ዛካራሳ ቲንቢቴ 14:17 - ጋሞ ማጻፋ

¹⁷ ኡባፌ ዎልቃማ ጎዳስ ጎይናናስ ዬሩሳላሜ ሺቆንታ ቢታ ካዎቴታ ኡባስ ኢራይ ቡኬና።

Geeshsha Maxaafa

¹⁷ Ubbaafe Wolqqama GODAAS goynnanaas Yerusalaame shiiqontta biitta kawoteththata ubbaas iray bukkenna.

ዛካራሳ ቲንቢቴ 14:17 ပူးပေါင်းရင်းမြစ်များ

ሜቴ ማጻፋ 10:32

ሃይታንቲ ባ ቆሞን ቆሞኒኔ ባ ካዎቴን ካዎቴን ጻፌቲዳ ኖሄ ኣቱማ ናይታ ዜሬታ፤ ይሳ ሃፌ ሲሚን ካዎቴቲ ሃይታንታፌ ቢታ ኡባ ቦላ ላሌቲዳ።

ሜቴ ማጻፋ 12:3

ኔና ኣንጂዛይታ ታ ኣንጃና፤ ኔና ቃንጊዛይታካ ታ ቃንጋና፤ ቢታ ቦላ ዲዛ ኣሲ ዉሪ ኔ ባጋራ ኣንጄታና» ጊዴስ።

ሜቴ ማጻፋ 28:14

ኔ ዜሬይ ቢታ ኣጬ ማላ ዳራና፤ ኢስቲካ ኦይዱ ባጋ ጋካና፤ ቢታ ቦላን ዲዛ ኣሲ ዉሪ ኔ ባጋራኔ ኔ ዜሬ ባጋራ ኣንጄታና።

1ካዎታ ማጻፋ 17:1

ጋላኣዴን ቴሲቤ ጌቴቲዛሶፔ ዪዳ ናቤ ኤላሲ ካዎ ኣካቤስ፥ «ታኒ ኢዛስ ኦዛ ጎዳ ኢስራኤሌ ጾሳይ ቤዪን ሃይሳፌ ያና ላይታን ታኒ ዮቶንታ ዲሺን ሳኣን ኢራይ ቡኬና ዎይኮ ጻዛይካ ጻዛቴና» ጊዴስ።

1ካዎታ ማጻፋ 8:35

«ኔ ኣሳይ ኔ ቦላ ኦዳ ናጋራ ጋሶን ሳሎይ ጎርዴቲን ኢራይ ቡኮንታ ኢጺኮ፥ ኢስቲ ሃይሳ ኬኮ ሲሚ ኔ ሱን ጼይጊ ዎሲኮ፥ ኢስቲ ባንታ ናጋራፔ ሲሚኮ ኔኒ ኢስታ ዎሳ ሳሎን ዳሼ ሲያ።

2ታሪኬ ማጻፋ 6:26

«ኔ ዴሬይ ኔና ቆሂዳ ጋሶን ሳሎይ ጎርዴቲን ኢራይ ቡኮንታ ኢጺኮ፥ ኢስቲ ሃ ሶሆዛኮ ሲሚ ዎሲኮ፥ ኔኒ ኢስታ ኡንኤዳ ጊሻስ ኔ ሱን ጼይጊዲ ባንታ ናጋራፔ ሲሚኮ፥

2ታሪኬ ማጻፋ 7:13

ታኒ ኢራይ ቡኮንታ ማላ ሳሎ ጎርዲኮ ዎይኮ ሳኣ ካ ማና ማላ ቦሌ ኣዛዚኮ፥ ዎይኮ ታ ኣሳ ጊዶን ኢታ ሃርጌ ታ ዬዲኮ፥

ኢሳያሳ ቲንቢቴ 18:7

ሄ ዎዴ ጎዳስ ኡባፌ ዎልቃማ ጾሳስ ኣዱሳኔ ሊቆ ኣሳፔ፥ ማታፔ ሃሆፔ ያዪዛ ዴሬፔ፥ ዎልቃማኔ ኢዛ ቃላይ ኤሬቶንታ ዴሬፔ፥ ሻፋቲ ሻኪ ቢዛ ካዎቴፌ ኢሞታይ ያና፤ ሜቴ ጎዳይ ዲዛሶ ፑዴ ጺዮኔ ዙማ ቦላ ያና።

ኢሳያሳ ቲንቢቴ 45:23

ጉልባቴይ ኡባይ ታ ሲንን ጉልባታና፤ ኢንጻርስ ኡባይካ ታናን ጫቃና፤ ታኒ ታርካ ታ ሁኤን ጫቃዲስ፤ ጉዬ ሲሞንታ ቃላይ ታ ዶናፔ ጺሎቴን ኬዚዴስ።

