ዛካራሳ ቲንቢቴ 14:16 - ጋሞ ማጻፋ

¹⁶ ሄሳፌ ጉዬ ዬሩሳላሜ ኦላና ኬዚዳ ካዎቴታፔ ሃይቆንታ ኣቲዳ ኡባይ ኡባፌ ዎልቃማ ጎዳስ ጎይናናሲኔ ዳሴ ባኣሌ ቦንቻናስ ላይን ላይን ዬሩሳላሜን ሺቃና።

Geeshsha Maxaafa

¹⁶ Hessafe guye Yerusalaame olana kezida kawoteththatappe hayqqontta attida ubbay Ubbaafe Wolqqama GODAAS goynnanaassinne daase ba7aale bonchchanaas layththan layththan Yerusalaamen shiiqana.

ዛካራሳ ቲንቢቴ 14:16 ပူးပေါင်းရင်းမြစ်များ

2ታሪኬ ማጻፋ 8:13

ሙሴይ ያርሾ ጊሻስ ኣዛዚዳ ዎጋ ማላ ሃች ሃች፥ ሳምባታን ሳምባታን፥ ኣጊናይ ዶሚዳ ኮይሮ ጋላሲኔ ላይን ቦንቼቲዛ ሄ ባኣሌታን ሄይቲካ ኡኬ ባኣሌን፥ ካ ሺሾ ባኣሌኒኔ ዳሴ ባኣሌን ጎዳስ ጹጌቲዛ ያርሾ ያርሺዴስ።

ኢዝራ ማጻፋ 3:4

ሄሳፌ ጉዬ ዎጋይ ኣዛዚዛ ማላ ዳሴ ባኣሌ ቦንቺዳ። ኢሲ ኢሲ ጋላሳስ ቤሲዛ ያርሾካ ሺሺዳ።

ዬ ማጻፋ 66:4

ሳኣን ዲዛ ኡባይ ኔስ ጎይኔስ፤ ኔና ሳቤስ፤ ኔ ሱንስ ጋላታ ማዛሙሬ ዬጼስ» ጊቴ።

ኢሳያሳ ቲንቢቴ 18:7

ሄ ዎዴ ጎዳስ ኡባፌ ዎልቃማ ጾሳስ ኣዱሳኔ ሊቆ ኣሳፔ፥ ማታፔ ሃሆፔ ያዪዛ ዴሬፔ፥ ዎልቃማኔ ኢዛ ቃላይ ኤሬቶንታ ዴሬፔ፥ ሻፋቲ ሻኪ ቢዛ ካዎቴፌ ኢሞታይ ያና፤ ሜቴ ጎዳይ ዲዛሶ ፑዴ ጺዮኔ ዙማ ቦላ ያና።

ኢሳያሳ ቲንቢቴ 19:21

ጎዳይ ባና ጊብጼታስ ቆንጪሳና፤ ኢስቲካ ሄ ጋላስ ጎዳ ኤራና፤ ያርሾኒኔ ካ ያርሾን ኢዛ ጎይናና። ኢስቲ ጎዳስ ኣዲኔታና፤ ባ ኣዲኔቲዳይሳካ ጋና።

ኢሳያሳ ቲንቢቴ 27:13

ሄ ጋላስ ጊታ ዛዬይ ፑኔታና፤ ኣሶሬን ዲኤቲዳይቲኔ ጊብጼን ኡንኤቲዳይቲ ጉዬ ዬሩሳላሜ ሲሚ ዪዲ ጌሻ ዙማ ቦላ ጎዳስ ጎይናና።

ኢሳያሳ ቲንቢቴ 6:5

ሂስቲን ታኒ፥ «ታኒ ዶናይ ቱኒዳ ኣሳ፤ ቃሴ ዶናይ ቱኒዳ ኣሳታ ጊዶን ዴኣይስ፤ ታኒ ካዎዛ፥ ኡባፌ ዎልቃማ ጎዳ ጾሳ ታ ኣይፌን ቤኢዳ ጊሻስ ታስ ኣዬ ኣና! ታ ያዲስ» ጋዲስ።

ኢሳያሳ ቲንቢቴ 66:23

ኣጊና ጼሮፔ ቢዲ ሃራ ኣጊናይ ጼራና ጋካናስ፥ ኢሲ ሳምባታፔ ቢዲ ሃራ ሳምባታ ጋካናስ፥ ኣስ ጊዲዳ ኡባይ ታስ ጎይናና ያና።

ኤርማሳ ቲንቢቴ 46:18

ኢዛ ሱንይ ጎዳ ኡባፌ ዎልቃማ ጾሳ ጌቴቲዛ ካዎይ፥ ታኒ ታ ዴኦን ጫቃይስ፤ ዙማታ ጊዶን ዲዛ ታቦሬ ዙማ ሚሳቲዛይ፥ ኣባ ኣቻን ዲዛ ቃርሜሎሴ ዙማ ሚሳቲዛ ኢሳዴይ ያናስ ዴስ።

ኤርማሳ ቲንቢቴ 48:15

ቤኢቴ ሞኣቤ ቢታይ ያና፤ ኢዚ ካታማቲካ ዎራጄታና፤ ዶሬቲዳ ኢዚ ዬላጋ ናይቲካ ሹኬታናስ ዱጌ ዎና፤ ኢዛ ሱንይ ጎዳይ ኡባፌ ዎልቃማ ጾሳይ፥

ኤርማሳ ቲንቢቴ 51:57

ኢዚ ሹሜታኔ ኣ ኤራንቻታ ኢዞ ሃሪዛይታኔ ጊታ ኣሳታ፥ ኢዚ ኦላንቻታ ታኒ ማሳና፤ ኢስቲ ሜርናስ ኢቻና፤ ሲሚዲካ ቤጌቴና» ጌስ ኢዛ ሱን ጎዳ ኡባፌ ዎልቃማ ጾሳ ጌቴቲዛ ካዎይ።

