ዛካራሳ ቲንቢቴ 9:9 - ጋሞ ማጻፋ

⁹ ሃኔ ጺዮኔ ናዬ ኬሃ ኡፋዬታ። ሃኔ ዬሩሳላሜ ናዬ ኡፋይሳን ኢሊላ፤ ጺሎኔ ኣሺዛ ኔ ካዎይ ኣሽኬ ጊዲዲ ሃሬዮኔ ሃሬይ ጉቴ ቶጊዲ ኔኮ ዬስ።

Geeshsha Maxaafa

⁹ Hanne Xiyoone nayee keeha ufayetta. Hanne Yerusalaame nayee ufayssan ilila; xillonne ashshiza ne kawoy ashke gididi hareyonne harey gutte toggidi neekko yees.

ዛካራሳ ቲንቢቴ 9:9 ပူးပေါင်းရင်းမြစ်များ

1ካዎታ ማጻፋ 1:38

ሄሳ ጊሻስ ቄሴ ሳዶቄይ፥ ናቤ ናታኔይ፥ ዮዳሄ ና ባናያይ፥ ኬሊቴቲኔ ፔሊቴቲ ሶሎሞኔ ካዎ ዳዊቴ ባቁሎ ቶጊሲዲ ዱጌ ጊዮኔ ኣዣቢ ኤፊዳ።

ዬ ማጻፋ 149:2

ኢስራኤሌ ኣሳቲ ባና ሜዳይሳን ኡፋዬቴቶ፤ ጺዮኔ ኣሳቲ ባ ካዎዛን ኬሂፔ ኡፋዬቴቶ።

ዬ ማጻፋ 2:6

ጎዳይ፥ «ታኒ ታ ጌሻ ዙማ ጺዮኔ ቦላ ታ ካዎዛ ካዎዲስ» ጌስ።

ዬ ማጻፋ 45:1

ታ ዎዚናፔ ሎኦ ቆፋይ ፑልቴስ፤ ታ ጊግሲዳ ጊንጾዛ ካዎዛ ሲሳና፤ ታ ኢንጻርሳይካ ኤራንቻ ጻፌ ቢኢሬ ማላ።

ኢሳያሳ ቲንቢቴ 12:6

ኢንቴ ጊዶን ዲዛ ኢስራኤሌ ጌሻይ ጊታ ጊዲዳ ጊሻስ ጺዮኔ ኣሳዉ ኢሊሊ ጊቴ፤ ኡፋይሳንካ ዬጺቴ» ጋንዴታ።

ኢሳያሳ ቲንቢቴ 30:6

ኔጌቤን ዲዛ ሜዶሳታ ጊሻስ ጎዳይ ዮቲዳ ቃላይ ዎዳላ ጋሞቲኔ ማጫ ጋሞቲ ዲዛሶን፥ ማርዜራ ዲዛ ሾሻቲኔ ጾንጌቲዛ ሾሻቲ ዲዛሶን፥ ሜቶይኔ ጬጬይ ኩሚዳ ቢታራ ኣ ቢዲ፥ ኢስቲ ጎኦንታ ዴሬታኮ፥

ኢሳያሳ ቲንቢቴ 33:22

ጎዳይ ኑስ ፒርዲዛ ዳና፤ ጎዳይ ኑስ ዎጋ ኢሚዛዴ፤ ጎዳይ ኑስ ካዎ፤ ኑና ኣሻናይካ ኢዛ።

ኢሳያሳ ቲንቢቴ 40:9

ኔኖ ሚሺራቾ ጺዮኔስ ዮቲዛይሶ፥ ቃ ዙማ ቦላ ኬዛ፤ ኔኖ ሚሺራቾ ዬሩሳላሜስ ዮቲዛይሶ፥ ኔ ጬንጉርሳ ቁ ሂስታ ዋሳ፤ ቁ ሂስታ፥ ባቦፋ፤ ዩሁዳ ካታማታስ፥ «ሄኮ ኢንቴ ጾሳ» ጋዳ ዮታ።

