ዛካራሳ ቲንቢቴ 14:21 - ጋሞ ማጻፋ

²¹ ዬሩሳላሜኒኔ ዩሁዳን ዲዛ ኦቶይ ዉሪካ ሜቴ ኡባፌ ዎልቃማ ጎዳስ ዱማቲዳዝ ጊዳና፤ ያርሾ ሺሺዛ ኣሳይ ዉሪካ ኦቶታ ኤኪዲ ያርሾ ኣሾ ኢስታን ዶይሳና፤ ሄ ዎዴ ኡባፌ ዎልቃማ ጎዳ ኬ ጊዶን ኣይ ዛልኣንቻይካ ዴና።

Geeshsha Maxaafa

²¹ Yerusalaameninne Yuhudan diza otoy wurikka medheteththa Ubbaafe Wolqqama GODAAS dummatidaaz gidana; Yarsho shiishshiza asay wurikka otota ekkidi yarsho asho isttan doyssana; he wode Ubbaafe Wolqqama GODAA Keeththa giddon ay zal7anchchayka deenna.

ዛካራሳ ቲንቢቴ 14:21 ပူးပေါင်းရင်းမြစ်များ

ናሂሚያ ማጻፋ 8:10

ናሂሚያይ፥ «ቢዲ ሎኦ ካ ሚቴ፤ ቃሴ ማልኢዛ ኡሹ ኡዪ ኡፋዬቲቴ፤ ኣይኮይ ባይንዳይታስ ኢንቴስ ዲዛይሳፌ ኢሚቴ፤ ሃይሲ ኑ ጾሳስ ኣንጄቲዳ ጋላሳ፤ ጾሳ ኡፋይሳይ ኢንቴስ ዎልቃ ጊዲዳ ጊሻስ ጬጮፒቴ» ጊዴስ።

ኢሳያሳ ቲንቢቴ 35:8

ሄን ዎጋ ኦጌይ ኦሴታና፤ ኢዚካ፥ «ጌሻቴ ኦጌ» ጌቴታና። ቱናቲ ሄ ኦጌራ ቤቴና፤ ኦጌዚ ሄ ኦጌራ ቢዛይታስ ጻላ ጊዳና፤ ጌላቲ ሄ ኦጋራ ባና ዳንዳዬቴና።

ኢሳያሳ ቲንቢቴ 4:3

ጺዮኔን ኣቲዳይቲ፥ ዬሩሳላሜን ዮንታ ኣቲዳይቲ፥ ዬሩሳላሜን ሼምፖራ ፓጻ ዲሼ ጻፌቲዳ ኡባታራ፥ «ኢስቲ ጌሻታ» ጌቴታና።

ኢሳያሳ ቲንቢቴ 52:1

ሃኔ ጺዮኔ ዴንዳ፤ ዴንዳ፤ ዎልቃ ማይኣ፤ ጌሻ ካታማዬ ዬሩሳላሜ! ኔ ቦንቾ ማይኦ ማይኣ፤ ሃይሳፌ ጉዬ ቃጻሬቶንታይኔ ቱናይ ኔ ጊዶ ጌሌና።

ሂዚቄላ ቲንቢቴ 44:9

ሄሳ ጊሻስ ኡባ ሃሪዛ ጎዳይ፡ ኢስራኤሌ ኣሳ ጊዶን ዲዛ ኣላጋ ኣሲ፥ ባ ዎዚናኒኔ ባ ኣሾን ቃጻሬቶንታይ፥ ኦኒኔ ታ ጾሳ ኬ ጌሎፖ።

ሂዚቄላ ቲንቢቴ 45:1

« ‹ቢታ ኢንቴ ላታናስ ሳማን ሻኪዛ ዎዴ፥ ሄ ቢታፌ ኢሲ ሳማ ጎዳስ ዱማሲዲ ዎቴ። ሄሲካ ታማኔ ናምኡ ኪሎ ሜቲሬኔ ባጋ ኣዱቂዛኔ ታሙ ኪሎ ሜቲሬ ኣኪዛ ሶሆ ጊዶ። ሄ ሶሆይ ሙሌካ ጌሻሶሆ ጊዶ።

ሆሴኤ ቲንቢቴ 12:7

«ዛልኣንቻቲ ዎርዶ ጌዳራን ባይዜቴስ፤ ሾጬቾካ ዶሴቴስ።

ኢዩኤሌ ቲንቢቴ 3:17

«ኢስራኤሌ ኣሳዉ! ሄ ዎዴ ታኒ ጎዳ ኢንቴ ጾሳ ጊዲዳይሳ ኢንቴ ኤራና፤ ታኒ ጌሽ ጊዲዳ ታ ዙማ ጺዮኔ ቦላ ዴኣና፤ ዬሩሳላሜይ ኣንጄቲዳ ካታማ ጊዳና፤ ሄሳፌ ጉዬ ሃራ ኣላጋ ዎታዳራይ ኢዞ ዎራጄና።

