ሶፎናሳ ቲንቢቴ 2:7 - ጋሞ ማጻፋ

⁷ ሄሲካ ዩሁዳፔ ጫሻ ኣቲዳይታስ ጊዳና፤ ኢስቲካ ሄን ባስ ኣቆታ ዴማና፤ ጋዴይ ቃሚሺን ኣስቄሎና ካታማን ዲዛ ኬታን ኣቃና፤ ጎዳይ ኢስታ ጾሳይ ኢስታ ናጋና፤ ኢስታፌ ዲኤቲዳይሳካ ኢስታስ ዛራና።»

Geeshsha Maxaafa

⁷ Hessika Yuhudappe casha attidaytas gidana; isttika heen baas aqota demmana; Gadey qammishin Asqeloona kataman diza keeththatan aqana; GODAY istta Xoossay istta naagana; isttafe di7ettidayssaka isttas zaarana.»

ሶፎናሳ ቲንቢቴ 2:7 ပူးပေါင်းရင်းမြစ်များ

ሜቴ ማጻፋ 50:24

ሄሳፌ ጉዬ ዮሴፌይ ባ ኢሻታ፥ «ታኒ ሃይቃና ጋይስ፤ ጊዶ ኣቲን ጾሲ ኢንቴና ማዳናስ ቱሙ ዎቻና፤ ኢዚ ኢንቴና ሃ ቢታፌ ኬሲዲ ኣብራሃሜስ፥ ዪሳቃሲኔ ያቆቤስ ኢማና ጊዲ ጫቂዳ ቢታ ዛሪ ኤፋና» ጊዴስ።

ዬ ማጻፋ 80:14

ኣቤት ኡባፌ ዎልቃማ ጾሳዉ! ኔኒ ኑኮ ሲማ፤ ሳሎራ ዱጌ ጼላዳ ኑና ቤኣ፤ ሃኖ ዎይኔ ሚዮ ናጋ።

ዬ ማጻፋ 85:1

ኣቤት ጎዳዉ! ኔኒ ኔ ቢታስ ኪያቴ ቤሳዳሳ፤ ያቆቤ ዲኤቲዳሶፔ ዛራዳሳ።

ኬሳ ማጻፋ 4:31

ኢስቲካ ኣማኒዳ። ጎዳይ ኢስታኮ ዪዳይሳኔ ኢስታ ዋዬ ቤኢዳይሳ ሲዪዳ ማላ ቢታ ቦላ ጉፋኒ ጎይኒዳ።

ኢሳያሳ ቲንቢቴ 11:11

ሄ ዎዴ ጎዳይ ናምኣን ባ ኩሼ ሚጪዲ ኣቲዳ ኣሳ ኣሶሬፔ፥ ፑዴሃ ጊብጼፔ፥ ዱጌሃ ጊብጼፔ፥ ቶጵያፔ፥ ኤላሜፔ፥ ሳናኦሬፔ፥ ሃማቴፔኔ ኣባ ጋጻን ዲዛ ዴሬታፔ ሺሻና።

ኢሳያሳ ቲንቢቴ 11:14

ኢስቲ ኣርሼይ ዉሊዛ ባጋራ ፊሊስጼሜታ ዱጉን ዎና፤ ናምኣይካ ኢሲፌ ጊዲዲ ኣርሼይ ሞኪዛ ዴሬዛ ቦንቃና፤ ኢስቲ ኤዶሜ ቦላኔ ሞኣቤ ቦላ ባንታ ኩሼ ዴንና፤ ኣሞኔ ኣሳይ ኢስታስ ሃሬታና።

