ሶፎናሳ ቲንቢቴ 1:17 - ጋሞ ማጻፋ

¹⁷ ኣሳይ ቆቄ ሄሜታና ማላ ኣሳ ቦላ ታኒ ጬጬ ዬዳና፤ ኣሳይ ጎዳ ቦላ ናጋራ ኦዳ ጊሻስ ኢስታ ሱ ዲኦ ማላ ጉካና፤ ኢስታ ኣሃይካ ቡራ ማላ ኦሌታና።

Geeshsha Maxaafa

¹⁷ Asay qooqeththo hemettana mala asaa bolla tani ceece yeddana; asay GODAA bolla nagara ooththida gishshas istta suuththi di7o mala gukkana; istta ahaykka buura mala olettana.

ሶፎናሳ ቲንቢቴ 1:17 ပူးပေါင်းရင်းမြစ်များ

ዬ ማጻፋ 83:10

ኢስቲ ኤን-ዶሬ ጌቴቲዛሶን ይዳ፤ ኢስታ ኣሃይ ሞጌቶንታ ቢታ ቦላ ዎቂዴስ።

ኢሳያሳ ቲንቢቴ 29:10

ጎዳይ ኢንቴ ቦላ ዎልቃማ ስኮ ዬጊዴስ፤ ኢንቴ ናቤታ ኣይፌ ጎዚዴስ፤ ኣጁታ ቤኢዛይታ ሁኤ ጉሉንቲሲዴስ።

ኢሳያሳ ቲንቢቴ 50:1

ጎዳይ፥ «ታኒ ኢንቴ ኣዮ ኣንጃ ዬዲዳ ዋራቃታይ ኣዋን ዲዜ? ዎይኮ ታ ኢንቴና ኣይ ታልኣ ኤኪዳዴስ ባይዛዲና? ቤኢቴ ኢንቴ ኢንቴ ናጋራ ጊሻስ ባይዜቲዴታ፤ ኢንቴ ሞሮ ጊሻስ ኢንቴ ኣያ ኣንጄታ ባዱስ።

ኤርማሳ ቲንቢቴ 10:18

ጋሶይካ ጎዳይ፥ «ታኒ ሃ ሳኣ ቦላ ዲዛ ኣሳ ሃኢ ጌዴ ካሬ ኬሳዳ ጎዳና። ኢስታስ ኤሬታና ማላ ታ ኢስታ ቦላ ሜቶ ኤሃና» ጌስ።

ኤርማሳ ቲንቢቴ 15:3

«ጎዳይ፥ ‹ታኒ ኦይዱ ቆሞ ባሽ ኢስታ ቦላ ኤሃና፤ ሄይቲካ ኢስታ ዎናስ ማሻ፥ ኢስታ ኣሃ ጎቻናስ ካናታ፥ ኢስታ ኣሾዛ ሚዲ ይሳናስ ሳሎ ካፎታኔ ሳኣ ዶኣታ።

ኤርማሳ ቲንቢቴ 18:21

ሄሳ ጊሻስ ኢስታ ናይታ ኮሻሲኔ ማሻስ ኣ ኢማ፤ ኢስታ ማጫሳቲ ማይኔኔ ኣምኤታ ጊዴቶ፤ ኢስታ ኣቱማሳቲካ ፓራ ሃይቆን ዉሬቶ፤ ኢስታ ናቴ ናይቲ ኦላሶን ማሻስ ጊዴቶ

ኤርማሳ ቲንቢቴ 2:17

ኦጌ ኔና ካሌዛይሳ ጎዳ ኔ ጾሳ ኣጋዳ ሃይሳ ኔ ቦላ ኤሂዳይ ኔና ጊዲኪ?

