22 ዳሮ ዴሬይኔ ዎልቃማ ካዎቲካ ኡባፌ ዎልቃማ ጎዳ ኮያናሲኔ ኢዛ ዎሳናስ ዬሩሳላሜ ያና።
22 Daro dereynne wolqqama kawotikka Ubbaafe Wolqqama GODAA koyanaassinne iza woossanaas Yerusalaame yaana.
ማቃ ጊዶን ዲዛ ዶኣታ ኔኒ ሴራ። ቦራታኔ ማራታ ዉዴ ሚሳቲዛ ካዎታ ኔኒ ላላ፤ ኢስቲ ጉልባቲዲ ባንታ ቢራ ኔስ ጊራና ማላ ኦ፤ ኦሌታናስ ዬሞቲዛ ኣሳታ ላላ።
ዎዴ ዉርሴን ጾሳ ኬ ኢዛ ቦላ ኬጼቲዳ ዙማይ ሃራ ዙማ ኡባፌ ቂ ቤታና። ዙምቡላታ ኡባፌ ቁ ቁ ጋና፤ ኡባ ካዎቴቲ ሄ ጎቻና።
ዳሮ ኣሳይ ዪዲ፥ «ዎጋይ ጺዮኔፔ፥ ጎዳ ቃላይ ዬሩሳላሜፔ ኬዚዛ ጊሻስ ሃ ዪቴ! ጎዳ ዙማ፥ ያቆቤ ጾሳ ኬ ኣኔ ፑዴ ኬዞስ። ኢዚ ኮይዛይሳ ኑኒ ባና ማላ ኢዚ ኑና ባ ኦጌ ታማርሳና» ጋና።
ሃይሳ ሃ ዙማን ዴሬ ኡባ ቦላን ዎዳ ማጋላሻ፥ ካዎቴታ ኡባ ጎዚ ኦይኪዳ ጎሳ ኢዚ ይሳና።
ኡባ ሃሪዛ ጎዳይ፥ «ቤኣ፥ ታኒ ካዎቴታ ማላታን ጼይጋና፤ ታኒ ታ ባንዲራ ኣሳስ ቁ ሂስታ ኤሳና፤ ኔ ኣቱማ ናይታ ኢስቲ ኢዲሚ ኤሃና፤ ኔ ማጫ ናይታካ ባንታ ሃሼን ቶኪዲ ኤሃና።
«ኔኒ ታስ ኦሳንቻ ጊዴ፥ ያቆቤ ቆሞታ ኔ ዛራናይሲኔ ታ ናጊዳ ኢስራኤሌ ዛራዳ ኔ ኤሃናይሲ ሄሲ ኔና ዴጼና፤ ቃሴካ ታ ኣቶቴ ቢታ ጋጻ ኔ ጋና ማላ፥ ታኒ ኔና ካዎቴታስ ፖኦ ሂስታና» ጌስ።
ቤኣ፥ ኔኒ ኤሮንታ ካዎቴታ ጼይጋና፤ ኔና ኤሮንታ ካዎቴቲ ኔኮ ኤሶን ያና። ጋሶይካ ጎዳ ኔ ጾሳይ ኢስራኤሌ ጌሻይ ባ ቦንቾን ኔና ቁ ቁ ሂስቲዴስ» ጌስ።
ኣጊና ጼሮፔ ቢዲ ሃራ ኣጊናይ ጼራና ጋካናስ፥ ኢሲ ሳምባታፔ ቢዲ ሃራ ሳምባታ ጋካናስ፥ ኣስ ጊዲዳ ኡባይ ታስ ጎይናና ያና።
ኢንቴ ቱማን፥ ሱሬቴኒኔ ጺሎቴን፥ ‹ዴኦ ጎዳይ ቤዪን!› ጊዲ ጫቂኮ፥ ሄ ዎዴ ካዎቴቲ ኢዛን ኣንጄታናኔ ቦንቼታና» ጌስ።
ዳሮ ካዎቴቲ ኢዛኮ ዪዲ፥ «ጾሳ ዙማኮ ሃ ዪቴ፤ ያቆቤ ጎዳኮ ኣኔ ቦስ፤ ኑ ኢዛ ኦጌራ ባና ማላ ኑና ኢዚ ባ ኦጌ ታማርሳና» ጊዳ፤ ዎጋይ ጺዮኔፔ፥ ጾሳ ቃላይ ቃሴ ዬሩሳላሜፔ ያና።
ኢዚ ዳሮ ኣሳ ጊዶን ፒርዳና፤ ሃሆኒኔ ማታን ዲዛ ዎልቃማ ካታማ ጊዶን ዲዛ ኦሽ ኤሳና፤ ኢስቲ ባ ጊ ማሻ ማራሻ፥ ባ ቶራካ ባጫ ሂስቲ ቆጻና፤ ኢሲ ካዎይ ሃራ ካዎ ቦላ ማሻ ዴንና፤ ሄሳፌ ጉዬ ኢስቲ ኦላ ቲሚርቴ ታማሬቴና።
ካዎቴታ ኡባ ታ ቃሴና። ካዎቴታ ኡባ ሃሮይ ሃ ያና ማላ ታ ኦና። ሃይሳ ሃ ኬን ታ ኣንጆ ኩንና።
ሄሳፌ ጉዬ ዬሩሳላሜ ኦላና ኬዚዳ ካዎቴታፔ ሃይቆንታ ኣቲዳ ኡባይ ኡባፌ ዎልቃማ ጎዳስ ጎይናናሲኔ ዳሴ ባኣሌ ቦንቻናስ ላይን ላይን ዬሩሳላሜን ሺቃና።
ኢሲ ካታማይን ዲዛ ኣሳይካ፥ ‹ጎዳ ኣንጆ ዎሳናሲኔ ኡባፌ ዎልቃማ ጎዳ ኮያናስ ኣኔ ሃ ዪቴ፤ ኣኔ ኤሶን ቦስ፤ ኑኒካ ቦስ› ጊሼ ሃራ ካታማ ባና።
ኣይዛቤይ ኣማኖን ኣታናይሳ ኤሪዲ ጾሲ ካሴ ጌሻ ማጻፋን፥ «ዴሬይ ዉሪ ኔ ባጋራ ኣንጄታና» ጊዲ ሚሺራቾ ቃላ ኣብራሃሜስ ዮቲ ዎዴስ።
ጎዶ፥ ኔስ ባቦንታ ኣሲኔ ኔ ሱን ቦንቾንታ ኣሲ ኦኔ? ኔኒ ኔርካ ጌሻ፤ ኔ ቱማ ፒርዳይ ቆንጪዳ ጊሻስ ዴሬቲ ዉሪ ዪዲ ኔ ሲንን ኔስ ጎይናና» ጊ ዬጺዳ።
ዴሬቲ ኢዚ ፖኦዛን ሲሜሬታና፤ ቢታ ካዎቲ ዉሪካ ባ ቦንቾ ኢዚስ ኤሃና።