ኢሳያሳ ቲንቢቴ 11:16

ካሴ ኢስራኤሌይ ጊብጼፔ ኬዚሺን ሃኒዳይሳ ኣሶሬን ኣቲዳ ኣሳይ ኬዛና ኦጌ ኢስታስ ጊጊሳና።

ኢሳያሳ ቲንቢቴ 14:1

ጎዳይ ያቆቤስ ናምኣን ቃታና፤ ኢስራኤሌካ ዛሬዲ ዶራና። ኢስታ ኢስታ ቢታን ዎና፤ ኢማቲ ዪዲ ያቆቤሶ ኣሳራ ዋላኬታና።

ኢሳያሳ ቲንቢቴ 32:14

ሚጻቲ ካይዛና፤ ዳሮ ሺሮቲዛ ካታማያ ዲሚ ጋና፤ ሚጻቲኔ ቃቶቲ ሜርናስ ጎንጎሎ፥ ሃርዲዳቲ ጉፒዛሶሆኔ ዉዴይ ሄሜቲዛሶ ጊዳና።

ኤርማሳ ቲንቢቴ 23:3

ሄሳፌ ጉዬ ታ ዉዴፔ ኣቲዳይታ ካሴ ታ ጎዳ ዬዲዳ ዴሬ ኡባፌ ታኒ ታርካ ሺሻዳ ካሴ ታ ሄሚዛሶሆ ዛራ ኤሃና፤ ኢስቲካ ሄሳን ዬሌቲዲ ጮራታና።

ኤርማሳ ቲንቢቴ 29:10

«ጎዳይ፥ ‹ኢንቴ ባቢሎኔን ዳና ላፑን ታሙ ላይ ፖሌቲዳፔ ጉዬ ታ ኢንቴና ሞካ ጼላና፤ ታኒ ኢንቴና ሃ ቢታ ዛራ ኤሃና ጊዳ ሎኦ ቃላዮካ ኢንቴስ ፖላና።

ኤርማሳ ቲንቢቴ 29:14

ታኒካ ኢንቴስ ቤታና። ታ ኢንቴ ዲኤቲ ቢዳ ቢታፌ ዛራና፤ ታኒ ኢንቴና ላላ ዬዲዳ ካዎቴፌኔ ሶሆ ኡባፌ ሺሻና፤ ሂስታዳ ታኒ ኢንቴና ዲኦስ ዬዳናፔ ካሴ ኢንቴ ዴኢዳ ሶሆ ጉዬ ዛራዳ ኤሃና› ጌስ።

ኤርማሳ ቲንቢቴ 3:18

ሄ ጋላሳታን ዩሁዳ ኣሳቲ ኢስራኤሌ ኣሳታራ ጋይቲዲ ፑዴሃ ባጋ ቢታፌ ታኒ ካሴ ኢንቴ ኣዋታስ ጺንጾ ሂስታ ኢሚዳ ቢታ ኢሲፌ ያና» ጌስ።

ኤርማሳ ቲንቢቴ 30:3

ታኒ ታ ዴሬ ኢስራኤሌኔ ዩሁዳ ካሴ ኢስታ ኣዋታስ ታ ኢሚዳ ቢታ ኢስታስ ዛራ ኤሃና ዎዴይ ጋኪዴስ፤ ኢስቲካ ላታና» ጌስ።

ኤርማሳ ቲንቢቴ 31:7

ጎዳይ፥ «ያቆቤ ዴራስ ኡፋይሳን ዬጺቴ፤ ካዎቴታ ሃላቃስ ኢሊሊ ጊቴ፤ ኢንቴ ጋላታካ ሲሲቴ፤ ‹ጎዳዉ ኢስራኤሌፔ ጫሻ ኣቲዳ ኔ ዴራ ኣሻ› ጊቴ።

ኤርማሳ ቲንቢቴ 32:44

ታኒ ኢስታፌ ዲኤቲዳ ሚሽ ዛሪዛ ጊሻስ ቢኒያሜ ዴሬን፥ ዬሩሳላሜ ዩሾን ዲዛ ጉታታን፥ ዩሁዳ ካታማታኒኔ ጌዜ ቢታን ዲዛ ካታማታን፥ ኣርሼይ ዉሊዛ ባጋን ዲዛ ዙማታስ ዱጌ ባጋኒኔ ኔጌቤን ዲዛ ቢታይ ሳቂሌ ቢራን ሻሜታና፤ ዉሌዚ ፓራሜቲዲ ማርካታ ሲንን ጎርዴታና» ጌስ።

