ዛካራሳ ቲንቢቴ 13:2 - ጋሞ ማጻፋ

² «ታኒ ሄ ዎዴ ቢታፌ ኤቃ ጾሳታ ሱን ይሳና፤ ሄሳፌ ናምኣን ኢስቲ ቆፌቴቴና፤ ኢስታ ናቤታኔ ቱና ኣያናታ ቢታይ ቦላፌ ታ ዲጋና።

Geeshsha Maxaafa

² «Tani he wode biittafe eeqa xoossata sunth dhayssana; hessafe nam7anththo istti qofettettenna; istta nabetanne tuna ayanata biittay bollafe ta diggana.

ዛካራሳ ቲንቢቴ 13:2 ပူးပေါင်းရင်းမြစ်များ

1ካዎታ ማጻፋ 22:22

«ጎዳይ ኣያናዛ፥ ‹ኔ ኢዛ ዎስታ ባሌኔ?› ጊዴስ። «ኣያናዚካ፥ ‹ታኒ ኬዛ ባዳ ኢዛ ናቤቲ ኡባቲ ዎርዶ ሃሳያና ማላ ኦና› ጊዴስ። «ሂስቲን ጎዳይ፥ ‹ኤሮ ሃኢ ኬዛዳ ባ! ባዳ ባሌ፤ ኢዚ ኔስ ሃናና› » ጊዴስ።

ዬ ማጻፋ 16:4

ዎርዶ ጾሳታ ካሊዛይቲ ባንታ ቦላ ሜቶ ዳርሴቴስ። ጊዶ ኣቲን ታኒ ኤቃ ጾሳታስ ሹኪኬ፤ ኢስታስ ሱንካ ጼይጊኬ።

ኬሳ ማጻፋ 22:13

ሄ ሜሄዛ ዶኣይ ሚዳ ጊዲኮ፥ ማርካ ጊዳና ማላ ዶኣይ ሚሺን ኣቲዳይሳፌ ኤኪ ኤሂ ቤሶ፤ ሂስቲዲ ሜቴቲዳ ሜሄዛ ጊሻስ ቃንጾፎ።

ኬሳ ማጻፋ 23:13

«ታኒ ኢንቴና ጊዳይሳ ኡባ ሚንዲ ኦቴ፤ ሃራ ጾሳታ ሱን ጼይጎፒቴኔ ኢስታ ዎሶፍቴ።

ኢሳያሳ ቲንቢቴ 2:18

ኤቃ ጾሳቲ ኡባይ ሙሌራ ያና።

ኢሳያሳ ቲንቢቴ 2:20

ሄ ጋላስ ኣሳይ ጎይናናስ ሜዳ ባንታ ቢራ፥ ዎርቃ ሚስሌታ ጊሮሲኔ ካፎታስ ኦላና።

ኤርማሳ ቲንቢቴ 29:23

ኢስቲ ባ ላጌታ ማቼታራ ላይማቴን ታ ኢስታስ ዮቶንታ ቃላ ታ ሱንን ዎርዶ ዮቶን ኢስራኤሌ ቦላ ቆሆ ጋዳ፤ ሄሳ ታኒ ኤራይስ፤ ታኒ ሄሳስ ማርካ» ጌስ ጎዳይ።

ሂዚቄላ ቲንቢቴ 12:24

ሃይሳፌ ጉዬ ኢስራኤሌ ዴራ ጊዶን ዎርዶ ኣጁታይኔ ኣስ ሙሬኖ ኦሶይ ዴና።

ሂዚቄላ ቲንቢቴ 13:23

ሄሳ ጊሻስ ሃይሳፌ ጉዬ ዎርዶ ኣጁታ ቤኤኬታ፤ ሙሬኖካ ሙሬኔኬታ፤ ታ ዴራ ኢንቴ ኩሼፔ ዎ ኤካና፤ ታኒ ጎዳ ጊዲዳይሳ ኢንቴ ሄ ዎዴ ኤራና› ጌስ» ጊዴስ።

ሂዚቄላ ቲንቢቴ 14:9

« ‹ናቤዛ ቲንቢቴ ዮታና ማላ ባሌኮ፥ ሄ ናቤዛ ባሌዳይ ታና ጎዳ፤ ታኒ ታ ቄሴ ኢዛ ቦላ ዴንዳ ታ ዴሬ ኢስራኤሌ ጊዶፌ ኢዛ ይሳና።