ኢሳያሳ ቲንቢቴ 5:6

ታኒ ሄ ሶሆዛ ማጎ ቢታ ኦና። ሄ ቱራይ ጹንቄቴናኔ ቡልኤቴና፤ ሂስቲን ኪንዲቾይኔ ኣጉን ኢዛን ሞካና። ኢራይ ኢዛን ቡኮንታ ማላ፥ ታኒ ሻራታ ኣዛዛና» ጊዴስ።

ኢሳያሳ ቲንቢቴ 60:12

ኔስ ሃሬቶንታ ካዎቴኔ ዴሬይ ሙሌካ ዲፒ ጋና።

ኤርማሳ ቲንቢቴ 10:25

ያቆቤ ሙሌራ ሚ ሚቲዳይታ ቦላኔ ኔ ሱን ጼይጎንታ ኣሳታ ቦላ ጉሳ። ኢዛ ዱሳሶካ ካይዚሲዳ ጊሻስ ኔኒ ኔ ሃንቆዛ ኔና ኤሮንታ ዴሬታ ቦላኔ ኔ ሱን ጼይጎንታ ካዎቴታ ቦላ ጉሳ።

ኤርማሳ ቲንቢቴ 14:22

ካዎቴታ ኤቃ ጾሳቲ ኢራ ቡኪሳና ዳንዳይዞ? ሳሎቲ ባ ሼኔን ፑሴ ዱጌ ዬዳናስ ዳንዳይዞ? ዳንዳዬቴና፤ ኣቤት ኑ ጎዳዉ! ሄሳ ኡባ ኦና ዳንዳይዛይ ኔና፤ ሄሳ ጊሻስ ኑኒ ኔናን ሂዶታ ኦስ።

ኤርማሳ ቲንቢቴ 14:3

ዱሬቲ ባንታ ኣይሌታ ሃ ዱቃናስ ኪቴቴስ። ኢስቲካ ሃ ኦላይ ዲዛሶ ቤቴስ፤ ጊዶ ኣቲን ሃ ዴሜቴና፤ ባንታ ኦቶ ሜላ ቶኪ ኤኪዲ ሲሜቴስ። ዬላቲዲኔ ሂዶታ ቃንጺዲ ባንታ ሁኤ ጉሉንቴቴስ።

ኤርማሳ ቲንቢቴ 14:4

ኢራይ ቡኮንታ ጊሻስ ቢታይ ሜሊዲ ዛኤስ። ጎሻንቻቲ ዬላቲዲ ባንታ ሁኤ ጉሉንቴቴስ።

ኣሞጼ ቲንቢቴ 3:2

ጾሳይ፥ «ኩሜ ኣላሜን ዲዛ ዴሬ ኡባፌ ታ ኢንቴና ጻላ ዶራዲስ፤ ኢንቴ ኦዛ ናጋራ ኡባ ጊሻስ ታ ኢንቴና ቃጻያይስ» ጌስ።

ዛካራሳ ቲንቢቴ 14:16

ሄሳፌ ጉዬ ዬሩሳላሜ ኦላና ኬዚዳ ካዎቴታፔ ሃይቆንታ ኣቲዳ ኡባይ ኡባፌ ዎልቃማ ጎዳስ ጎይናናሲኔ ዳሴ ባኣሌ ቦንቻናስ ላይን ላይን ዬሩሳላሜን ሺቃና።

ዛካራሳ ቲንቢቴ 14:9

ሄ ዎዴ ጎዳይ ቢታ ኡባ ቦላ ካዎታና፤ ሄ ዎዴ ጎዳይ ኢሳ ጻላ፤ ኢዛ ሱንይካ ኢሳ ጊዳና።

ዛሬ ማጻፋ 11:17

ኢንቴ ናጌቶንታ ኣጊኮ ጎዳ ሃንቆይ ኢንቴ ቦላ ኤጺ ኬዛና፤ ኢራይ ቡኮንታ ማላኔ ቢታይ ካ ኢሞንታ ማላ ኢዚ ሳሎ ጎርዳና፤ ኢንቴካ ጎዳይ ኢንቴስ ኢሚዳ ሎኦ ቢታይፌ ኤሶን ያና።

ያቆቤ ኪታ 5:17

ኤላሲ ኑ ማላካ ኣሳ፤ ኢዚ ኢራይ ቡኮንታ ማላ ሚን ዎሲን ቢታ ቦላ ሄ ላይኔ ባጋ ጋካናስ ኢራይ ቡኪቤና።

ዮሃኒሳ ኣጁታ 11:6

ኢስቲ ቲንቢቴ ዮቲዛ ሄ ጋላሳታን ኢራይ ቡኮንታ ማላ ሳሎ ጎርዳናስ ማታይ ኢስታስ ዴስ። ሄሳካ ሃታ ሱን ላማናስ ኮይኮካ ሃራ ኣይ ማላ ቦሻንካ ቢታ ሾጫናስ ዎልቃይ ኢስታስ ዴስ።