ዛካራሳ ቲንቢቴ 9:10 - ጋሞ ማጻፋ

¹⁰ ፓራ-ጋሬታ ኤፍሬሜፔ ኦላ ፓራታ ዬሩሳላሜፔ ታ ኤካ ይሳና። ታኒ ኦላ ቶራታ ሜንሬና። ሳሮቴ ካዎቴታስ ኣዋጃና። ኢዚ ኣባፌ ኣባን ጋካናስ ሃራና፤ ኤፊራጺሴ ሻፋፔ ሳኣ ጋጻ ጋካናስ ኢዚ ኣይሳና።

Geeshsha Maxaafa

¹⁰ Para-gaareta Efreemeppe ola parata Yerusalaameppe ta ekka dhayssana. Tani ola toorata menththereththana. Saroteth kawoteththatas awajjana. Izi abbaafe abban gakkanaas haarana; Efiraaxise shaafappe sa7a gaxa gakkanaas izi ayssana.

ዛካራሳ ቲንቢቴ 9:10 ပူးပေါင်းရင်းမြစ်များ

1ካዎታ ማጻፋ 4:21

ሶሎሞኔይ ኤፊራጺሴ ሻፋፔ ዶሚዲ ፊሊስጼሜ ቢታ ጋካናስ፥ ሄሳፌካ ቦላራ ጊብጼ ዛዋ ጋካናስ ዲዛ ካዎቴታ ኡባ ሃሪዴስ፤ ሄ ቢታ ኣሳቲ ኢዛስ ጊራ ጊሪዳ፤ ኢስቲ ኢዚ ዲዛ ላይ ኡባን ኢዛስ ሃሬቲዳ።

ዬ ማጻፋ 72:17

ካዎዛ ሱን ሜርናስ ሚኒ ዴኦ፤ ኣርሼይ ዴኢዛ ኬና ጼይጌቲሼ ጋምኦ። ካዎቴ ኡባይ ኢዛ ባጋራ ኣንጄቶ፤ ዴሬ ኡባይ ኢዛ፥ «ኔ ኣንጄቲዳዴ» ጊ ኣንጆ።

ዬ ማጻፋ 72:3

ዙማቲ ዱሬቴ ኤሃና፤ ዙምቡላቲካ ጺሎቴ ኔ ዴራስ ኤሃና።

ዬ ማጻፋ 85:8

ታኒ ጎዳ ጾሲ ዮቲዛይሳ ሲያና፤ ኢስቲ ሲሚዲ ባላ ኦጌን ቦንታ ኣጊኮ፥ ባ ጌሻ ዴራስ ሳሮቴ ኤሃናስ ሂዶታ ኢሚዴስ።

ዬ ማጻፋ 89:26

ዳዊቲ ታና፥ ‹ኔኒ ታ ኣዋ፤ ታ ጾሳኔ ታና ኣሺዛ ዎጋ ዛላ› ጊ ጼይጋና።

ኢሳያሳ ቲንቢቴ 11:10

ሄ ዎዴ ኢሴዬ ዜሬ ካዎቴታስ ማላታ ጊዲ ኤቃና፤ ካዎቴቲ ኢዛኮ ያና፤ ኢዛ ሼምፖሶይ ቦንቼታና።

ኢሳያሳ ቲንቢቴ 2:4

ኢዚ ካዎቴታ ጊዶን ፒርዳና፤ ዳሮ ኣሳታ ጋርሳን ዲዛ ፓላማ ኢዚ ዲጋና። ኢስቲ ባንታ ጊ ማሻ ማራሻ፥ ባንታ ቶራካ ባጫ ቆጺ ኬሳና። ዴሬይ ዴሬ ቦላ ማሻ ዴንና፤ ሄሳፌ ጉዬ ኢስቲ ኦላ ታማሬቴና።

ኢሳያሳ ቲንቢቴ 49:6

«ኔኒ ታስ ኦሳንቻ ጊዴ፥ ያቆቤ ቆሞታ ኔ ዛራናይሲኔ ታ ናጊዳ ኢስራኤሌ ዛራዳ ኔ ኤሃናይሲ ሄሲ ኔና ዴጼና፤ ቃሴካ ታ ኣቶቴ ቢታ ጋጻ ኔ ጋና ማላ፥ ታኒ ኔና ካዎቴታስ ፖኦ ሂስታና» ጌስ።

ኢሳያሳ ቲንቢቴ 60:12

ኔስ ሃሬቶንታ ካዎቴኔ ዴሬይ ሙሌካ ዲፒ ጋና።

ሆሴኤ ቲንቢቴ 1:7

ዩሁዳ ኣሳስ ጊዲኮ ታኒ ታ ሲቆ ቤሳና። ታኒ ጎዳይ ኢስታ ጾሳይ ኣሻና፤ ታ ኢስታ ኣሻናይሲ ኦላ ዎልቃን ጊዴና፤ ማሻን፥ ቶራን ዎይኮ ፓራኒኔ ፓራን ኦሊዛይታን ጊዴና» ጊዴስ።