ሂዚቄላ ቲንቢቴ 30:13

«ኤቃ ጾሳታ ታ ይሳና፤ ሜምፒሳን ዲዛ ሚስሌታ ታ ዲፒ ሂስታና፤ ሃይሳፌ ጉዬ ጊብጼን ሃላቃታናይ ዴና፤ ቢታይ ቦላ ታ ያሻቴ ኪታና።

ሂዚቄላ ቲንቢቴ 36:25

ታኒ ኢንቴና ጺሎ ሃን ኣራጫና፤ ኢንቴካ ጌያና፤ ሂስታዳ ታ ኢንቴና ኢንቴ ኤቃ ጾሳታ ኡባፌኔ ኢንቴ ቱናቴ ኡባፌ ጌሻና።

ሂዚቄላ ቲንቢቴ 36:29

ኢንቴ ቱናቴፌ ታ ኢንቴና ጌሻና፤ ካ ታ ሙሩቲሳናኔ ዳርሳና፤ ኮሻካ ኢንቴ ቦላ ኤሂኬ።

ሂዚቄላ ቲንቢቴ 37:23

ኢስቲ ባንታ ኤቃ ጾሳታን፥ ሃራሲዛ ባንታ ሚስሌታን፥ ዎይኮ ባንታ ናጋራንካ ባንታናቴ ቱኒሴቴና። ጋሶይካ ኢስቲ ታና ኣጊዲ ኦዳ ናጋራ ኡባፌ ታ ኢስታ ኣሻናኔ ጌሻና፤ ኢስቲ ታ ዴሬ ጊዳና፤ ታኒካ ኢስታ ጾስ ጊዳና።

ሂዚቄላ ቲንቢቴ 43:7

ኢዚ «ሃይሶ ኣሳ ናዉ፥ ሃይሲ ታ ኣልጋ ሶሆኔ ታ ቶሆይ ዬዛ ሶሆ። ታኒ ኢስራኤሌ ኣሳ ጊዶን ሜርናስ ዳና። ሃይሳፌ ጉዬ ኢስራኤሌ ኣስ ጊዲን፥ ኢስታ ካዎቴ ጊዲን፥ ሃራ ጾሳታስ ጎይኒዲ ዎይኮ ሼምፖይ ባይንዳ ባንታ ካዎታ ሃዉልቴ ጎይኖን ታ ጌሻ ሱን ቱኒሴቴና።

ሂዚቄላ ቲንቢቴ 6:6

ኢንቴ ኢስታን ዲዛ ካታማቲ ኡባይ ካይስ ጊዳና፤ ኢንቴ ጎይኒዛሶቲ ኡባይ ላሌታና፤ ሄሳካ ኢንቴ ያርሺዛሶሆቲ ቱናናኔ ላሌቲ ያና፤ ኢንቴ ኤቃ ጾሳቲ ኒፒ ጊ ሜቄሬታና፤ ኢንቴ ኤጻኔ ያርሺዛሶሆቲ ኒፒ ጊ ሜቄሬታና፤ ኢንቴ ኩሼ ኦሶቲ ዲፒ ጊ ያና።

ሆሴኤ ቲንቢቴ 14:8

ኤፍሬሜ! ታሲኔ ኤቃ ጾሳታስ ኣይ ጋይቶቴ ዲዜ? ኔ ዎሳ ሲዪዛይኔ ኔና ናጊዛይ ታና፤ ታኒ ኡባ ዎዴ ጪሊሊ ኡቲዳ ሚ ማላ፤ ኔ ኣይፊዛይ ታፔ ዴንዲዳይሳና» ጌስ።

ሆሴኤ ቲንቢቴ 2:17

ባኣሌ ጌቴቲዛ ኤቃ ጾሳታ ሱን ታ ኢዚ ዶናፔ ዲጋና፤ ሃይሳፌ ጉዬ ኢስታ ሱን ዴንዴና።

ሆሴኤ ቲንቢቴ 2:19

ሃኔ ኢስራኤሌ! ታ ኔና ሜርናስ ታስ ጊጊሳና፤ ታ ኔስ ጺሎቴኒኔ ሱሬቴን ፒርዳና፤ ኣጎንታ ሲቆኒኔ ቃታን ታ ኔና ታስ ኦይቻ ጊጊሳና።