ሆሴኤ ቲንቢቴ 12:9

«ኢንቴና ጊብጼ ቢታፌ ኬሲዳ ጎዳ ኢንቴ ጾሳይ ታና፤ ላይ ባኣሌ ጋላስ ካሴ ኢንቴ ኦዛ ማላ ኢንቴ ኢንቴ ዱንካኔን ዳና ማላ ታ ኦና።

ኢዩኤሌ ቲንቢቴ 2:32

ጎዳ ሱን ጼይጊዛይ ዉሪካ ኣታና፤ ጎዳይ ካሴ ዮቲዳ ማላ ጺዮኔ ዙማ ቦላፌኔ ዬሩሳላሜፔ ኣቶቴ ቤታና፤ ኣታናይታ ጋርሳን ጎዳይ ጼይጊዳይቲ ዳና» ጊዴስ።

ሚኪያሳ ቲንቢቴ 4:2

ዳሮ ካዎቴቲ ኢዛኮ ዪዲ፥ «ጾሳ ዙማኮ ሃ ዪቴ፤ ያቆቤ ጎዳኮ ኣኔ ቦስ፤ ኑ ኢዛ ኦጌራ ባና ማላ ኑና ኢዚ ባ ኦጌ ታማርሳና» ጊዳ፤ ዎጋይ ጺዮኔፔ፥ ጾሳ ቃላይ ቃሴ ዬሩሳላሜፔ ያና።

ዛካራሳ ቲንቢቴ 14:9

ሄ ዎዴ ጎዳይ ቢታ ኡባ ቦላ ካዎታና፤ ሄ ዎዴ ጎዳይ ኢሳ ጻላ፤ ኢዛ ሱንይካ ኢሳ ጊዳና።

ዛካራሳ ቲንቢቴ 9:7

ታኒ ኢስታ ዶናፔ ሱ፥ ኢስታ ጋጮፔ ሞንታ ማላ ዲጌቲዳ ካ ዲጋና፤ ሃንኮ ኣቲዳይቲ ታ ዴሬ ጊዳና፤ ዩሁዳ ቢታን ሃላቃታና፤ ኣቃሮኔ ኣሳይካ ያቡሴ ኣሳ ማላ ጊዳና።

ሚልካሳ ቲንቢቴ 1:14

«ዶርሳታ ጋርሳን ሎኦ ርሾይ ዲዛይሳ ኢማናስ ኣዲኔቲዲ ቃሴ ባሌን ኢዛ ቦላ ዎሶይ ዲዛ ሜሄ ጎዳስ ያርሾ ሺሺዛዴይ ቃንጌቶ፤ ታ ጊታ ካዎ፤ ታ ሱንካ ዴሬ ኩሜ ባባናስ ቤሲዛ ሱን» ጌስ ኡባፌ ዎልቃማ ጎዳ ጾሳይ።

ዮሃኒሳ ሚሺራቾ 1:49

ናቲናኤሌይ፥ «ኣስታማሬ! ኔ ጾሳ ና፤ ኔ ኢስራኤሌ ካዎ» ጊዴስ።

ዮሃኒሳ ሚሺራቾ 7:2

ሄ ዎዴ ኣይሁዳታ ዳሴ ባኣሌይ ማቲ ኡቲዴስ።

ሃዋሬታ ኦሶ 15:17

ሄሲካ ኣቲዳ ኣሳይ ጎዳ ኮያና ማላኔ ታ ሱንን ጼይጌቲዳ ኣይዛቤቲ ታና ኮያና ማላ ጌስ ኡባ ኦዳ ጾሳይ።

ኦሮሜ ኣሳስ 11:16

ኮይሮ ቡኬሶይ ሎኦ ጊዲኮ ሃንኮ ኢዛፔ ኦሴቲዛይሲ ዉሪካ ሎኦ ጊዴስ፤ ሄሳካ ኢሲ ሚ ጻጶይ ሎኦ ጊዲኮ ሃንኮ ኢዛ ቦላ ዲዛ ሃጋቲካ ሎኦ ጊዴቴስ።

ኦሮሜ ኣሳስ 11:26

ሄሳ ጊሻስ ኢስራኤሌ ናይቲ ዉሪካ ኣታና። «ኣሺዛዴይ ጺዮኔፔ ያና፤ ያቆቤፔካ ኢታቴ ዲጋና።

ኦሮሜ ኣሳስ 11:5

ሄሳ ማላካ ሃኢ ሃ ዎዴዛንካ ጾሳ ኪያቴን ኢስራኤሌ ኣሳፔ ዶሬቲ ኣቲዳ ጉቲ ዴቴስ።

ዮሃኒሳ ኣጁታ 11:13

ሄ ሳቴዪንካ ዎልቃማ ቢታ ቃ ሃንዴስ፤ ሄ ካታማስ ታማፌ ኢሲ ኩሼይ ላሌቲዴስ፤ ቢታ ቃ ጋሶን ላፑን ሺ ዴሬይ ሃይቂዴስ፤ ሃይቆንታ ኣቲዳ ኣሳይ ጊዲኮ ዳሮ ባቢዴሲኔ ሳሎ ጾሳካ ቦንቺዴስ።

ዮሃኒሳ ኣጁታ 19:16

ኢዛ ማይኦ ቦላኔ ኢዛ ዎዲራ ቦላ፥ «ኢዚ ካዎታስ ካዎ፥ ጎዳታስ ጎዳ» ጊዛ ሱን ጻፌቲ ዴስ።