ሆሴኤ ቲንቢቴ 2:18

ሄ ዎዴ ዶኣታራ፥ ካፎታራኔ ቢታ ቦላ ጎሼቲዛ ሜቴ ኡባታራ ታ ኢንቴ ጊሻስ ጫቄታና። ኡባይካ ሳሮን ዳና ማላ ኦላ፥ ቶራኔ፥ ማሻ ቢታ ቦላፌ ታ ዲጋና።

ሆሴኤ ቲንቢቴ 2:20

ታኒ ኣማኔታዳ ኔና ታስ ማቾ ጊጊሳና። ኔኒካ ታኒ ጎዳ ጊዲዳይሳ ኤራና።

ሚኪያሳ ቲንቢቴ 4:8

ሃይሶ ኔናን ኡቲዲ ሜሄ ሄሚዛ ቃ ዙማዞ! ጺዮኔ ማጫ ናይታ ናጋና ጊጋ ኡቲዳ ዙማዞ! ቤኒ ኔ ሃሪዛ ዴሬይ ኔስ ሲማና፤ ኔ ካዎቴይ ዬሩሳላሜ ማጫ ናይስ ጊዳና።

ሚኪያሳ ቲንቢቴ 5:4

ጎዳ ዎልቃን ጎዳ ባ ጾሳ ሱን ጊታቴን ሚኒ ኤቃናኔ ባ ሜሄ ኢዚ ሄማና፤ ሄ ዎዴ ኢዛ ዎልቃቴይ ቢታ ጋጻ ጋካና ጊሻስ ኣሳይ ጊጋ ዱስ ዳና።

ሚኪያሳ ቲንቢቴ 5:9

ኔ ኩሼይ ኔ ሞርኬታ ጾኒዲ ቁ ቁ ጋና፤ ኔ ሞርኬቲ ዉሪካ ያና።

ሃጌ ቲንቢቴ 2:22

ካዎታ ታ ኢስታ ኣራታፔ ዲጋና፤ ኣላጋ ካዎታስ ዲዛ ዎልቃ ታ ይሳና፤ ፓራ-ጋሬታኔ ኢስታ ቶጋንቻታ ታ ሺራ ዬጋና፤ ፓራቲኔ ፓራ ቶጊዛይቲ ኢሶይ ኢሳራ ባንታ ጊዶን ሃይቄታና።

ሃዋሬታ ኦሶ 10:36

ጾሲ ኡባስ ጎዳ ጊዲዳ ዬሱስ ኪርስቶሳ ባጋራ ኢስራኤሌ ኣሳስ ኪቲዳ ሳሮቴ ሚሺራቾ ኪታይ ሃይሳ።

2ቆሮንቶሴ ኣሳስ 5:18

ሄሲ ዉሪ ሃኒዳይ ኢዚ ኑና ባናራ ኪርስቶሳ ባጋራ ማቃዪንዲኔ ማቃዪን ኦሶ ኑስ ኢሚዳ ጾሳና።

2ቆሮንቶሴ ኣሳስ 5:20

ጾሲ ኑ ባጋራ ኣስ ጼይጊዛ ጊሻስ ኑኒ ቃሴ ኪርስቶሳ ኦጋታ፤ ሄሳ ጊሻስ፥ «ኢንቴ ጾሳራ ማቃይኒቴ!» ጊዲ ኑ ኢንቴና ኪርስቶሳ ሱንን ዎሶስ።

ዛሬ ማጻፋ 11:24

ኢንቴ ቶሆን ኢንቴ ዬዳ ቢታይ ዉሪካ ኢንቴስ ጊዳና፤ ኢንቴ ዛዋይ ዱጌሃ ባጋራ ዲዛ ባዛፌ ቢዲ ፑዴሃ ባጋራ ዲዛ ሊባኖሴ ዙማ ጋካና፤ ቃሴካ ኣርሼይ ሞኪዛ ባጋራ ኤፊራጺሴ ሻፋፔ ቢዲ ኣርሼይ ዉሊዛ ባጋራ ዲዛ ሜዲቴራኔ ኣባ ጋካና።

ዮሃኒሳ ኣጁታ 11:15

ላፑን ኪታንቻይካ ባ ዛዬዛ ፑኒዴስ፤ ሳሎን፥ «ኣላሜ ካዎቴ ኑ ጎዳ ጾሳሲኔ ኪርስቶሳስ ጊዲዴስ፤ ኢዚካ ሜርናፔ ሜርና ጋካናስ ካዎታና» ጊዛ ጊታ ቃላይ ሲዬቲዴስ።