ዛካራሳ ቲንቢቴ 2:7 - ጋሞ ማጻፋ

⁷ ሃኔ ጺዮኔ ሃ ያ፤ ባቢሎኔ ማጫ ናይታራ ዴኢዛሬ ኢስታ ጊዶፌ ባቃታ።

Geeshsha Maxaafa

⁷ Hanne Xiyoone haa ya; Baabiloone macca naytara de7izaare istta giddofe baqata.

ዛካራሳ ቲንቢቴ 2:7 ပူးပေါင်းရင်းမြစ်များ

ሜቴ ማጻፋ 19:17

ኪታንቻቲ ኢስታ ካታማፔ ኬሲዳ ማላካ ኪታንቻታፔ ኢሳይ፥ «ኢንቴ ሼምፖ ኤኪዲ ባቃቲቴ! ጉዬ ጼሎፍቴ! ቃሴ ሃይሳ ሾባን ኣዋንካ ኤቆፍቴ! ዙማኮ ዎጺቴ! ሂስቶንታ ኢጺኮ ኢንቴ ያና» ጊዴስ።

ኢሳያሳ ቲንቢቴ 47:1

ጎዳይ፥ «ሃኔ ባቢሎኔ ጌላኦዬ፥ ጉዱላ ቦላ ዎ ኡታ፤ ሃኔ ባቢሎኔታ ናዬ፥ ኔ ኣራታፔ ዎ፤ ቢታን ኡታ፤ ሃይሳፌ ጉዬ ኔኒ ማላ ሎኦኔ ዳልቂዳልቃ ጌቴታ ጼይጌታካ።

ኢሳያሳ ቲንቢቴ 48:20

ባቢሎኔ ቢታፌ ኬዚቴ፤ ባቢሎኔ ኣሳፔ ባቃቲቴ! ሃይሳ ኢሊሊሳን ኤሪሲቴ፤ ኣዋጂቴ፤ ቢታ ጋጻ ጋካናስ ዮቲቴ፤ «ጎዳይ ባ ኣሽካራ ያቆቤ ዎዚዴስ» ጊቴ።

ኢሳያሳ ቲንቢቴ 52:11

ኢንቴኖ ጎዳ ኬ ሚሻታ ቶኪዛይቶ! ሻኬቲቴ፥ ሻኬቲቴ፤ ሄፔ ኬዚቴ። ቱና ሚሽ ቦቾፍቴ፤ ሄፔ ኬዚቴ፤ ኢንቴ ሁኤሲካ ጌይቴ።

ኢሳያሳ ቲንቢቴ 52:2

ሃኔ ዬሩሳላሜ፥ ዴንዳ፤ ጉዱላ ፒታ፤ ኔ ኣራታን ኡታ። ዲኤቲዳ ጺዮኔ ናዬ፥ ኔ ቆን ቃሼቲዳ ሳንሳላታ ኬሳ ዬጋ።

ኤርማሳ ቲንቢቴ 50:8

«ባቢሎኔፔ ባቃቲቴ! ኢስታ ቢታካ ዬዲቴ! ዉዴ ካሌዛ ዴይሻ ኦርጌ ማላ ጊዲቴ።

ኤርማሳ ቲንቢቴ 51:45

ታ ዴሬቶ! ኢዚፔ ኬዚቴ፤ ኢንቴ ሼምፖ ኣሺቴ፤ ያሺዛ ጎዳ ሃንቆፌ ኬሲ ኤኪ ኣቲቴ።

ኤርማሳ ቲንቢቴ 51:6

«ባቢሎኔፔ ባቃቲ ኬዚቴ! ኤሌሊዲ ኢንቴ ሼምፖ ኣሺቴ፤ ኢዚ ናጋራ ጋሶን ዮፒቴ፤ ሃይሲ ጎዳይ ሃሎ ኬሲዛ ዎዴ ኢዚ ኦሶ ማላ ኢዚስ ኢማና።

ሚኪያሳ ቲንቢቴ 4:10

ሃኔ ጺዮኔ ማጫ ናዬ! ሚጻቲዛ ማጫሳይ ማላ ኔ ሜቶታና፤ ሃኢ ቃሴ ኔ ካታማፔ ጌዴ ኬዛዳ ጮ ዴምባን ዴኣና ቤሲዛ ጊሻስ ባቢሎኔ ባና፤ ኔ ሄ ባዳ ሄን ኔ ሞርኬታ ኩሼፔ ኣታና፤ ጎዳይ ኔና ሄን ኔ ሞርኬታፔ ኣሻና።

ታይቦ ማጻፋ 16:26

ዴሬዛስካ፥ «ኢንቴ ሃይታ ማካላ ኣሳታ ዱንካኔታፔ ሃኪ ኤቂቴ፤ ኢስታ ሚሽ ጊዲዳዝ ኣይኮካ ቦቾፍቴ፤ ሂስቶንታ ኣጊኮ ኢስታ ናጋራ ጋሶን ኢንቴ ዉሪካ ኢስታራ ኢሲፌ ፒቴቲ ያና» ጊዴስ።

ታይቦ ማጻፋ 16:34

ሄ ሄራን ዲዛ ኢስራኤሌ ኣሳይ ሄ ኣሳ ዋሶ ሲዪዲ፥ «ሃይሲ ቢታይ ኑናካ ሚቶንታ ኣጌና!» ጊ ዋሲሼ ባቃቲዴስ።

ሃዋሬታ ኦሶ 2:40

ሃራ ዳሮ ቃላራ ኢስታስ ማርካቲሼ፥ «ሃይሳ ጌላ ዬሌታፔ ኢንቴና ኣሺቴ» ጊዲ ኢስታ ቆፍሲዴስ።

ዮሃኒሳ ኣጁታ 18:4

ቃሴካ ሃራ ቃላይ ሳሎፔ፥ «ታ ዴሬቶ! ኢንቴ ኢዚራ ኢዚ ናጋራን ዙፔቶንታ ማላኔ ኢዞ ጋኪዛ ቦሻ ኢንቴ ኢዚራ ጊሼቲ ኤኮንታ ማላ ኢዚፔ ሻኬቲ ኬዚቴ።