ኢሳያሳ ቲንቢቴ 43:11

ታና፤ ታኒ ጎዳ፤ ታፔ ኣቲን ሃራ ኣሺዛይ ዴና።

ኢሳያሳ ቲንቢቴ 43:3

ጋሶይካ ታኒ ጎዳ ኔ ጾሳይ፥ ኢስራኤሌ ጌሻይ ኔስ ሌ፤ ታ ኔ ጊሻስ ጊብጼ ዎዞ ኢማና፤ ቶጵያኔ ሴባ ኔ ጊሻስ ኣ ኢማና።

ኢሳያሳ ቲንቢቴ 45:21

ኣኔ ኢንቴ ሞቶ ዮቲቴ፤ ሺሺቴ፤ ኢስቲ ኣኔ ኢሲፌ ሺቂዲ ዞሬቴቶ። ሃይሳ ኮይሮቲዲ ኣዋጂዳይ ኦኔ? ቤኒ ዮቲዳይ ኦኔ? ታና ጎዳ ጊዲኪና? ጺሎይኔ ኣሺዛ ጾሲ ታፔ ኣቲን ሃራይ ዴና።

ኢሳያሳ ቲንቢቴ 52:7

ዙማ ቦላ ኤቂዳ ቶሆቲ፥ ሚሺራቾ ኤኪ ዪዛ ቶሆቲ፥ ሳሮቴ ዮቲዛይቲ፥ ሎኦ ሚሺራቾ ዮቲዛይቲ፥ ኣቶቴ ኣዋጂዛይቲ፥ ጺዮኖካ፥ «ኔ ጾሳይ ካዎቲዴስ» ጊዛ ቶሆቲ ኣይ ማላ ሎኦ!

ኢሳያሳ ቲንቢቴ 57:15

ቁ ጊዳይሲ፥ ኡባ ሃሪዛይሲ፥ ኢዛስ ሱንይካ ጌሽ ጌቴቲዳይሲ፥ ሜርናስ ዴኢዛይሲ፥ «ካዉዪዳይታ ኣያና ዴንናስ፥ ዎዚናይ ሜቂዳይታ ሚንናስ፥ ቁ ጊዳ ጌሻሶሆን ታ ዴኣይስ፤ ቃሴካ ዎዚናይ ሜቂዳይታራኔ ኣያናን ኣሽኬ ጊዲዳይታራ ታኒ ዴኣና።

ኢሳያሳ ቲንቢቴ 62:11

ቤኢቴ፥ ጎዳይ ሳኣ ጋጻ ጋካናስ፥ «ጺዮኔ ማጫ ናይስ፥ ‹ሄኮ ኔና ኣሺዛዴይ ዬስ፤ ኔ ዋጋይ ኢዛ ኩሼን ዴስ፤ ኔ ቃዳይ ኢዛኮን ዴስ› ጊቴ» ጊዲ ኣዋጂዴስ።

ኤርማሳ ቲንቢቴ 30:9

ጊዶ ኣቲን ጎዳስ ባንታ ጾሳሲኔ ታኒ ኢስታስ ካዎዳ ካዎ ዳዊቴ ዛሬስ ኢስቲ ሃሬታና» ጌስ።

ሂዚቄላ ቲንቢቴ 21:32

ኔኒ ኤሶ ሚ ጊዳና፤ ኔ ዴሬን ኔ ሱ ጉካና፤ ሃይሳፌ ጉዬ ኔና ቆፍሲዛ ሚሺ ዴና፤ ታኒ ጎዳይ ሃይሳ ዮታዲስ› ጌስ» ጊዴስ።

ሆሴኤ ቲንቢቴ 1:7

ዩሁዳ ኣሳስ ጊዲኮ ታኒ ታ ሲቆ ቤሳና። ታኒ ጎዳይ ኢስታ ጾሳይ ኣሻና፤ ታ ኢስታ ኣሻናይሲ ኦላ ዎልቃን ጊዴና፤ ማሻን፥ ቶራን ዎይኮ ፓራኒኔ ፓራን ኦሊዛይታን ጊዴና» ጊዴስ።