ሚኪያሳ ቲንቢቴ 2:11

ባሌዛ ዎርዶ ኣሲ ዪዲ፥ ‹ዳሮ ዎይኔ ኡሹ ጊሻሲኔ ማሲዛ ኡሻ ጊሻስ ጊዲ ቲንቢቴ ኢንቴስ ዮታና› ጊኮ ሃይሳ ዴሬዛስ ዶሴቲዳ ናቤ ጊዳና።

ሶፎናሳ ቲንቢቴ 2:11

ጎዳይ ሄ ቢታ ኤቃ ጾሳታ ኡባ ይሲዛ ዎዴ ኢዚ ኢስታ ያሺሲዛይሳ ጊዳና፤ ኣባ ኣቻን ዲዛ ዴሬቲ ኡባይ ኢሶይ ኢሶይ ባ ዲዛሶን ዲሼ ኢዛስ ጎይናና።

Maatosa 12:43

«ቱና ኣያናይ ኣሳፔ ኬዚዲ ሼምፖ ዴማናስ ሃ ባይንዳ ሜላ ቢታን ዳቡሬስ። ጊዶ ኣቲን ባ ኮይዛ ሼምፖዛ ዴሜና።

Maatosa 7:15

«ኢስታስ ጊዶ ባጋይ ካና ሱይቴ ማላ ጊዲ ኡቲዲኔ ዶርሳ ኢቴ ማይኢ ጌሊዲ ኢንቴ ጊዶን ኦዛ ዎርዶ ናቤታፔ ናጌቲቴ።

ሉቃሳ ሚሺራቾ 11:20

ጊዶ ኣቲን ታኒ ዳይዳንታ ኬሲዛይ ጾሳ ዎልቃን ጋኪዴስ፤ ጾሳ ካዎቴይ ኢንቴኮ ማቲዳሮ ኤሪቴ።

ዛሬ ማጻፋ 12:3

ኢስቲ ያርሾ ያርሺዛሶሆታ ላሊ ይሲቴ፤ ሹቻፌ ኦሴቲዲ ቱሳ ማላ ኤቂዳ ኤቃ ጾሳታ ኡባ ሊቂሲቴ፤ ኣሼሮ ጌቴታ ጼይጌቲዛ ኤቃ ጾሳይ ሚስሌታ ኡባ ታማን ጹጊቴ፤ ማሴቲ ጊጊዳ ኢስታ ኤቃ ጾሳታ ኡባ ሜንሬ ዬጊቴ፤ ኢስታ ሱንካ ቢታፌ ይሲቴ።

ዛሬ ማጻፋ 18:20

ጊዶ ኣቲን ታ ኢዛ ኣዛዞንታ ጻላቴን ታ ሱንን ዮቲዛ ናቤይ ዎይኮ ኤቃ ጾሳታ ሱንን ዮቲዛ ናቤይ ሃይቆ።

ኢያሶ ማጻፋ 23:7

ሃይታ ኢንቴ ጊዶን ኣቲዳ ካዎቴታራ ኢሲፌቶፍቴ፤ ኢስታ ኤቃ ጾሳታ ሱን ጼይጎፒቴ፤ ኢስታ ሱንን ጫቆፍቴ፤ ኢስታስ ኦፍቴኔ ጎይኖፍቴ።

ዮሃኒሳ ኣጁታ 18:2

ኢዚ ቃ ቃላን፥ «ጊታ ባቢሎና ኩንዳዱስ! ኩንዳዱስ! ኩንዳዱስ! ዳይዳን ዱሳሶ ጊዳዱስ! ቱና ኣያናታስ ኣቆሶ ጊዳዱስ! ሃራሲዛ ኢታ ካፎታስ ሼምፖሶ፥ ኢታኔ ሃራሲዛ ዶኣታስካ ኣቆሶ ጊዳዱስ።

ዮሃኒሳ ኣጁታ 19:20

ጊዶ ኣቲን ሄ ዶኣዚ ኦይኬቲዴስ፤ ካሴ ኢዛራ ዳሮ ማላታ ኦዳ ዎርዶ ናቤዚካ ኢዛራ ኦይኬቲዴስ፤ ኢዚ ሄ ዶኣዛ ማላታይ ኢስታ ቦላ ዲዛይታኔ ሄ ዶኣዛ ሚስሌዛስ ጎይኒዳይታኔ ጊታ ማላታታ ኦ ኦዲ ኢስታ ባሌሼ ጋምኢዴስ፤ ሄይቲ ናምኣቲ ዲኔ ጌቴቲዛ ኤጺዛ ታማ ኣባን ሃይቆንታ ፓጻ ዲሼ ዬጌቲዳ።