ሶፎናሳ ቲንቢቴ 1:11

ኢንቴኖ ማኪቴሻ ጊያን ዲዛይቶ! ዋሲቴ፤ ጋሶይካ ኢዛን ዛልኢዛ ዛልኣንቻቲ ኡባይ ዉራና፤ ቢራን ዛልኢዛይቲካ ኡባይ ሃይቃና።

ዛካራሳ ቲንቢቴ 14:20

ሄ ዎዴ ፓራታ ቆን ቃሼቲዛ ዳላ ኡባ ቦላ፥ «ሃይሲ ጾሳስ ዱማቲዳይሳ» ጊዛ ቃላይ ጻፌታና፤ ጎዳ ኬ ጊዶን ካ ካዛ ኦቶቲካ ያርሾ ያርሺዛሶ ሲንን ዲዛ ሳኔታ ማላ ዱማታና።

ዛካራሳ ቲንቢቴ 7:6

ካሴ ኢንቴ ሚዳይሲኔ ኡዪዳይሲ ኢንቴስ ጻላ ጊዴኔ?

1ቆሮንቶሴ ኣሳስ 10:31

ሂስቲኮ ኢንቴ ኣይ ሚኮካ፥ ኣይ ኡዪኮካ ዎይኮ ኣይኮ ኦኮ ዉርሲካ ጾሳ ቦንቾስ ኦቴ።

ዛሬ ማጻፋ 12:12

ኢንቴ ማጫ ናይታራኔ ኢንቴ ኣቱማ ናይታራ፥ ኢንቴስ ኦዛ ማጫሳታራኔ ኣቱማሳታራ፥ ኢንቴናራ ጺንጾ ጊሼቲ ኤኮንታ ባንታ ባንታ ካታማን ካታማን ዲዛ ሌዌ ቆሞታራ ጎዳ ኢንቴ ጾሳ ሲንን ኢንቴ ኡፋዬታና።

ዛሬ ማጻፋ 12:7

ሄን ጎዳ ኢንቴ ጾሳ ሲንን ኢንቴ ማና፤ ቃሴ ኢንቴ ኢንቴ ዎልቃን ኦ ኬሲዳ ኡባኒኔ ጎዳ ኢንቴ ጾሳይ ኢንቴና ኣንጂዳ ኡባን ኢንቴ ኢንቴሶ ኣሳራ ኡፋዬታና።

1ጺምቶሳስ 3:15

ታ ሃኖ ኔስ ጻፊዛይ ታ ጋምኢዛ ጊዲኮካ ኣሳይ ጾሳ ኬን ዋኒ ዳናኮ ኔ ኤራና ማላ ጋዳኮ! ኬይ ዴኦ ጾሳ ዎሳ ኬ፤ ሄሲካ ቱሙ ቱሲኔ ጻጶ።

Ibirawe 3:6

ኪርስቶሲ ጊዲኮ ጾሳ ኬ ቦላ ኣማኔቲዳ ና ማላ። ኑኒካ ኢዛ ቦላ ኣማኔቲዛ ኡፋይሳይኔ ጬቄቲዛ ሂዶታ ሎኤ ኦይኪኮ ኑ ኢዛስ ዱሳ ኬ።

1ጴጽሮሳ ኪታ 4:17

ፒርዳይ ዶሜታናስ ዎዴይ ማቲዴስ፤ ሄ ፒርዳይ ዶሜታናይ ኮይሮ ጾሳ ኣሳ ቦላኮ! ሂስቲን ፒርዳይ ኑናን ዶሚኮ ጾሳ ሚሺራቾ ቃላስ ኣዛዜቶንታ ኢጺዳ ኣሳ ዉርሴ ኣይ ጊዳኔ?

ዮሃኒሳ ኣጁታ 21:27

ሃራሲዛ ሚሺ ሙሌካ ጌዴ ኢዚን ጌሌና፤ ቱናቴ ኦዛይቲኔ ዎርዶ ሃሳይዛይቲ ሙሌካ ሄ ኢዚኮ ጌሌቴና፤ ሄ ኢዚን ጌላናይታ ሱን ካሴ ሄ ዶርሳዛ ዴኦ ማጻፋን ጻፌቲዳይታ ጻላ።

ዮሃኒሳ ኣጁታ 22:15

ካና ማላ ጮ ሆ ሆዛይቲ፥ ቢታ ቢቲዛይቲ፥ ላይማቲዛይቲ፥ ሼምፖ ዎዛይቲ፥ ኤቃስ ጎይኒዛይቲ፥ ዎርዶ ሲቂዛይቲኔ ዎርዶ ኦዛይቲ ዉሪካ ሄ ካታማይፔ ካሬን ኣታና።