ሚኪያሳ ቲንቢቴ 4:8

ሃይሶ ኔናን ኡቲዲ ሜሄ ሄሚዛ ቃ ዙማዞ! ጺዮኔ ማጫ ናይታ ናጋና ጊጋ ኡቲዳ ዙማዞ! ቤኒ ኔ ሃሪዛ ዴሬይ ኔስ ሲማና፤ ኔ ካዎቴይ ዬሩሳላሜ ማጫ ናይስ ጊዳና።

ሚኪያሳ ቲንቢቴ 5:2

ሃኔ ኔ ቃሴ ቤቴሊሄሜ ኤፍራታ፥ ዩሁዳ ዛርኬታፔ ኔኒ ጉ ጊዲኮካ ኢዛስ ኬሳይ ካሴ ቤኒ ዎዴፔ ጊዲዳ ኢስራኤሌ ሃሪዛዴይ ኔ ጊዶፌ ታስ ኬዛና።

ዛካራሳ ቲንቢቴ 2:10

«ሃኔ ጺዮኔ ናዬ ኣኔ ኢሊላ፤ ኡፋዬታ፤ ታኒ ያዳ ኔ ጊዶን ዳና» ጌስ ጎዳይ።

Maatosa 1:21

ኢዛ ኣቱማ ና ዬላና፤ ኢዚ ኣስ ናጋራፔ ኣሻናዴ ጊዲዳ ጊሻስ ኢዛ ሱን ኔ፥ ‹ዬሱሳ› ጋ ሱንና» ጊዴስ።

Maatosa 11:29

ታ ቃምባራ ቶኪቴ፤ ታፔካ ታማርቴ፤ ታኒ ታ ዎዚናን ኣዳኔ ኣሽኬ፤ ኢንቴ ሼምፖስ ኢንቴ ሼምፖ ዴማና።

Maatosa 2:2

«ዬሌቲዳ ኣይሁዳ ካዎይ ኣዋን ዲዜ? ኣዋ ኣርሼይ ሞኪዛ ባጋራ ዲዛ ጾሊንቴዛ ቤኢዲ ኢዛስ ጎይናና ዪዶስ» ጊዲ ኦይቺዳ።

ማርቆሳ ሚሺራቾ 11:7

ጉቴዛካ ዬሱሳኮ ኤሂዲ ባ ማይኦ ኢዛ ዞኮ ቦላ ዬጊን ዬሱሲ ኢዛ ቶጊዴስ።

ሉቃሳ ሚሺራቾ 24:27

ሙሴፔኔ ናቤታፔ ዶሚዲ ጌሻ ማጻፋታን ኢዛ ጊሻስ ጻፌቲዳይሳ ኢስታስ ሎኤ ዮቲዴስ።

ዮሃኒሳ ሚሺራቾ 1:49

ናቲናኤሌይ፥ «ኣስታማሬ! ኔ ጾሳ ና፤ ኔ ኢስራኤሌ ካዎ» ጊዴስ።

ዮሃኒሳ ሚሺራቾ 19:15

ጊዶ ኣቲን ኢስቲ ቃሴ፥ «ጌዴ ዲጋ! ጌዴ ዲጋ! ካቃ!» ጊሼ ዋሲዳ። ጲላጾሲካ፥ «ታ ኢንቴ ካዎ ካቆ?» ጊዴስ። ቄሴታ ሃላቃቲ ዛሪዲ፥ «ኑስ ቄሳሬፔ ሃራ ካዎይ ዴና» ጊዳ።

ዳናታ ማጻፋ 10:4

ኢዛስ 30 ሃሬታ ቶጊዛ 30 ኣቱማ ናይቲ ዴቴስ፤ ኢስታስ ጋላኣዴ ቢታን 30 ካታማቲ ዴቴስ፤ ሄ ካታማቲ ሃች ጋካናስ ያኢሬ ካታማታ ጌቴቲ ጼይጌቴቴስ።