ኤርማሳ ቲንቢቴ 33:12

ጎዳይ ኡባፌ ዎልቃማ ጾሳይ፥ «ኣስ ጊዲን ዎይኮ ሜዶሳቲ ባይንዳ ቡላ ሶሆን ካታማታ ኡባን ሄንንቻቲ ባንታ ዉዴታ ሄሚዛሶሆ ዴማና።

ኤርማሳ ቲንቢቴ 33:7

ታኒ ዩሁዳ ኣሳኔ ኢስራኤሌ ኣሳ ዲኤቲ ኢስቲ ቢዳሶፔ ዛራና፤ ኢስቲ ካሴ ዲዛ ማላ ታ ኢስታ ሎኤ ዎና።

ኤርማሳ ቲንቢቴ 47:5

ጋዛይ ካዮስ ባ ቢናና ሜዴታና፤ ኣስቄሎናይ ባ ዶና ቦላ ኩሼ ዎና፤ ኢንቴኖ ዴምባ ቦላ ጫሻ ኣቲዳይቶ! ኢንቴ ኣይዴ ጋካናስ ኢንቴ ቦላ ቃጪሼ ዳኔ?

ሂዚቄላ ቲንቢቴ 39:25

«ሄሳ ጊሻስ ኡባ ሃሪዛ ጎዳይ፥ ‹ሃኢ ያቆቤይ ጎዴቲዳሶፔ ታኒ ኢዛ ዛራዳ ኢሻልሳና፤ ኢስራኤሌ ኣሳ ኡባስ ታ ቃታና፤ ታ ጌሻ ሱን ጊሻስ ታኒ ሚሼታና።

ሆሴኤ ቲንቢቴ 6:11

«ኢንቴኖ ዩሁዳ ኣሳቶ! ታ ኢንቴና ቃጻያና ጋላስ ባራ ዎዲስ።

ኣብዲዩ ቲንቢቴ 1:19

«ዩሁዳ ዴሬፔ ዱጌሃ ባጋራ ዲዛ ኔጌቤ ኣሳይ ኤዶሜ ቢታ ላታና፤ ኣርሼይ ዉሊዛ ባጋራ ጋን ዲዛ ኣሳቲ ፊሊስጼሜ፥ ኤፍሬሜኔ ሳማሪያ ቢታ ላታና፤ ቃሴ ቢኒያሜ ዜሬቲ ጋላኣዴ ቢታ ላታና።

ሚኪያሳ ቲንቢቴ 2:12

«ያቆቤ! ቱማፔ ታ ኢንቴና ኢሲሶ ሺሻና፤ ኢስራኤሌታፔ ኣቲዳይታ ታ ኢሲ ቦላ ኤሃና፤ ዪሬ ጊዶን ዲዛ ሜሄ ማላኔ ዴምባን ሄሜቲዛ ሜሄ ማላ ታኒ ኢንቴና ኢሲ ቦላ ሺሻና፤ ኢንቴ ዴሬይ ዉሪ ኣስ ጻላ ጊዳና።

ሚኪያሳ ቲንቢቴ 4:10

ሃኔ ጺዮኔ ማጫ ናዬ! ሚጻቲዛ ማጫሳይ ማላ ኔ ሜቶታና፤ ሃኢ ቃሴ ኔ ካታማፔ ጌዴ ኬዛዳ ጮ ዴምባን ዴኣና ቤሲዛ ጊሻስ ባቢሎኔ ባና፤ ኔ ሄ ባዳ ሄን ኔ ሞርኬታ ኩሼፔ ኣታና፤ ጎዳይ ኔና ሄን ኔ ሞርኬታፔ ኣሻና።

ሚኪያሳ ቲንቢቴ 4:7

ጉንዳታፔ ኣቲዳይታኔ ቆሄቲዳይታ ታ ኢስታ ሚኖ ዴሬ ኬሳና፤ ሄ ጋላሳይፌ ዶሚዲ ሜርና ጋካናስ ጎዳይ ጺዮኔ ዙማን ኢስታ ቦላ ካዎታና።

ሶፎናሳ ቲንቢቴ 2:9

ሄሳ ጊሻስ ጎዳይ ኡባፌ ዎልቃማ ኢስራኤሌ ጾሳይ፥ «ታኒ ታ ዴኦ ጾሳቴን ጫቃይስ፤ ሞኣቤይ ሶዶሜ ማላ ኣሞኔይ ጋሞራ ማላ፥ ሻራፋይ ማይኢዳሶ ማላኔ ማጺኔ ቦኪ ኤኪዳ ኦላ ማላ ሜርናስ ቡላ ጊዳና። ታ ኣሳፔ ጫሻ ኣቲዳይቲ ኢስታ ሃሮ ቦንቃናኔ ኢስታ ቢታ ላታና» ጌስ።

