ዛካራሳ ቲንቢቴ 9:13 - ጋሞ ማጻፋ

¹³ ዩሁዳ ዎንዳፌ ማላ ኤፍሬሜካ ዪሻ ማላ ታ ጎኤታና፤ ሃኔ ጺዮኔ ታኒ ኔ ናይታ ጊሪኬ ዴሬ ቦላ ዴንና፤ ኔናካ ታኒ ዎልቃማ ማሻ ማላ ሂስታ ጎኤታና።

Geeshsha Maxaafa

¹³ Yuhuda wondafe mala Efreemekka yiishsha mala ta go7ettana; hanne Xiyoone tani ne nayta Girike dere bolla denththeththana; nenakka tani wolqqama mashsha mala histta go7ettana.

ዛካራሳ ቲንቢቴ 9:13 ပူးပေါင်းရင်းမြစ်များ

ዬ ማጻፋ 144:1

ታ ኩሼታ ኦላስ፥ ታ ቢራታካ ጾንጌስ ሎሂሲዳ ጎዳይ ታ ዛላይ ጋላቴቶ!

ዬ ማጻፋ 149:6

ኢስታ ዶናን ጾሳ ጋላታይ፥ ኢስታ ኩሼንካ ቃራ ጊ ማሻይ ዴኦ።

ዬ ማጻፋ 45:3

ዎልቃማ ካዎ! ኔ ማሻ ጊጻ፤ ቦንቾኔ ቴማ ማይኣ።

ኢሳያሳ ቲንቢቴ 49:2

ታ ኢንጻርሳ ጊ ማሻ ማላ ቃራሲዴስ፤ ባ ኩሼ ኩዋን ታና ጌንዴስ፤ ኢዚ ታና ሆጼ ዪሻ ማላ ኦዴስ፤ ሂስቲዲ ባ ኮሆ ጊዶን ታና ቆቲዴስ።

ኤርማሳ ቲንቢቴ 51:20

ጎዳይ፥ «ባቢሎኔ ኔኒ ታ ጻምኣኔ ኦላ ማሳራ፤ ኔናን ጎኤታዳ ታኒ ዴሬ ኡባ ሜንሬዲስ፤ ቃሴ ካዎቴታካ ይሳዲስ።

ኤርማሳ ዚላስ 4:2

ካሴ ቦንቼቲዳ ዎርቃ ሚሳቲዛ ጺዮኔ ናይቲ ሃኢ ዋኒዲ ኩሼን ኡርቃፌ ቲሊዲ ሜዳ ማና ሚሻ ማላ ጊዲዶ!

ኣሞጼ ቲንቢቴ 2:11

ቃሴካ ታኒ ኢንቴ ኣቱማ ናይታ ጋርሳፌ ናቤታ፥ ናቴታ ጊዶፌ ናዚራዌታ ዴንዲስ። ኢስራኤሌ ዴሬዞ! ሄሲ ቱሙ ጊዴኔ?» ጌስ።

ኣብዲዩ ቲንቢቴ 1:21

ኣቲዳ ኢስራኤሌ ኣሳቲ ጺዮኔ ዙማ ቦላ ኡቲዲ ኤዶሜ ዴሬ ኣይሳና፤ ቃሴ ካዎቴይካ ጾሳስ ጊዳና» ጊ ዮቲዴስ።

ዛካራሳ ቲንቢቴ 1:21

ታኒካ፥ «ሃይታንቲ ኣይ ኦና ዪዶ?» ጋ ኦይቻዲስ። ኢዚካ፥ «ሃይቲ ኦኒካ ቁ ጊ ጼሎንታ ማላ ዩሁዳ ቢታ ላሊዳ ካጬታ፤ ሃ ዎጋጬቲ ዪዳይ ኢስታ ዳጋንናሲኔ ዴራ ላላናስ ዩሁዳ ቦላ ባንታ ካጬ ዴንዳ ካዎቴታ ካጬ ሜን ኦላናሳ» ጊዴስ።

ኤፌሶኔ ኣሳስ 6:17

ኣቶቴ ቢራታ ቆቤ ማላ ሁኤን ዎቴ፤ ኣያና ጊ ማሻ ኦይኪቴ፤ ሄሲካ ጾሳ ቃላ።

2ጺምቶሳስ 4:7

ሎኦ ባጼ ታ ባጼታዲስ፤ ታ ዎጻና ዎ ዉርሳዲስ፤ ኣማኖካ ናጋዲስ።

Ibirawe 4:12

ጾሳ ቃላይ ፓጻ ዲዛይሳኔ ኦዛ ቃላ፤ ናምኡ ባጋ ቃራ ማሻፌካ ኣ ቃራ፤ ሼምፖኔ ኣያና፥ ሻያኔ ኮልካ ሻካና ጋካናስ ጫዴስ፤ ዎዚና ቆፋኔ ኣሞቴካ ፓጪ ጼሌስ።

ዮሃኒሳ ኣጁታ 1:16

ኢዚ ባ ኡሻቻ ኩሼን ላፑን ጾሊንቴታ ኦይኪ ኡቲዴስ፤ ኢዛ ዶናፔ ናምኡ ባጋራ ቃራ ማሻይ ኬዜስ፤ ኢዛ ኣይፌሶይ ኣርሼ ማላ ጾልቄቴስ።

ዮሃኒሳ ኣጁታ 17:14

ኢስቲ ዶርሳዛ ቦላ ኦላ ዴንና ሺን ዶርሳዚ ጎዳታስ ጎዳኔ ካዎታስ ካዎ ጊዲዳ ጊሻስ ኢዚ ኢስታ ጾናና፤ ኢዛራ ዲዛይቲ ጼይጌቲዳይታ፥ ዶሬቲዳይታኔ ኣማኔቲዳይታ» ጊዴስ።

ዮሃኒሳ ኣጁታ 19:15

ኣይዛቤታ ኢዛራ ቃንጺዛ ቃራ ማሻይ ኢዛ ዶናፔ ኬዜስ፤ ኢዚ ኢስታ ቢራታ ጉፌራ ሃራና፤ ኢዚ ዉርሲካ ዳንዳይዛ ጾሳ ሚኖ ሃንቆ ቆንጪሲዛ ዎይኔ ጫጄ ዬዛሶን ኢስታ ዬና።

ዮሃኒሳ ኣጁታ 19:21

ሃንኮ ኣቲዳይቲ ቃሴ ቦ ፓራ ቶጊዳይሳ ዶናፔ ኬዚዳ ማሻን ሃይቂዳ፤ ካፎቲካ ዉሪ ኢስታ ኣሾዛ ሚ ካሊዳ።

ዮሃኒሳ ኣጁታ 2:12

«ጴርጋሞኔ ዎሳ ኬ ኪታንቻስ፥ ሃይሲ ናምኡ ባጋራ ቃራ ማሻ ኦይኪዳይሳፌ ዮቴቲዳይሳ።