ኤርማሳ ቲንቢቴ 2:19

ኔ ኢታቴ ኔ ቦላ ቂጻቴ ጋና፤ ኔ ታና ካዶይሲ ኔ ቦላ ሃንቆ ኤሃና። ጎዳ ኔ ጾሳ ኔ ኣጊሺን፥ ታስ ያሻቴ ኔ ዉዱ ጎንታ ኢጺሺን ኣይ ማላ ኢታይኔ ጫሞ ሚሺ ኔ ቦላ ጋካናኮ ቆፓ፤ ኣኔ ኣኬካ» ጌስ።

ኤርማሳ ቲንቢቴ 3:25

ኑኒ ዬላጋቴፌ ዶሚዲ ሃች ጋካናስ፥ ኑኒካ ኑ ኣዋቲካ ጎዳ ኑ ጾሳ ቦላ ናጋራ ኦዶስ፤ ጎዳስ ኑ ጾሳስ ኣዛዜቲቤኮ፤ ሄሳ ጊሻስ ኣኔ ኑኒ ዬላቴ ጉሉንቲዲ ኢቾስ፤ ቃሴ ካዉሻቴ ኑና ኣፋላ ማላ ካሞ» ጌቴስ።

ኤርማሳ ቲንቢቴ 4:18

ኔ ሃኖይኔ ኔ ኦሶይ ሄሳ ኔ ቦላ ኤሂዴስ፤ ሄሲ ኔስ ቂጻቴ፤ ሄሲካ ኣይ ማላ ጫሚዛዜ! ኣይ ማላ ዎዚና ሜንዛዜ!» ጌስ ጎዳይ።

ኤርማሳ ቲንቢቴ 8:2

ሂስቲዲ ኢስቲ ሲቂዳ፥ ኪቴቲዳ፥ ካሊዳ፥ ዞሬ ኦይቺዳኔ ጎይኒዳ ኣርሼ ሲንን፥ ኣጊና ሲንኒኔ ሳሎ ጾሊንቴታ ኡባ ሲንን ሚጬታና። ኢስታ ሜቄይ ሺቄና ዎይኮ ሞጌቴና፤ ጊዶ ኣቲን ቢታ ቦላ ኦሌቲዳ ቡራ ማላ ጊዳና።

ኤርማሳ ዚላስ 1:14

«ታ ናጋራ ሺሺ ቃቺዲ ታ ሞርጌን ዎዴስ፤ ታ ዎልቃካ ዉርሲዴስ፤ ታኒ ኤቄታናስ ዳንዳዮንታ ሞርኬታስ ጎዳይ ታና ኣ ኢሚዴስ።

ኤርማሳ ዚላስ 1:18

«ጾሲ ጺሎ፤ ታኒ ጊዲኮ ኢዛ ኣዛዞ ቦላ ማካላዲስ፤ ኢንቴ ዉሪካ ሲዪቴ፤ ታ ሜቶዛካ ጼሊቴ፤ ማጫ ናይቲኔ ናቴ ኣቱማ ናይቲ ታፔ ዲኤቲ ቢዳ።

ኤርማሳ ዚላስ 1:8

ዬሩሳላሜይ ዳሮ ዴጾ ናጋራ ኦዱስ፤ ካስካ ኣታዱስ፤ ኢዛ ካሎ ዲሺን ቤኢዳ ጊሻስ ካሴ ኢዞ ቦንቺዳይቲ ኡባይ ኢዞ ካዳ፤ ኢዛካ ባ ባጋራ ዬላታዳ ቢታ ጼላሼ ጉዬ ሲማዱስ።

ኤርማሳ ዚላስ 2:21

ዬላጋቲኔ ጪማቲ ሃይቂዲ ኦጌን ኩንዲ ኣቲዳ፤ ዬላጋ ማጫሳቲኔ ኣቱማቲ ማሻን ሃይቂዳ፤ ኔ ሃንቄቲዳ ጋላስ ኢስታ ዎዳሳ፤ ቃታይ ባይንዳካ ሹካዳሳ።

ሂዚቄላ ቲንቢቴ 16:38

ታኒ ላይማቲዛ ማጫሳታ ቦላኔ ሼምፖ ዎዛ ማጫሳታ ቦላ ፒርዲዛ ማላ ኔ ቦላ ፒርዳና፤ ታ ሃንቆኒኔ ሚሾናን ሼምፖ ዎናሼ ጋካናስ ታ ሃሎ ኬሳና።

ሂዚቄላ ቲንቢቴ 24:7

ኢዚ ጊዶን ኣሳ ሱ ዴስ፤ ዛላ ቦላ ቆንጬሶን ጉሳዱስ ኣቲን ቢታይ ካማናስ ዳንዳይዛ ጋዴን ጉሳቤኩ።

ሂዚቄላ ቲንቢቴ 24:8

ታ ሃንቆይ ኤጻና ማላኔ ሃሎ ኬሳናስ ታስ ኢንጄታና ማላ፥ ኢዚ ካማናስ ዳንዳዮንታ ማላ፥ ኢዚ ሱ ዛላ ቦላ ቆንጬሶን ጉሳዲስ› ጌስ።