ሶፎናሳ ቲንቢቴ 3:13

ኢስራኤሌፔ ጫሻ ኣቲዳይቲ ናጋራ ኦሴቴና። ዎርዶ ሃሳዬቴና፤ ኢስታ ዶናንካ ጌኔ ሃሳያይ ዴና። ሄሳ ጊሻስ ኢስቲ ሚዲ ሳሮን ዴኣና፤ ኢስታ ባቢሳና ሚሺካ ዴና።

ሶፎናሳ ቲንቢቴ 3:20

ሄ ዎዴ ታ ኢንቴና ሺሻና፤ ኢንቴ ዴሬ ታ ኢንቴና ዛራና። ኢንቴ ኢንቴ ኣይፌራ ቤዪሺን፥ ኢንቴፌ ዲኤቲዳ ሚሻ ታ ኢንቴስ ዛሪዛ ዎዴ ቢታ ቦላ ዲዛ ዴሬ ኡባ ሲንን ታ ኢንቴስ ሳባኔ ቦንቾ ኢማና» ጌስ።

ሃጌ ቲንቢቴ 1:12

ሄሳፌ ጉዬ ሳላቲያሌ ና ዜሩባቤሌይ ቄሴታ ሃላቃ ኢዮሳዶቄ ና ኢያሶይኔ ዲኤቴፌ ሼምፖራ ፓጻ ሲሚዳ ኣሳይ ጎዳ ባንታ ጾሳ ቃላኔ ናቤ ሃጌ ባጋራ ጾሲ ኪቲዳ ቃላስ ኣዛዜቲዳ። ኣሳይካ ጎዳስ ያዪዴስ።

ሃጌ ቲንቢቴ 2:2

ጎዳይ ኡባፌ ዎልቃማ ጾሳይ ሃጌስ፥ «ዩሁዳ ኣይሲዛ ሳላቲያሌ ና ዜሩባቤሌስ፥ ቄሴታ ሃላቃ ኢዮሳዶቄ ና ኢያሶሲኔ ዲኦፔ ሼምፖራ ፓጻ ኣቲ ሲሚዳ ኣሳስ፥

ሉቃሳ ሚሺራቾ 1:68

«ዪዲ ባ ኣሳ ኣሺዳ ጊሻስ ኢስራኤሌ ጾሲ ጋላቴቶ።

ሉቃሳ ሚሺራቾ 7:16

ኣሳይ ዉሪካ ኬሂ ባቢዲ ጾሳ ጋላቲሼ፥ «ጊታ ናቤይ ኑ ጊዶፌ ዴንዲዴስ፤ ጾሲካ ሃይሳ ዴሬዛ ዪዲ ቤዪዴስ» ጊዴስ።

ሃዋሬታ ኦሶ 8:26

ጎዳ ኪታንቻይ ፒሊጶሳ «ዴንዳ! ዬሩሳላሜፔ ዱጌ ባጋራ ጌዴ ጋዛ ኤፊዛ ባዞ ኦጌራ ባ» ጊዴስ።

ሃዋሬታ ኦሶ 8:40

ሄሳፌ ጉዬ ፒሊጶሲ ኣዛጾኔ ጌቴቲዛሶን ቤቲዴስ፤ ቂሳሪያ ጌቴቲዛሶ ጋካናስ ኢዚ ቢዛ ኦጌ ቦላ ካታማ ኡባን ሚሺራቾ ቃላ ሳባኪዴስ።

ኦሮሜ ኣሳስ 11:5

ሄሳ ማላካ ሃኢ ሃ ዎዴዛንካ ጾሳ ኪያቴን ኢስራኤሌ ኣሳፔ ዶሬቲ ኣቲዳ ጉቲ ዴቴስ።

ኡሩቲ ማጻፋ 1:6

ኢዛ ሞኣቤን ዲሺን ጎዳይ ባ ኣሳ ሞኪ ጼሊዲ ኢስታስ ካ ኢሚዳይሳ ሲያዳ ናይታ ማቼታ ናምኣታ ባናራ ኤካዳ ባ ዴሬ ሲማ ባና ኬዛዱስ።