናያ ኔ ባቃቲሺን ቤኣዳ ባ ቆ ቃዱስ።

ኢሳያሳ ቲንቢቴ 40:1

ኢንቴ ጾሳይ፥ «ሚንቴ! ታ ዴሬዛ ሚንቴ!

ኢሳያሳ ቲንቢቴ 40:9

ኔኖ ሚሺራቾ ጺዮኔስ ዮቲዛይሶ፥ ቃ ዙማ ቦላ ኬዛ፤ ኔኖ ሚሺራቾ ዬሩሳላሜስ ዮቲዛይሶ፥ ኔ ጬንጉርሳ ቁ ሂስታ ዋሳ፤ ቁ ሂስታ፥ ባቦፋ፤ ዩሁዳ ካታማታስ፥ «ሄኮ ኢንቴ ጾሳ» ጋዳ ዮታ።

ኢሳያሳ ቲንቢቴ 51:11

ጎዳይ ዎዚዳይቲ ሲማና፤ ዬጺሼካ ጺዮኔ ጌላና፤ ሜርና ኡፋይሳ ካላቻ ሁኤን ጎጻና፤ ኢስቲ ኢንጄኔ ኡፋይሳ ዱስ ዴማና፤ ጬጬይኔ ዬሆይ ኢስታፌ ባቃታና።

ኢሳያሳ ቲንቢቴ 52:9

ኢንቴኖ ዬሩሳላሜን ቆሌቲዳ ሶሆቶ! ኢንቴ ኢሲ ቦላ ኢሊሊሳን ዬጺቴ፤ ጎዳይ ባ ዴራ ሚንዴስ፤ ዬሩሳላሜ ካታማካ ዎዚዴስ።

ኢሳያሳ ቲንቢቴ 54:1

ጎዳይ፥ «ሃኔ ማይኔ ማጫሳዬ፥ ና ዬላ ኤሮንታሬ ዬጻ፤ ኢሊሊ ጋዳ ኡፋይሳን ዋሳ፤ ሃኔ ሚጻታ ኤሮንታሬ፥ ባ ኣዚናራ ዲዛሪ ናይታፔ ኣዚናይ ኣጊዳሪ ናይቲ ዳራና» ጌስ።

ኤርማሳ ቲንቢቴ 30:19

ኢስታፌ ጋላታ ዬይኔ ኢሊሊሳ ጬንጉርሲ ሲዬታና፤ ታኒ ኢስታ ዳርሳና፤ ኢስታ ቆዳይካ ፓጬና፤ ታኒ ኢስታ ቦንቼቲዳ ዴሬ ኦና፤ ኢስቲ ካቲዳይታ ጊዴቴና።

ኤርማሳ ቲንቢቴ 31:13

ሄ ዎዴ ጌላኦቲ ኡፋዬቲዲ ዬጻና፤ ዎዳላቲኔ ጪማቲ ጉፓና፤ ታ ኢስታ ዬሆዛ ኡፋይሳን ላማና፤ ታ ኢስታ ሙዞቴፌ ሚንና፤ ታ ኢስታስ ኡፋይስ ኢማና።

ኤርማሳ ቲንቢቴ 33:11

ኡፋይሳ ጬንጉርሲ፥ ሚሺራታ ጬንጉርሲ ሄሳካ ቡላቺዛይሳኔ ቡላቼቲዛሪ ቃላይ፥ « ‹ጎዳይ ኪያ፤ ኢዛ ማሮቴይካ ሜርናሳ፤ ጎዳ ኡባፌ ዎልቃማ ጾሳ ጋላቲቴ› ጊዛ ጋላታ ያርሾ ኤኪዲ ጾሳ ኬ ዪዛ ኣሳታ ጬንጉርሲ ሴቴታና፤ ሄ ቢታይፌ ዲኤቲዳ ሚሽ ካሴ ዲዛሶታ ዛራና» ጌስ።

ኢዩኤሌ ቲንቢቴ 2:23

ኢንቴኖ ጺዮኔ ዴሬቶ፥ ጎዳን ኢንቴ ጾሳን ኡፋይሲ ኦቴ፤ ኢዚ ቱሙ ፒርዲዲ ባሳ ኢራኔ ኦፊን ኢራ ዎጋራ ኢሚዴስ።

ሚኪያሳ ቲንቢቴ 4:8

ሃይሶ ኔናን ኡቲዲ ሜሄ ሄሚዛ ቃ ዙማዞ! ጺዮኔ ማጫ ናይታ ናጋና ጊጋ ኡቲዳ ዙማዞ! ቤኒ ኔ ሃሪዛ ዴሬይ ኔስ ሲማና፤ ኔ ካዎቴይ ዬሩሳላሜ ማጫ ናይስ ጊዳና።

Maatosa 21:9

ኢዛፔ ሲንራ ቢዛ ዴሬይኔ ጉዬራ ካሊዛ ዴሬይካ ባ ቃላ ቁ ሂስቲዲ፥ «ሆሳኢና! ዳዊቴ ናይ ጋላቴቶ! ጎዳ ሱንን ዪዳይ ኣንጄቲዳዴ! ጾሲ ጋላቴቶ!» ጊዳ።