ኣሞጼ ቲንቢቴ 4:10

«ታ ካሴ ጊብጼ ቢታ ቦላ ዬዲዳ ኢታ ሃርጌዛ ማላ ሃርጌ ኢንቴ ቦላ ዬዳዲስ፤ ኢንቴ ናቴ ናይታ ማሻን ሃይቃና ማላ ኦዲስ፤ ኢንቴ ፓራታካ ዲኤታና ማላ ታ ኦዲስ፤ ኢንቴ ዲዛሶን ሃይቂዳ ኣሳ ኣሃ ጺንቆይ ኢንቴ ሲ ቱጪዴስ፤ ኢንቴ ጊዲኮ ሃ ታኮ ሲሚቤኬታ።

ሚኪያሳ ቲንቢቴ 7:13

ኢስታ ኦሶ ጌዶኔ ኢዚን ዲዛ ኣሳ ጋሶን ቢታያ ኣይኮይ ባይንዳዝ ጊዳና።

Maatosa 15:14

ኢስታ ኣጋጊቴ፤ ኢስቲ ቆቄቲ ካሌዛ ቆቄታ ጊዲዳ ጊሻስ፥ ቆቄቲ ቆቄ ካሌኮ ናምኣይ ኢሶይ ኢሳራ ኦይኬቲዲ ኣፎን ዉላና» ጊዴስ።

ኦሮሜ ኣሳስ 11:25

ታ ኢሻቶ! ኢንቴ ጪንጫ ኣስ ጊዲዳይሳ ኢንቴስ ሚሳቶንታ ማላ ሃይሳ ጊዶ ጹራ ዮኦዛ ኢንቴ ኤሮንታ ኣታና ማላ ታ ኮይኬ። ሄሲካ ኣይዛቤታፔ ጼይጌቲዳይቲ ዉሪ ኣማናና ጋካናስ ኢስራኤሌ ናይታ ዎዚናይ ሙሚዴስ።

ኦሮሜ ኣሳስ 11:7

ሂስቲን ኣይ ጋኔ? ኢስራኤሌ ናይቲ ሎኤ ኮዪዳይሳ ዴሚቤቴና፤ ጾሳን ዶሬቲዳይቲ ጊዲኮ ዴሚዳ፤ ሃንኮ ኣቲዳይታ ዎዚናይ ሙሚዴስ።

2ቆሮንቶሴ ኣሳስ 4:4

ጾሳ ሌሚሶ ጊዲዳ ኪርስቶሳ ቦንቾ ሚሺራቾ ቃላ ፖኦዛ ሃ ኣላሜ ኣሳይ ቤኦንታ ማላ ሃይሳ ሃ ኣላሜዛ ጾሲ ኣማኖንታ ኣሳ ዎዚና ሙሚሲዴስ።

2ጴጽሮሳ ኪታ 1:9

ሃይቲ ሃ ሚሻቲ ባይንዳ ኣሲ ጊዲኮ ሃሆን ዲዛ ሚሽ ዴሞንታ ቆቄ ኣሳ ማላ፤ ሄሳዴይ ካሴ ኣዳ ባ ናጋራፔ ጌዪዳይሳካ ባሌቲዴስ።

1ዮሃኒሳ ኪታ 2:11

ጊዶ ኣቲን ባ ኢሻ ኢጺዛዴይ ጊዲኮ ማ ጊዶን ዴስ፤ ማን ሲሜሬቴስ፤ ማይ ኢዛ ቆቂሲዳ ጊሻስ ኢዚ ኣዋ ቢዛኮኔ ባ ቢዛሶ ኤሬና።

ዮሃኒሳ ኣጁታ 3:17

‹ታኒ ዱሬኮ፤ ታስ ዳሮ ሃሮይ ዴስ፤ ታስ ኣይኮይካ ፓጪቤና› ጋሳ ሺን ኔኒ ጊልቃ፤ ኣይኮይ ባይንዳ ሂዬሳ፤ ማንቆ፤ ቆቄኔ ካሎ ዲዛዴ ጊዲዳይሳ ኔ ኤራቤካ።